سمك مقلي في البيت!!!!

حبيبتي اولا تغسلي السمك زين وبعدين ترشي عليه الملح ثم ثوم المطحون واي نوع من البهارات يلي تستعملينه وكركم ثم ليمون اسود مطحون وتخلينه لمدة ساعة او اكثر يعني كلما كثرت الوقت يطلع السمك احلى قبل ماتقلينه ترشي عليه بقسماط ثم تقلينه في زيت وتخلينه على نار هادئة حتى ينقلى وتقلبينه على جهة الثانية صدقيني يطلع السمك مقرمش وطعمه روعة .

انا طريقتي بالسمك اول شي اتبله بالبهارات الخاصة بالسمك مع ليمون مع ثوم مفروم وغير الملح والتوابل الثانية بعد كذا اخليها في هالتوابل لمدة لاتقل عن عشر دقائق مع احداث شقوق في جوانب السمك عشان يدخل الخلطة جواتها ...

بعد كذا اكون مجهزة الخلطة الخاصة بقلي السمك متوفرة في السوبر ماركات او ممكن انتي تحطي دقيق مع توابل خاصة بالسمك مع شوية نشا واقلبهم في الخلطة زين مازين واتركهم حتى يحمى الزيت لدرجة حرارة عالية بعد كذا احط السمك وارخي النار عليها لمدة عشر دقايق ولازم اقلب مرة الجنب اليمين ومرة اليسار حتى احس انها نضجت بالداخل بعد كذا ارفع النار عشان تتحمر واطلعها على ورق نشاف واغطيها لوقت التقديم حتى تكون لينة مو قاسية ...

وبالهنا والعافية ....

اتمنى افدتك بهالطريقة ...