جارتي الهندية ،، و اسم بنتها ،،
ما عرفت في اي قسم احط الموضوع فحطيته في هذا القسم لاني احبه كثير ،،
جارتي الهندية كافرة و تعبد الاصنام و البقر ،، و كانت تجي عندي بين فترة و فترة لانها ممرضة و مشغولة دائما ،، و مرة من المرات جات عندي و تسألني في الدين الاسلامي و تقول الممرضات اللي في المستشفى يقولو لها عن الدين و هي ترجع تستفسر مني عن نفس الشغلات بما اني قضيت 3 سنين و نص في باكستان اعرف اتكلم معاها ( اردو ) و ارجع افسر لها الامور بطريقة ميسرة و بسيطة و محببة ، و جاتني مرة و هي فرحانة و قالت لي انها اسلمت و فرحاااانة فرح مو طبيعي بس كانت خائفة لانها متزوجة و تبغى تروح بلدها و تقول لهم انها اسلمت و بالأخص لزوجها ،، و اول اسبوع ما قالت لاحد و عادي زوجها عاشرها و جلست في بيتها وسط اهلها و بعد اسبوع قالت لهم طبعا طردوها و بالاخص زوجها طلقها و اهلها سبوها و ضربوها و اتجمعو عليها الجيران و تقول رمو على الزبالة و الوسخ الله يكرمكم ،، ولما رجعت جات عندي تبكي و صبرتها ووقفت معاها ،، و هي قالت خلاص انا ما راح ارجع ابدا للهند و راح اعيش هنا و بدات تصلي و اخذت عمرة و حجت و لما رجعت تأخرت الدورة و استنت و استنت و الدورة ما شرفت عملت تحليل طلعت حااااااااااااااااااااااااااااااامل طبعا من زوجها الهندي ،، و جات عندي تبكي و قلت لها يمكن ربي كاتب لك الخير ، يمكن اللي راح يجي سواء بنت او ولد راح ينسيك اهلك على الاقل ويونسك في الغربة ، بس هي كانت خائفة لو زوجها درى راح يأخذ الطفل اول ما ينولد ،، و مرت الايام و بطنها كبر و كل بعد فترة تجيني تقولي قولي لي اسم مميز و يكون ديني لانها كشفت و قالو لها بنت ،، و انا اقولها خديجة او عائشة تقولي لا ابغى اسم مميز و اقولها طيب دعاء تقول لا ابغى اسم مميز و كل بعد فترة تجي تقول ما لقيتي لي اسم ، ،اقولها خلاص ما لقيت كل الاسامي جبتها و ما عجبك شي ،، وانا سافرت اجازة و لما رجعت جات عندي و هي شايلة بنتها و ما شاء الله تبارك الله ملامح بنتها حلوة و قلت لها ايش سميتيها قالت سميتها ،،،
حرمين ( يعني مكة و المدينة )
ايش رايكم ، ادعو لها ربي يثبتها على الدين و يهدي اهلها ،، و يخلي لها بنتها ،،