شيمو يا قمر....
بصى يا جميل...احنا طبعا هنرد فى ضوء معلوماتنا الصغيرة ....و ده اجتهادات مننا و الراي الأول و الأخير للطبيب....
اولا...تحاليلك قريبة جدا من آخر تحاليل عملتها....والمعلومة الجديدة اللى عرفتها...إن ده المتوقع....انك تلاقى النسب ماتغيرتش كتير بين ال FSH & LH....بمعنى إن التكيس باين من الأول و النسبة هتفضل كده و مش هتتغير كتير....و ده مش معناه ان العلاج مجابش نتيجة....لا استمري على العلاج وفقد الوزن....و لما ييجى وقت التنشيط ...الدكتور هيقولك و إن شاء الله يكون فيه الشفاء.....
و تحليل الغدةTSH ...حسب ما أعرف انه كده فى الحدود الطبيعية لان النسبة المفروض تكون من 0.5 الى 5 وحدة دولية....
أما البرولاكتين...فهو قريب من الحد الأقصى...هو طبعا فى العادي أي حد هيقولك تمام....لكن مع تكيس و حد عايز حمل...متهيألى ممكن تاخدي علاج ينزله شوية و يثبت مشتواه لان التكيس ممكن يعى الهرمون ده....و انا باقولك كده من واقع اللى حصل معايا...انى لما رحت للدكتور كانت النسبة 18 ...فى حين إن الأقصى 29....لكن الدكتور قالى يفضل إننا ناخد دوا ينزله (دوستينكس) و بعده استمر على بارلوديل للحفاظ على نسبته لحد ما يحصل حمل.....
و اخيرا البروجستيرون أصلا المفروض ميتعملش دلوقتى خالص ..ده ميعاده فى اليوم ال 21 لإنه أصلا بيفرز فى النصف الثانى من الدورة لتهيئة الرحم....يعنى الرقم دلوقتى مش هيكون ذو اي دلالة....و يفضل إنك تعمليه فى اليوم ال 21 علشان تعرفى وضع التبويض إيه.....
يلا بقى شدي حيلك وانزلى ال 5 كيلو اللى فاضلين...و أنا هاشجعك لأنى أنا كمان بدأت الدايت تانى و عايزة أنزل 4 كيلو كمان....فيلا تعالى سابقينى و نشوف مين اللى هيوصل الأول...
طريق الامل ( خبرات متبادلة حول مراكز العقم فى مصر ) الجزء السابع/يفتح جديد
متابعة النقاش، صفحة 213