شاركي في النقاش

سجلي الدخول لإضافة تعليق.

التعليقات

1,551
  1. @am_ayad_2009

    oshy2005
    يابنات انا رحت للدكتور النهاردة وكشف عليا بالسونار وقالى الحمد لله كل شئ تمام وخلصت وسالته على السفر وقالى سافرى وقبل ما اخرج بقولهه ربط عنق الرحم مهم لاقيته بيقول اه نعمله نعمله مش عارفة ليه حسيت ان الموضوع تجارى لو كان قالى وقت السونار…
    اوشي ام مرمش وفرفش بلاش كتر تفكير في الدكاترة واللي بيعملوة
    الاحسن زي ما قلتي انك تصلي صلاة استخارة
    ولو اني شايفة انه من الافضل انك تعملي ربط وخصوصا انك مسافرة والسفر حيكون في ارهاق عليكي
    وكمان هناك حتكوني لوحدك يعني مافيش حد يساعدك
    يبقى الافضل انك تعملي الربط وان شاء الله ربنا حيكرمك وتفرحي باطفالك
  2. هيا ننشر الخير
    أشكرك على ترحيبك بيا يا نيفو ... واتفضلى التوقيع والله مش يغلا عليكى أما بقى السى فى بتاعى بإختصار ... عندى 30 ( مش 30 عيل .. لأ 30 سنة ) وعندى طفل واحد ربنا يحفظه ويبارك لى فيه (عملت منظار بطن قبل ما أحمل فيه لأنى كنت متأخرة فى الحمل برض…

    حبيبتى تويتى ..
    يارب يا قلبى يكون السحب عدى على خير .. وتكونى كسبتى لك تلاجة ولا أتارى ههههه .. بضحك معاكى ... وان شاء الله يا قلبى بكرة يبقى يوم السعد والهنا والخير وتطمئنى على اجنتك ويكونوا اتلقحوا والله انا متفائله لك جدا وبدعى لك ربنا يكرمك يارب انتى تعبتى كتير وان شاء الله ربنا مش هيضيع تعبك ابدا بس خليكى مع ربنا

    اشتقت اليك ..
    الف سلامة عليكى يا سكر .. وجع ايه بس اللى فى ظهرك يا بنتى .. مش تقعدى كتير على الكمبيوتر وخلى بالك من صحتك شوية بقه انتى غالية علينا كلنا ومش نقدر تغيبى عننا ياشوشو احنا بنحب دايما نسمع آرائك اللى بتفيدنا كلللللنا

    مها ..
    حبيبتى انا موافقه على فكرتك الجميلة زيك دى بس محتاجين شويه تشجيع وانا معاكى فى الصميم
    وبخصوص الذكريات اللى فكرتينى بيها فى صفحات الملف الاولى انتى رجعتينى لايام جميلة جدا فى حياتى بشكرك عليها جدا جدا جدا

    شيمولاتا .. عاملة ايه يا حبيبتى .. ربنا يديكى كل اللى تتمنيه يارب ويصلح لك احوالك فى شغلك ويقدر لك الخير دايما

    الهدى والنور ..
    الف الف سلامه عليكى .. اتحملى يا حبيبتى ده ابتلاء وموضوع الانزلاق ده صعب جدا ربنا يهونه عليكى .. الحمدلله ان مش حصل حمل كان زمانك فعلا تعبانه خالص .. شفتى ان ربنا ليه حكمه ازاى فى تأخر الحمل
    وله فى خلقة شؤن

    ميكو موكا ..
    انا مبسوطة منك جدا عارفة ليه .. علشان انتى معملتيش زى بنات كتير اول ما حملوا مشيو وفاتونا .. بس انتى فضلتى معانا برغم ان الفترة اللى قضيتيها معانا قبل حملك كانت بسيطة .. عموما ده دليل على اصلك يا ميكو
    وربنا يارب يتمم حملك على الف خير خلى انتى بالك من نفسك بس وطالما بقيتى كويسه ظبطى امورك فى الشغل

    المشتاقة لمكة ..
    ايه يا حبيبتى بس مالك عيانه ليه .. خلى بالك من روحك يا مشمشة .. الف مليون سلامة عليكى وهقوللك على حاجه كويسه جدا جدا للكحه ومتجربة .. العرقسوس .. تعرفيه وبيبتاع عندك ولا لا.؟؟ بصى هو اعشاب بتجيبيها وتغلى مية واول ما تغلى حطيها على الميه وهى بتغلى وبعدين صفيها وبلاش تسكريها علشان هى طعمها مسكر .. ودى طريقه بيتعمل بيها غير طريقته التانيه اللى كل المصريين بيشربوة بيها
    بس ده هيكتم الكحه معاكى من اول كوبايتين .. والله هيريحك كتير بأمر الله .. واشربى نعناع كتير برده هيريحك يا قلبى
    شفاكى الله وعافاكى لا بأس عليكى طهور إن شاء الله .. ومستنيينك تنزلى مصر والله يا حبيبتى علشان تنورينا وتنوريها

    دودو ام جوجو .. ازيك دلوقتى وازى جوجو .. برافو عليكى انك بدأتى تتعالجى شدى حيلك وربنا ييسر لك امورك كلها

    بوبا .. انتى فين يا حبيبتى .. عاملة ايه طيب دلوقتى .. طمنينا عليكى بعد المنظار .. مستنياكى

    ام مريم .. ازيك يا حبيبتى يارب تكونى بخير

    زينب زوزة .. انا مكانش رايى اساسا انك تروحى تعملى سونار .. وانك بتسبقى الاحداث كتير اوى
    شوفتى فى الاخر لفيتى ورجعتى قولتى انا هقعد فى بيتى ومش هشغل بالى .. ريحى نفسك شويه واصبرى انتى محتاجه جرعة صبر مش اكتر .. وان شاء الله المرة الجاية تشوفى كيس الحمل وفيه نقطه ... هههه ... بجد والله هتشوفى نقطه

    ماما ..
    وحشــــــــــانى .. وحشــــــانى والله
    ايه يا حبيبتى كده تختفى كل ده .. انتى عارفه يعنى اننا نقدر على غيابك .. والله لو غيبتى تانى من غير ما تقولى لنا هزعل منك .. انتى بجد وحشانى اوى ولما بشوفك معانا كل يوم متتخيليش بتبسط قد ايه .. انا بحب اقرأ كلامك جدا على فكرة لانى بستفاد منه ومعلوماتك دايما جديدة عليا .. ربنا يكرمك يا مامتى ويرزقك يارب الذرية الصالحة
    قولى لنا بقه ايه الاخبار دلوقتى وهيرجع دكتور حسام امتى .. وبتخططى لايه
    وسلميى لى على سارة اوىىى وقولى لها انها وحشتنا جدا وياريت تدخل تبقى مع البنات احنا منستغناش عنها ابدا

    أم أنس ..
    هختم بيكى يا حبيبتى بعد الرغى اللى رغيته ده كله علشان تعرفى انك فى القلب دايما وان الرغى ده مش هينسينى اسلم عليكى ولا اقوللك ازيك
    عامله ايه يا جميل .. ياترى اخبار الوزن ايه .. ولا بلاش اسأل
    انا زعلت من كلمتك لما قولتى انك بتكتبى مشاركات محدش بيرد عليها .. معقول يا ام انس انتى اللى تقولى الكلام ده
    انتى قديمه ومعانا من زمان والمفروض انك مش تقولى الكلام ده
    وبعدين مين ده اللى مبيردش عليكى يا نصابه يا مفترية
    والله شكلى هاجى اعضك واعمل لك بؤبيئة قد كداهو
    وبعدين انا ملاحظة بقالك فتره بتيجى وتقطعى على طول
    ممكن بقه نلتزم شويه وتعرفى اننا منستغناش عنك ابدا
  3. هيا ننشر الخير
    ازيكم يا أحلى بنات ... تصدقوا انى كل ده فاكره أن الموضوع ده بنات الخليج فتحوه علشان يعرفوا ايه أفضل مراكز العقم فى مصر علشان لو حابين يتعالجوا فى مصر (( أنا فهمت كده من العنوان )) بس لما دخلت اكتشفت أنه تجمع مصرى % فحبيت أسلم على بنات بل…
    طبعا هتقولى عليا رغايه .. بس انا هقوللك كتبت مشاركات كتير ليه .. علشان انا بقالى كام يوم غايبه
    المهم انا اسمى رمال واهلا وسهلا بيكى فى ملفنا .. احنا مبسوطين بيكى ونشكر الظروف اللى جابت رجليكى لحد عندنا .. منورة معانا يا حبيبتى .. يالا شدى لك كرسى وتعالى اشربى معانا الشاى .. احنا كل يوم موجودين 24 ساعة .. يعنى فى اى وقت تلاقينا ... هنستناكى تشاركى معانا .. وتحيا مصر على رأى نوفى
  4. أم اياد 2009
    ريمو ازيك يا جميل وحشاني مشاركاتك اللي زي العسل والله بصي يا حبيبتي انا متفقة معاكي في الكلام الجميل اللي انتي قلتيه بس ما عادا حكاية اني اخس دي المفروض تقوليلي اتخني شويتين لان انا محتاجة ازيد حوالي 15 كيلو عشان اوصل لاقل من الوزن الطبيع…
    والله يا ام اياد الواحد فعلا بيفهم دلوقتى حكمه ربنا انه رجعك عن العمليه اكتر من مرة لان كان فعلا عندك مشكله والحمدلله انك ما دخلتيش فى دوامه العمليات
    ونصيحتى طبعا تشوفى دكتور غير بتاعك لان واضح انه ما اهتمش بيكى بدليل انه دخلك على العمليه على طول بدون ما يشوف فى مشكله تتحل بدون عمليات ولا لا..
    وكان المفروض يطلب التحاليل دى ويشوفها من قبل ما يقوللك على العمليه .. وزى ما طلب منك تحليل الانيميا كان الاولى يطلب منك التحاليل اللى عملتيها دى وكان مفروض يوجهك لمعمل مضبوط
    بس بردة نقول الف حمد والف شكر ليك يارب انك برده رحيم بينا وبتبصرنا بطريقنا ويلهمنا الصواب
    وكمان كلامك صح الصح ان الواحد لازم يثقف نفسه ما يعتمدش على جهله بأحواله الصحيه .. القراءة مفيدة جدا وبتحصن الانسان من جهل نفسه وجهل الاخرين كمان .. وبرافو عليكى انا شايفه ان طريقتك فى التفكير اتغيرت كتير بعد ما حللتى .. بس المفروض انك ما ترتبكيش بالعكس خالص المفروض انك دلوقتى ارتاحتى اكتر وهديتى وعرفتى طريقك
    يالا شوفى دكتور كويس وقولى لنا انك حجزتى عنده
    وبالنسبة للوزن انتى شكلك رفيعه جدا .. فعلا .. خلاص انتى محتاجة تغذية سليمة يا ام اياد بجانب العلاج وبرده لما تروحى لدكتور كويس هيقول لك تعملى ايه
    وبردة هقوللك زى ما بقول لكل البنات .. ابعتى نتايج التحاليل لدكتور عادل
    وتابعيه بالرسايل طالما مش هتقدرى تنزلى مصر
  5. @shymolata

    انا دخلت اصبح عليكو بس سامحونى انى مش هقدر اكتبلكم كتير لانى شايفه الكلام بالعافية لانى عندى برد شديد وعينى بتدمع كتير بحبكم جدا

تابعي تجارب أخرى من هذا القسم.