شاركي في النقاش

سجلي الدخول لإضافة تعليق.

التعليقات

1,551
  1. @ashtkt_alyk

    مسلمة....
    يا رب يا حبيبتى تقومى بألف سلامة و نطمن عليكى أنتى و منوصة....

    توتا....
    يا رب يا حبيبتى يكونوا طمنوكى فى المركز و تكون البويضات اتخصبت...و تيجى تقوليلنا هتعملى اإرجاع امتى؟...

    رمال...
    ربنا يخليكى ليا يا حبيبتى و ميحرمنيش منك أبدا......

    باقى البنات.....باحبكم كلكم فى الله
  2. @boba_boba

    اشتقت اليك
    مسلمة.... يا رب يا حبيبتى تقومى بألف سلامة و نطمن عليكى أنتى و منوصة.... توتا.... يا رب يا حبيبتى يكونوا طمنوكى فى المركز و تكون البويضات اتخصبت...و تيجى تقوليلنا هتعملى اإرجاع امتى؟... رمال... ربنا يخليكى ليا يا حبيبتى و ميحرمنيش منك …
    السلام عليكم ورحمة الله وبركاته
    وحشتونى جدا جدا جدا
    انا جاية بس عشان اطمنكم عليا مع انى والله لسة تعبانة
    الحمد لله على كل حال
    انا عاوزة اقولكم انى اتصلت باختى عشان تدخل وتطمنكم وهى فعلا دخلت بس ماعرفتش توصل للموضوع
    كان نفسى تقدر توصلكم وتطلب منكم انكم تدعولى لانى فعلا كنت محتاجة دعواتكم

    العملية كانت خناقة على حسب كلام الدكتور لان جنب مشكلة اكياس الاندومتريوزيس اللى كانت فى المبايض كان فى التصاقات كمان مابين القولون والمبايض والانابيب
    والدكتور بيقول الحمد لله اتخلصنا من الالتصاقات والاكياس والانابيب تمام وبيقترح نبدا تنشيط من البريود الجاية
    بس المشكلة الاكبر بقى ان تقريبا القولون اتاثر بالعملية وعمليةالاخراج عندى فيها مشكلة وبطنى منفوخة قوى والدكتور بيطمنى ومانعنى خالص عن الاكل بس شرب العصاير لغاية اليوم
    انا راسلت دكتور عادل وهو رافض فكرة التنشيط المباشر دى وقلقان جدا من موضوع القولون وبيقولى ان ده مش طبيعى
    ادعولى يابنات انا محتاجة دعواتكم جدا ربنا يعلم انا دعيت لكم كلكم بالاسم وانا داخلة على العملية وكنت بتغلب على خوفى بتذكر اسماء كل الناس ودعيتلكم كمان بعد ماطلعت من العملية

    انا لسة مش حاسة انى كويسة ودايما عندى هبوط جامد بس انا قولت لازم اطمنكم عليا واطلب منكم انكو تدعولى
  3. السلام عليكم ورحمة الله وبركاته

    وحشتوني اوي اوي مووووووووووووووت وانا أسفة اني اتأخرت عليكم بس والله كنت مشغولة وهحكيلكم دلوقتي انا مشغولة في ايه

    اولا
    احب اطمنكم اني الحمد لله اطمنت امبارح ان البويضات اتلقحت الحمد لله حمدا كثيرا
    بس مش عرفت كام بويضة اتلقحت ولا من اي درجة كل اما اسألهم يقولولي معندناش اي معلومات غير ان البويضات اتلقحت والترجيع يوم الثلاثاء بكرة يعني
    بس احتمال ضعيف جدا جدا انهم يكلموني النهاردة يقولولي ان الترجيع هيكون في اليوم الخامس يعني يوم الخميس ، وده بيحصل لو فيه مش اقل من 5 اجنة من الدرجة الأولي بيخلوهم لليوم الخامس

    انا نفسي جدا ان الترجيع يكون اليوم الخامس لأن نسب نجاحه اعلى بس اللي ربنا عايزة هيكون وربنا يكرم في جميع الأحوال

    ثانيا
    اللي شغلني بقة اني بعمل اكل كتييير علشان الفترة اللي بعد الترجيع مش عايزة اعمل مجهود خالص علي قد ما قدر يعني ، طبعا مش هفضل نايمة علي السرير علطول بس أهو يبقى الواحد عمل اللي عليه وربنا كريم

    بس هيه دي اخر اخباري وطبعا ان الوقت اللي فات ده كلة من ساعة ما بدأت العملية لغاية النهاردة واخدة الموضوع ضعك وهزار وبحاول ما أوترش نفسي خالص ، لأن الدكتور مرة قالي ان التوتر غلط جدا في العملية ديه
    بس برده غصب عني خايفة مش هنكر ومتوترة وبفكر في مية حاجة وخصوصا اني مش اقيله لحد علي العملية خالص وانا اساسا في بيت عايلة فربنا يستر واعرف اتعامل اليومين الي جايين


    ربي لا تزرني فردا وانت خير الوارثين
    ربي لا تزرني فردا وانت خير الوارثين
    ربي لا تزرني فردا وانت خير الوارثين
    ربي لا تزرني فردا وانت خير الوارثين
    ربي لا تزرني فردا وانت خير الوارثين
    ربي لا تزرني فردا وانت خير الوارثين
    ربي لا تزرني فردا وانت خير الوارثين
  4. بوبا بوبتي
    حمدا لله علي سلامتك
    وبعد الشر عنك من اي تعب ، متقلقيش يا حبيبتي انا كمان لما عملت العملية بس كانت فتح بطن
    الدكتور مش كان مصدق اللي شافه جوه من التصاقات والحاجات دي ، وقالي كمان ان المبيض من كتر اللتصاقات كان نازل عن مكانه وهو اضطر يرفعة
    يعني عايزة اطمنك ان اي حد عنده الاندو وخصوصا لما بتكون في مرحلة متقدمة بيحصل كدة واكتر من كدة كمان

    والحمد لله انها جت علي قد كدة يا حبيبتي وبالنسبة للقولون انا بسمع ان في حاىت الاندو بتكون مأثرة علي القولون بس انتي ان شاء الله تكون حاجة بسيطة وانا مع د عادل في انك متبدأيش تنشيط علطول الا لما تتطمنى علي القولون اولا
    وممكن خلال الفترة دي تخدي حبوب منع الحمل او اي حقن بتوقف البيريود علشان الأكياس متتجمعش تاني ( النقطة دي مهمة جدا جدا جدا لو مش هتبدأي دلوقتي )
    اوعي يا حبيبتي تسيبي نفسك كدة علشان انا دي كانت الغلطة اللي عملتها بعد العملية والأكياس رجعت تاني زي ما كنت ولا كأني عملت حاجة
    ارجوكي متنسيش النقطة دي

    وبندعيلك طبعا من غير ما تقولي وابقي طمنينا عليكي اول بأول

  5. صاحبة الموضوع
    اشتقت اليك
    أوكسى... عاملة إيه يا حبيبة قلبى.... واحشانى ....و طبعا مش هاتكلم كتير فى اللى فات ... و أنتى كمان ما شاء الله عليكى...ربنا يقوي إيمانك و يعوض صبرك كل خير.... بس أنا كمان هاقولك على الحاجة اللى كانت واقفة فى زورنا بس مقدرناش نقولها لان كان…
    طيب يا اشتقت انت رأيك اغير الدكتور من دلوقت ولا اروحله واسمع حيقولى ايه ... علشان اشوف حعمل ايه
    انا كنت بحسب المشكلة اتحلت لما شفط كيس الشيكولاته معنى كده ايه ... ممكن يكون عندى اندرو فى الرحم
    ياريت تنورينى انا معنديش فكرة بالموضوع ده

تابعي تجارب أخرى من هذا القسم.