طريق الامل ( خبرات متبادلة حول مراكز العقم فى مصر ) الجزء السادس

نيفو حبيبة قلبي شافاكي الله وعافاكي

وحمدالله على سلامتك يا جميل والله وحشتيني جدا

بس المهم صحتك ومعلش انتي فعلا قاسيتي كتير في تعبك ده ان شاء الله كله في ميزان حسناتك يارب

وانا حاسة بيكي اوي يا نيفو انا كمان والله لما المريء بيتعب شوية بتعب اكتر واكتر من الخوف والرعب الي بيجيني

شافاكي الله وعافاكي وان شاء الله تبقي زي الحصان بعد كده وتخسي بصحة وعافية وتحصلي اوشي وطمطم وسارة وزوزو

مسلمة ازيك ياحبيبتى ... انا مقدرش على الدلع ده .... ربنا يكرمك يارب بكل ماتتمنيه .... بالنسبة للعطس بعطسلى عطستين فى اليوم ... اهو احسن من مافيش .... ده انا كنت فى العادى المعدل ده كل ساعة ... اصلى حساسة قوى لأى ريحة غريبة او تراب او دخان ... على كل حال ربنا يارب يكملى على خير انا وتوتا وكل البنات المقبلين بعدينا على العملية ...
بالنسبة ليه انا مش حاسة بأعراض معينة فى الفترة دى ... يمكن شوية دوخة بسيطة او نغذ فى جنابى وحاسة بشوية ارهاق ....

انا مش عايزة اركز على الاعراض علشان مقلقش على نتيجة العملية بس غصب عنى ... لو اى واحدة منكم مكانى كانت حتبقى كده ... صح ولا انا غلطانة..

شوشو حبيبة قلبي وحشتيني عاملة ايه

وازي انوس بيه آلاجة

يارب النفسية تكون خلاص بقت تمام بعد كل الاخبار الحلوة دي لازم نتفائل كلنا <<<< الكلام ليكي يا جارة
ههههههههه


ان شاء الله ربنا يكرمك يارب الشهر ده بجودي عشان انوس بيه يزأطط

وبالنسبة للعلاج خلاص الدكتور عادل بعت لي اول حقنة هاخدها ومفعولها 3 شهور والحقنة وصلت خلاص بس معرفتش اسأله آخدها امتى لأن النت كان فاصل
ان شاء الله نتصل بيه النهاردة واعرف وبعدها المفروض فيه حقنة تانية مفعولها شهر اذا عرفنا نجيبها من مصر كان بها معرفناش لها بديل هنا ممكن استخدمه
يعني مدة العلاج ان شاء الله 4 شهور وبعدها نبدأ تنشيط عشان المفروض يحصل حمل قبل البطانة ما ترجع مرة تانية

وبفكر مع التنشيط اعمل تلقيح صناعي عشان نزود الفرص

وعندي احساس اني هحمل بعد العلاج ده وهتكونوا كلكم بأمر الله سبقتوني وحوامل كلكم

اوكسي يا جميل هتفرحينا ان شاء الله قريب انا قلبي حاسس ان ربنا هيكرمنا كلنا قريب والله

بدعي لك ربنا يكمل فرحتنا بحملك ياااااااااارب

الف مبرووووووووك يازوزو ربنا يكملك على خير ويثبت جنينك المرة دى يارب ....ويسمع منك ربنا واكون نمرة خمسة يارب ونعمل افجار سكانى فى الملف