طريق الامل ( خبرات متبادلة حول مراكز العقم فى مصر ) الجزء السادس

ازيك يا أم أنس يا حبيبة قلبى....
الله على الأخبار الحلوة ديه....
أيوه كده...أنا كمان اتفائلت أوي....الحمد لله يا حبيبتى ان مده العلاج مش طويلة أوي...
إن شاء الله أربع شهور يعدوا قوام.....و بعدها نفرح معاكى كلنا....
يا رب يا حبيبتى يكمل شفاكى على خير...و يسمعنا عنك كل خير دايما و يفرح قلبك و يعوض صبرك خير...

و بالنسبة لى ...متخافيش...الحمد لله النفسية بقت زي الفل...ووالله متفائلة جدا...
و طبعا تفائلت أكتر مع الأخبار الحلوة اللى سمعتها عن أخواتى...أولا لأنى فرحت إنهم بأمر الله هيبقوا أمهات...
و ثانيا...لاننا كلنا شفنا كرم ربنا...و إنه مهما طال الوقت مش بيضيع تعب حد....
و بعدبن ..متشكرين أوي يا عمونا على الدعوة الحلوة اللى فى الجون ديه...لا و كمان بالاسم...
ان شاء الله ربنا يسمع منك و منى و يكرم الجميع

لف الف مبروك يا زينب.
نيفو: سلامتك يا قمر الف سلامة.
منة: كمال شاروبيم ده دكتور امراض جلدية و تناسلية و بروحله بقالي سنين علشان علاج حب الشباب و هو ما شاء الله شاطر جدا و دمه خفيف اوي.
انا رحت للدكتور يوم الثلاثاء و لحمد لله طمني علي البيبي و قالي ممكن انزل الشغل خفيف خفيف بس من غير ما اسوق, يعني ابتدي شوية شوية. بس لسه مش عارفة حعمل ايه في الرجوع من الشغل. مش معقول حستني كل يوم جوزي لغاية الساعة 7 لما يخلص ويفوت عليا فعقبال ما نرجع البيت تكون 8:30 او بعدها. ان شاء الله تتحل.
ماما قالتلي ان اختي اخدت البيبي اسبرين بس كانت في اواخر الرابع او اوائل الخامس. انا نسيت اساله عليه خالص.

ريمو حبيبي ازيك واحشاني

وازي انوس

معلش انا بعتذر بقى لغيابي خصوصا بعد ما شفتك ما شاء الله تبارك الله نشيطة في الملف حسة ان الملف رجع زي زماان خصوصا بعد عودة نيفو

بس معلش والله غصب عني

وبالنسبة للكلام الي قلتيه عن الدكتور عادل

انا مش عارفة اقول اي كلمة زيادة
بصراحة كنت ناوية اتكلم عنه انا كمان قبل ما اخد العلاج الي قال لي عليه

مش عايزة استنى اتعالج واحمل ان شاء الله وبعدين اشكره

بس انتي وفيتي وكفيتي

انا بس هقول انه في كلامي المتسرع الي قلته في الاول قلت انه كان هيجيب لي الحقنة من معمل تبعه يعني ممكن تكون تجارة

ومع ذلك لما رجعت عشان اتعالج عنده بعد ما اكتشفت تطور المرض الي هو الوحيد الي اكتشفه كان ممكن اوي يقول لي على اسم الحقن وانا اتصرف بقى طالما قلت كده لكنه وبكل بساطة وفر لي الحقنة وبسعر المصنع والحقنة التانية كمان كان هيجيبهالي بس الوقت كان ضيق ومكنتش متوفرة

ربنا يكرمه ويسعده

انا عملت سحب يوم الاربع ورجعلى الجنة الجمعة يعنى بعد يومين ... وحكاية اليوم الكام بتختلف حسب الحالة يا هدى