شاركي في النقاش

سجلي الدخول لإضافة تعليق.

التعليقات

1,551
  1. صاحبة الموضوع
    دودو أم جوجو
    ضحكتينى يا رمال ايه الكلام العسول دا , هوا انا كنت بعمل كده بس جوزى بقى يقولى مبكلش من الكلام دا و على العموم انا بقله اهو معلش اللى اقدر اعمله , اه يا بنتى صعبيين جوى يا بوى رجالة الصعيد دول :p
    صباح الخير يا دودو ... على فكرة انا صحيح عايشة ومولودة فى اسكندرية ..بس الاصل صعيدى برده ... وعارفة نشفان راس الصعايدة ... ربنا يهديلك جوزك ويلين ويبطل شيشة ...
  2. السلام عليكم ورحمة الله وبركاته
    وحشتوني جدا جدا ونفسي اكلم معاكم من النهاردة لبكرة بس مش بحاول اقعد كتييير علي النت بطمن عليكم وبطمنكم عليا وبخرج علطول
    ربنا يهون الأيام اللي باقية وتعدي علي خير

    انا طبعا بحاول ابقي هادية علي قد ما اقدر وبحاول مفكرش كتييير والحمد لله نفسيتي فوق والله وده من رحمة ربنا بينا
    وحاسة ان ربنا ان شاء الله مش هيخيب ظني ابدا لأني عملت كل اللي اقدر عليه واخذت بالأسباب كلها اللي اعرفها وبدعي كتييير اوي وبحس بعدها ان ربنا واقف معايا جدا جدا وبحس اني فرحانة اوي مش عارفة ليه

    انا مش عارفة حاسة اني بكلم كلام ملخبط بس بحاول اوصلكو احساسي
    الحمد لله رب العالمين علي كل شئ

    سلامي للجميع

  3. @boba_boba

    oxygenatom
    بوبا ازيك ياحبيبتى عاملة ايه .... طبعا انتى عارفة انو احتمال كبير اكون من فرقة الاندو القومية وانى رايحة لدكتور عادل علشان يقولى ايه الحل خصوصا آخر رسالة بعتهالى قالى فيها (هل انا الذى قلت ان عندك كيس شيكولاته هل انا الذى قلت هذا ام طبيبك…
    عجبتنى قوى موضوع فرقة الاندو دى يااوكسى

    لا انا مش باخد حاجة بعد لعملية والزولادكس او الدكيببتيل دى هى الحقن اللى بتوقف نشاط ونمو الاندو قبل او بعد المنظار
    وعشان كده انا محتارة لان دكتورى هنا مش عاوزنى اخدها وعاوزنى ابدا تنشيط على طول ودكتور عادل بيقول لا نمنع الحمل فترة بالحقن دى عشان نضمن ان مفيش اكياس تتكون
    اما بقى عن فرصة الحمل بعد العلاج بتكون كام شهر فمش عارفة بصراحة انا سيباها على ربنا

    اوكسى معلش انا مش فاهمة انتى سالتى دكتور عادل على ايه بالظبط عشان كده رد عليكى كده
    معنى كلامك ده ان اكياس الشيكولاتة مش هى الاندومتريوزيس ولا ايه
  4. @boba_boba

    oshy2005
    بوبا احلى كلمة قلتيه الصبر والرضا والله لو نعرف كلنا نطبق الكلمتين دول مفيش حاجة هتقف فى طريقنا ابدا ربنا يارب يلهمنا الرضا بقضاؤه وربنا ييسرلك الحال يارب وتجيبلنا احلى نونو
    امين يارب يااوشى
    تصدقى والله فعلا انا لما بتحط فى مشكلة بدعى ربنا يلهمنى الصبر والرضا وسبحان الله
    والله يابنتى بتتحل لوحدها من عند ربنا اى نعم هى شويةبتاخد وقت بس فعلا بتتحل بافضل الحلول
    فاكرة مشكلة الشغل اللى كنت بعانى منها من فترة ربنا حلها من عنده وبغير الحلول اللى كنت مستنياها
    وبعدها ربنا كرمنى بالشغل اللى انا فيه ده وكمان رزقنى بالفلوس اللى قدرت اعمل بيها العملية لانها هنا
    تكلفتها اغلى من اللى بتتكلفه فى مصر تقريبا وصلت بالعلاح بكله 15 الف جنيه وهى يادوب عملية منظار

    صحيح يا اوشى ممكن لو مافيهاش رخامة منى تقوليلى عمليتك اتكلفت قد ايه
    وتقريبا اغلى حاجة ليها فى مصر تتكلف كام لانى باذن الله اذا الموضوع محصلش طبيعى لاقدر الله
    بفكر اعملها فى مصر وعاوزة ابدا من دلوقتى استعد فى تدبير المبلغ بس اعرف هيكون قد ايه
  5. @boba_boba

    ام انس
    غيابك ده قالقنى عليكى
    يابنتى انا رجعت اهه عشان خاطركو مع انى والله مشغولة الفترة دى قوى عشانماما فاضل لها 10 ايام وتسافر
    وطبعا عاوزة افسحها فى الكويت لانها ياقلبى من يوم ماجت وهى شايلة همى وتعبت معايا فى العملية قوى

    ارجعى بقى يا ام انس وشاركينا زى الاول
    فعلا والله كل واحدة هنا ليها طعم وحضور واضح ولما بتغيب بتسيب فراغ جامد قوى
    ارجعىبقى انتى ونيفو سدوا الفراغ ده لحسن مدخل هوا والدنيا بقت برد قوى

تابعي تجارب أخرى من هذا القسم.