اقرو قصتي ولاتبخلون علي بدعوه

حبيبتى راجعى عند اخصائى نفسى حاولى ترجعين ثقتك بنفسك
هذى اللى معك اكتئاب .. وجا نتيجه هالاحداث اللى مريتى فيهااااا كلها
الله يكون فى عونك

ياقلبي حالتك ورب الكون صعبة
الله يفرج همك ياحي ياقيوم
حاولي تنسين همك حاولي تعيشي حياتك الجديدة
بتقولين صعبة
لكن عشانك وعشان زوجك الطيب وعيالك املك في الحياة انسي
حاولي تخلين بييتك جنة
والرجل ممكن يصبر لكن صبرة له حدود
عشان كذآ قولي بقدر
بقدر اعيش حياة جديدة

وانصحك بكتاب بعد كتاب الله
خلية قريب منك دوووووووم
اذا تضايقتي امسكية وتصفحية واقري مافية وبربي تنسين الدنيا
تعيشين بس يومك
تغيرين افكارك السوداء
تتفائلين
ماتتخيلين كيف الا بعد ماتقتنينة ولاتقولين ماراح يفيد
لا سبحان الله داخلك يتغير
كتااب لاتحزن للشيخ عائض القرني
قمة قمة قمة

ربي يهدي احوالك وويسر امورك
وكل ماتتضايقين تذكري حالك اول واللحين واسجدي لربي شكر
لآن انتي في نعمه عظيمة مو حاسة فيهآآ


وادعي لي بفرج قريب :(

حبيبتي تعوذي من ابليس وعيالك في ذمتك لا تكونين مثل ابوك عليهم تنتقدين تصرفات ابوك معكم وقسوته وتطبقينها عاى هالصغار ترا الله سبحانه بيسالك عنهم مثل ما ابوك وامك بينسالون عنكم كلكم راعي ومسؤول عن رعيته وش ذنبهم تضربينهم عشان ماضي وما يخصك يخص ابوك وامك وخافي منالله لايحرمك منهم في غمضة عين بحادث او اي شي وتندمين كل عمرك والله وسع عليك بعد الضيق واللهم وانت شاهده فلا تسيئين شكر النعمه فتزول منك في لحضه مثل ماالله رزقك في لحضه يقدر يحرمك زوجك وعيالك في لحضه وغيرك يتمناهم يعني الاطفال ولا تتحججين بطفولتك كلنا مرت علينا ظروف صعبه بس مانكون ضعيفين وتاثر فينا لو كل واحد عاش عند ابوين غير سوييين باي شي سواء اخلاقهم او ضربهم وعصبيتهم اوحتى كفرهم هذا كله ماياثر الا على اللي يكون مصر في عقله الباطن اني تعذبت في طفولتي فعشان كذا ابعذب اطفالي وبقسى عليهم فهذي حاله تسيطر على الضعيف ياحبيبتي الصحابه والانبياء كانت طفولتهم وين عند والديهم وكثير منهم والدينهم مادخلوا في الاسلام ويشوف ابوه وامه على كفر مو ذنب اومعصيه وماورثوا جيل ضعيف او ضربوا اطفالهم لان اهلهم ضربوهم وطردوهم يوم اسلموا بالعكس خلفوا جيل ترفع الامه الاسلاميه راسها به الى قيام الساعه وحافضي على زوجك تراه نعمه وعمله نادره في هذا الزمن لاتخلين ربي يرفع عنك نعمه الزوج والولد لانك ماشكرتيه عليهاوشكر الولد باحسان تربيته والعطف عليه اذا انت ماحنيتي عليهم من بيحن عليهم بيربيهم الشارع اذا كبروا بيخافون منك ولا يقولولك اي شي يصير معهم فتقربي منهم واحضنيهم قبل لاتخسرينهم يكفي انهم من الان كونت فيهم ضعف الشخصيه تقولين يغطون وجيههم اذا جيتي تضربينهم تعودوا اذا اشرتي بيدك مايجي منها الا الكف فمديها لهم لاكن بحضن ام عصاميه صابره قررت انها تربي جيل صالح قوي خالي من العقد والامراض النفسيه ودايم اذا جيتي تضربينهم تخيلي انه بالليل بيموت بسم الله عليهم او اذا جيتي تصحينهم من النوم مايقوم وانت نومتيه وهو مضروب وهذي اعتبريها نصيحة اخت حبتك واشفقة على اطفالك لاني اعرف وحده جلست تسع سنوات تبكي على ولدها وبنتها تقول لقيتهم يحوسون في المطبخ تقول جلدتهم الين قالوابس وسجنتهم في الغرفه تقول يوم اذن العشاء برمضان ارسلتهم لبيت جدتهم مع عمهم تقول انامتعوده ارسلهم لجدانهم وهي ساكنه في السويدي تقول وبعد ساعه الا يجيها خبر وفاة عيالها في حادث هم وعمهم تقول الى الحين تمتلي وسادتي دموع كل ليله عليهم لو انهم ميتين وفارقوني وانا ماضربتهم ولاحسرت بهم كان اهون على قلبي فالله يصبر قلبها الندم ماعاد ينفع والله ياحبيبتي اني حاسه فيك وراحمتك انت وعيالك ويمكن قسيت بالحكي فانا ااااسفه وما كان قصدي الا خير لك ولبيتك ولو اني ما اعدك اخت لي كان ماهمني الموضوع قريت وطلعت بس همك وهم عيالك هو همناوالله يفرج عنا وعنك

حبيبتي مالك الاتشتغلي

الشغل هو الي بينسيك ويرجع لك ثقتك بذاتك


وبرضو روحي لطبيب