السلام عليكم دكتورة ريهام
مشكورة لجهودك الطيبة معانا جعله الله في موازين حسناتك
حبيبتي انا ولدت قبل سنتين بعملية قيصرية وكان وزني قبل الحمل 60 كيلو وطولي 156 سم
وعلى الولادة كنت زايدة 25 كيلو صرت 85
وخلال اول سنة بعد البيبي خسرت 20كيلو ورديت لل65
بس صار لي سنة احاول انزل ال8 كيلو الباقية لي (عشان اصير 58 كيلو ) ماقدرت عليها وفوق هذا في رمضان والعيد زدت 3 كيلو
والحين انا 6705
ومتبعة تخفيف شديد وممتنعة عن الرز والمكرونة واكلي كله شوربات خضار اسويها في البيت مو الجاهزة وسلطات وفواكه
والعب على الأوربتريك نص ساعة 4 مرات في الأسبوع واسوي تمارين شد البطن والمؤخرة
وفوق هذا كله مافي اي نتيجة لحد الآن يعني ماني قادرة ازحزح ولا كيلو
وسؤالي لك دكتورة ايش ممكن يكون سبب ثبوت الوزن وايش اللي ممكن اسويه عشان انزل ال8 كيلو غير حبوب التخسيس ماحبها
وسؤال اخير البيبسي الدايت هل فعلا فيه بس سعرة حرارية واحدة فقط زي مامكتوب على العلبة ؟؟؟ لأني اشرب علبة كل ثاني يوم
الله يفتح لك ابواب الخير دكتورة ويكتب لك الأجر
اي استفسار بخصوص السمنة والنحافة/ تعدى الحد المسموح له من المشاركات
متابعة النقاش، صفحة 243