شاركي في النقاش

سجلي الدخول لإضافة تعليق.

التعليقات

194
  1. @dalo0o3ha

    صاحبة الموضوع
    اول شيء انا بديت بتاريخ 15-4 والحمدالله الين اليوم ومستمره لاني مسكت الطريق الصح ... واللي اعتقد انه غير لي حياتي ....

    اليوم من وزنت وشفت نفسي وصلت 102 قلت ودي اشارك الناس بقصتي يمكن تفيد حد غافل مثلي ...

    اقولكم عن زوجي ... تدرون انه كان طول الفترة الماضية وهو يقولي انا عادي عندي انتي ليش تخففين .. وانا مايهمني وانا وانا ... المهم اكتشفت انه يجاااااااااااااااااااااااااااااااااااااااملني بس .... لاني يوم العيد فجأته ولبست فستان اسود مخصر ... ريلي تخبل وتم يطالعني وهو مدههههههههههههههههههههههههوش مش من الضعف ...لا كيف ضعفت .. هذا وانا عايشه عنده ... شو يقولون اللي برع ...

    تم متسمر مكانه ودورني ويلفني ويقولي في شيء ... مصدوم ... عجبه اصراري وردت فعلي ... تصدقون انه سيرتي على لسانه قدام اهله عن ارادتي ونزول وزني .... وعن اصراري وعزيمتي وعن ثقافتي الصحية ...

    زميلات الدوام مستقربين كيف وزني ينزل وهم يزيد ... قلت لهم انا من ارد البيت ما اكل .. يقولون ولو .. بعد ماتنزلين ... نضرية شفت انها غلط .. التخفيف ينزل الوزن

    اهلي والناس اللي حولي صاروا اللحين يشجعوني ... والحمدالله

    زوجي واعدني انه يسهرني في ارقى مطعم في برج العرب ... بمناسبة نزول وزني .. وانا قلت له لا مب اللحين انا ابا انزل لل 95 عشان البس فستان شريته ولا قد لبسته ...

    بنات انا تغيرت كلياً مب بس جسمي انا غيرت حياتي كلها الى الافضل ... صار الدش اليومي 10 دقايق ولازم لي يوم استرخاء في الاسبوع ادلع فيه جسمي ... واحط اقنعه وكريمات .. 4 مرات في الشهر لابد ماروح للصالون اسوي اي شيء .. المهم اغير ..

    المكياج ما احبه بس صرت اعتمد على الغلوس والكحل والمسكرة والبودرة ... بدون ظل فقط شيء ناعم ...
    اللبس ... اه الحمدالله من بعد ماكنت البس 24-22 صرت البس 16-14 والحمدالله ناويه على ال 10-8

    وزني كنت حاطه جدامي جدول فيه ( 48) خانة والمقصود الكيلوات اللي ابا اخسرها
    صارو (26) خانه فقط .... يعني الحلم انقضى نصه .... والتجربة الحقيقة عديت مرحلتها ..


    صرت مستمتعه في كل شيء اسوي كل شيء بحب ومتعه حتى الاكل صرت اكله بمتعه لاني ادري انه ماراح يزيد شحومي لا راح يخفهم ... اكل وانا متاكده اني يالسه انحت جسمي ...

    علاقتي الزوجي بريلي صارت احلى واجمل ...

    مشكلة السمنه انه الشحوم تخفي ملامح جسمج وبعدها تخفي ملامح حياتج ... يعني من تتنازلين شوي بس تبدى سلسلة التنازلات وحده وراء الثانية ....


    مثال : تنازلتي عن الرجيم والصحه .. تركتي جسمج واهملتيه ... اهملتي زوجك وعيالج ... اهملتي بيتج .. اهملتي صحتج ... وتبتدين تتنازلين عن انوثتج ... عن شبابج .... عن صحتج ... وعن كل شيء ....




    غيري نفسج وفكرج ... بيتغير كل شيء حولج ...

    الله تركض وراء ريالها ليل نهار تباه يحبها ... غيري نفسج
    اللي تركض وراء الضعف ومش محصلة نتيجه اقولها غيري نفسج
    اللي اهملت نفسها اقولها غيري نفسج لانه بي وقت بتغيرين ومحد بيهتم ....


    غيري الكسل الى نشاط

    غيري المتن الى رشاقة

    غيري الاحباط الى تفائل

    غيري نظرتج لنفسج من شفقه ورثاء الى حب قوي ... حبي نفسج حبي جسمج وساعديه مثل ماخلتيه يمتن ضعفيه ... اعتني فيه ...

    هذي تجربتي ... واتمنى انه تفيدكم وتفتح عيونكم ... اتمنى انكم ماتهملون نفسكم ...


    انا حالياً بديت اسوي رجيم اندومي بالشطه لاني ابا انزل بسرعه ... ودي على الاسبوع الياي يصير وزني 95 ان شاء الله ....

    اللي حابه تسال او تعلق لها مطلق الحرية ... اللي تبي تنقل التجربة ... لها مطلق الحرية ...

    بس ودي بدعوة منكم انه الله يوفقني في كل مسعاي
  2. @nays1

    ماشاء الله عليكي بس بلاش نزول سريع علشان متحرقيش العضل بتاعك
    ربنا يكرمك بس انت هدفك كم؟

تابعي تجارب أخرى من هذا القسم.