صديقتي المقربه جدا صارحتني اليوم بمشكلتها.. ولكن ماعرفت ايش اقولها
وقلتلها اني مشتركه بالمنتدى وقلتلها ارسليلي الكلام اللي تبغيه بالايميل. والبنات مايقصرووو ابدا
ارجو انكم تفيدوها او تدعولها :(
اترككم مع كلامها وقصتها
ساعدوووني يابناااات الله يوفقكم انا ف مصييييييييبه
وانا ماقلكم اني غلطت في البدايه وانها غلطتي
لكني خلااااااص .. ماني عارفه ايش اسوي يارب ساااااعدني
انا الحين متزوجه.. جات فتره بعد الزواج بكم شهر كنا جدا مو متفاهمين انا وزوجي.. وكل يوم مشاااكل
وكنت متعررررفه زمان على واحد بالشات... واضفتهم بالمسن ومرة اخلاق وطيب وكل شي
وانا لمن اتزوجت ماعاد سرت ادخل شات ولا مسن ابدا ابدا .. ومرة دخلت المسن القديم والاقيه واخذت رقمه وكلمته
ومن وقتها وحنا نكلم بعض وكل شي لمدة ثلاث شهور يمكن ونص ولا تنسووون وانا متزوجه .. وهو يقول اتعلق فيني وحبني ويقول ماحب احد من قبل كذا.. حسيت اني اتعلقت فيه وكذا .. يارب اغفرلي
واعطيته صوري وكل شي
بعدين صراحه قلت ربي مارح يوفقني ابدا وانا بذا الحال لازم اتوب واتغير
لكن خلاص الفاس طاح بالراس
وبعدها كذا عالعيد.. فهمته انه خلللاص ماعاد ابي شي ولا شي ولا اكلمه ولا شي واني باشوف حياتي واهتم لها خلاص وانه باحاول اغير زوجي وانه زوجي اتغير معايا وكل شي
في البدايه ماقال شي ولمن يدق مابارد عشان خلاص يفقد الامل ماعاد يدق.. وفتره طووويله مادق ولا شي لدرجه يابنات نسيته نسيته... والحين له كم يوم يدق يدق يدق وانا مارد واعطيه مشغول .. انه يعني زوجي معايا وماقدر اكلمه ..
اليوم يابنات بشكل فظيييييع يدق يدق يدق يدق
واعطيه مشغول ويدق.. واخر شي تصدقووون يدق عالبيت والحمدلله زوجي مو موجود ..بس خلاص مو عارفه كيف
اسوي.. فصلت سلك التليفون.. بس يابنات وقسما بالله وانا خايفه مرررة مرررة
شويه ارسل مسج يقول ليش تتهربين مني انا ولد اصول لاتخافين مني
ويرجع يتصل وانا ما ارد
اخر شي رديت واسوي اني مع زوجي ماقدر اكلمه واقله ماقدر اكلمك الحين واقفل
وخمس دقايق ويرجع يدق
بنات انا مرررة خايفه ماعرف يش اسوي .. ارسل مسج وفيه تهديد نوعا ما حسب مافهمته انا >> عالعموم خذيها مني للحين هي صغيره اوك؟؟وحذاري ان كبرت صدقيني اللي بتفكري فيه مو بصالحك بالخط العرييض
رقمي عندك ويكون احسن لو انتي اتصلتي...
بنات اقسسسسسم بالله انا مررره خايفه وماني عارفه ايش اسوي انا قررت اني اتغير بس بعد فوات الاوان يابنات..
ساعدووووني الله يوفقكم ويستر عليكم..ايش اقوله.. اخاف اتاخر ويسويلي مصيبه والله
احس اني منهااااره.. مارح ينفع اقفل الجوال لانه قفلته اليوم الصباح
ساعدوني تكفوووون
بنات الله يسعدكم ويستر عليكم ساعدوني ايش اقلها ماني عارفه والوقت مو بصالحها.. عالصباح اكيد بيدق او انه بييستنى اتصالها
الموضوع مغلق