خطيبي و انا :(

تسلمين يا عمري اجمعين يارب و شاكره دعوتج الحلوه

ويهنيج يارب مشكوره حبيبتي عالدعاء ..

و ارد على كلامج الحين .. اهوه قالي علاقته فيها علاقة اصدقاء طفوله بس لمه البنت تبدي تكبر و الولد يكبر النظره تتغير و احنا بالكويت الاهل كلنا مع بعض يعني ماكو بنات بروح و شباب بروح يعني الكل مع بعض وقت التجمع العائلي و جذي .. المهم اهوه قالي انه كان ينظرلها نظرة اعجاب و انه العلاقه ما تطورة ابدا لانه اهوه ما صارحها بشي و مثل ماقلتلكم كان مجرد نظرات و يعاملها باسلوب مميز عن باقي بنات العايله .. و اهيا بعد نفس الشي نظرات و اعجاب بس مافي احد يتجرأ يصارح الثاني لانهم مو عارفين بالضبط شنو يبون .. لكن بعد ما هي تخرجت سألته اذا كان يبيها برايي قمة الوقاحه يعني شنو هالجرأه هي اللي تبدي و طبعا وقتها كان يخطط لخطبتي رسمي فصارحني بهالشي و قالي اللي صار و انا توقعت انه هو مايبيني و خجلان فقلتله شوف هذي بنت خالتك و اولى فيك من الغريبه روح و الله يوفقك .. بس هو استخف لانه مايبيها يقولي كانت جدامي من الاول و انا ماصارحتها و يت اخطبج انتي فلاتحطين في بالج اني ابيها بالعكس انا ابيج بس لازم تعرفين هالشي سبحان الله باجر احد قط كلام او شي ماتكونين غشيمه و تكونين فاهمه السالفه عشان لاتقولين اني ضحكت عليج .. لانه انا اخترت اللي ابيها و على قولته لو احطكم بكفتين راح ترجح و انتي الكسبانه .. الحمدالله كلام يريح لكن انتو عارفين مكر البنات و حاولت تسوي بينه مشاكل وايد الى ان ملت و طقت جبدها و حاشها يأس و تزوجت الحمدالله .. بس الخوف لو باجر تزوجت و بدت الغيره تزيد فيها و تسويلي مشاكل الله يستر ..

و بالنسبه للكلام و التجريح الله يعين رفيجتج انشالله ويصبرها ..
انا اللي عندي من بعد السالفه الاخيره الحمدالله ضابط حاله وانشالله دوووم يارب .. وانا بعد قاعده احاول اعدل نفسي و اخش عصبيتي عشان اكسبه و ارجعه نفس قبل ومافي شي بعيد على الله :)

مشكوره حياتي ماقصرتي معاي بخبرتج

صاجه يالغاليه و قبل هذا اللي صار معاي بس الحمدالله حاليا الامن مستتب لول
وانا احاول ارجع الثقه الحين بس احتاج وقت وانشالله راح اقدر ..
وبالنسبه للبجي والله صدقيني انا ما احب ابجي خصوصا جدامه ودايما لو كنت اكلمه بالتلفون و حسيت ببجي على طول اسكر الخط و اتعذر في اي شي او ابجي بدون لا يدري يعني دموع قهر تنزل مني بس بدون صوت و صراخ انا حتى لو بروحي ابجي بهدوء ..
بس اخر فتره الصراحه صار ما يعدي يوم الا وانا باجيه من كلامه .. انا بالاساس فيني طبع موزين ومتعبني اني حساسه هالشي الكل يقوله بس انا ما احس جذي يعني لو شي ما يزعل ماراح ازعل عليه و لو شي يزعل اكيد شي طبيعي راح اتضايق .. بس اللي انا متأكده منه انه هالفتره ممكن فعلا اكون قاعده اخذ المسائل بحساسيه زياده عن اللزوم لانه نفسيتي شوي تعبانه و احاتي شغلات وايد يعني سالفة الزواج اللي اهلي مأخرينها بدون سبب واضح و دراستي بصوب و نفسيته اهو بعد تعبانه شوي من سالفة الزواج فاحس بضغط من كل صوب لا تفاهم ولا راحه من كل النواحي .. بس ارجع اقول الحمدالله الله موجود و في اشياء تعدلت و في اشياء انشالله راح تتعدل قريب بس علينا بالدعاء والله كريم ورحيم

وهذي دعوه مني لكم يارب يسعدكم ويبعد عنكم المشاكل والهموم ويسخرلكم ازواجكم ويحقق امانيكم واللي ماعندها اولاد يرزقها بالذريه الصالحه و يفرج عنكم كربكم مثل ما انتو تعطون نصايح لوجه الله وتحاولون تفرجون عن الناس كربهم الله لا يحرمكم من رحمة الله انشالله