عدوى حشرات الشعر

يا بنات ربنا يكرمكم بنتى عمرها 3 سنين و اتعدت من بنت الجيران بحشرة الشعر (القمل ) و كمان عدت اختها و عمرها سنة
انا جربت اكتر من حاجة شامبو و دهان و اخيرا كويك لوسيون ودا كتير نصحونى بيه
بس المشكلة ان القمل بيروح بس البيض بتاعه بيفضل لازق فى الشعر و بعد كام يوم بيفقس و بيرجع تانى و انا خايفة من الادوية بتاعت القمل دى ريحتها و حشة جدا و كمان البنات صغيرين و بيعقدو يحطو ايديهم فى شعرهم و الدوا فيه و اقعد اغسل ايديهم كل شوية علشان خايفة تيجي فى عنيهم
اعمل اية دلونى

6 تعليق 1,837 مشاهدة

شاركي في النقاش

سجلي الدخول لإضافة تعليق.

التعليقات

6
  1. @am_almnar_1

    بالنسبه للبيض القمل استخدمي لشعر بنتك بلسم وشعرها لسا مبلول وبعدين تمشطيه وهي في الحمام بمشط القمل وحتلاقي الصيب اللي هو بيض القمل ينزل معاكي هذي الطريقه اختي جربتها لبنتها ومع الاستمرار ان شاء الله حيختفوا تماما

    الله يعينك وحاولي تبعديهم عن بنات الجيران اللي شعورهم وسخه ونبهي امهم
  2. @norhan_ahmd_1

    صاحبة الموضوع
    جزاكى الله كل خير ام منار
    انا كنت بستعمل لها كريم علشان التسريح و بقيت خايفة استعملة علشان يمكن يزود القمل و البنت يا عينى بقت بتخاف من الفرشة علشان شعرها مش ناعم و صعب فى تسريحه
    ربنا يعافى بنتى و بنات المسلمين
  3. @naaamh_alshmr

    فيه سبرى اسمه بارا ممتاز للقمل تحصلينه بالصيدليه على 50 ريال وفيه مشط خاص تلقيه بالسوق اسنانه مره متقاربه لبعض وهو خاض للقمل زيتى شعر بنتك وامشطى فيه والله ينزل كل شى بالشعر بس حطى فوطه علشان مايروح منا ولا منا وتنعدين انتى
  4. @am_hsosy222

    استخدمى له البخاخ ولازم يوم بعد يوم تسبحينهم
    والا ماتستفيدين شي
    وغسلى الفرش
    وطلعيها في الشمس
    وبخي عليها ببخاخ القمل

    والله يعينك لازم اسبوعين الين يروح


    بس اهم شي الفرش
    تنضفينهم والا ماتستفيدين شي
  5. اول حاجة لازم تقصي شعرهم علي قد ما تقدري و اوعي تحطي كريم للشعر احسن يلزق زيادة و بعدين فيه شامبو للمواضيع دي مع المشط بتاعها و الاستحمام كل يوم لحد لما ترووح ............. ربنا معاكي ابني الكبير من سنتين جالو كده من المدرسة و الله لما شفته كان هيغمي عليه بس والله هما يومين و راح طبعا الصبيان اهون لاني شلت شعره خالص تقريبا .......... ربنا معاكي

تابعي تجارب أخرى من هذا القسم.