شاركي في النقاش

سجلي الدخول لإضافة تعليق.

التعليقات

1,551
  1. @mmyzat

    مسلمة ....حمد الله على سلامتك الف مبروك ربنا يبارك لكى فيهاويطمنك عليها
    على فكرة اسمها حلو اوى
  2. @mmyzat

    MIKOMIKO
    صباح الخير يا رمال. عاملة ايه؟ انا الحمد لله كويسة و زئزئة كويسة بس انا متضايقة جدا من يومين كنت عند مامتي و لقيت اختي بتقولي انتي بطنك كبيرة (انا فعلا بطني بانت اوي الاسبوع ده و بارزة للامام) , انا كان حملي بالعرض. و امبارح كنت عند حماتي …
    ميكو انا مش عارفة انا باركت لكى على الحمل ولآ؟على العموم ربنا يبارك فى حملكويرزقك ولادة سهلة

    بصى بقه يا قمر انا مش عاوزاكى تاخدى كل حاجة على اعصابك كدهواحس طريقة للتعامل مع اهل الزوج التناشثم التناش اسمعى كلامهم واللى يناسبك اعمليه واللى مش يناسبك طنيشيه وعلى فكرة كل الرجالة كدة بيتاثروا بكلام اهلهم مش جوزك بس علشان ما تفتكريش انه عيب فيه لاسمح الله لا ده عيب فى كل الرجالة وانتى الصدقة

    اما بالنسبة لاصرارك على عدم معرفتة نوع الجنين فانا مش معاكى خالص علشان اسباب كتير اولها انك لازم تعرفى انت حتولدى ايه علشان السرقة اللى بتحصل فى المستشفيات طبعا لسه سمعين عن حادثة قريب
    ثانيا..انتى مش بتولدى لوحدك فى المستشفى ده فى ولادات كثيرة فممكن لاقدر الله تحصل لخبطة وما ادراكى ما التمريض واخطائه فلازم اهلك يكونوا عارفين نوع المولود علشان هم اللى يتبعوه عقبال ما انتى تفوقى من البنج
    فتخيلى مثلا انك جبتى بنت والممرضة قالت ولد حد يقدر يعترضما هما مش عارفين
    ومش عاوزاكى تقولى ده الكلام ده كان زمان.....وما فيش اخطاء من النوعية ده دلوقتى
    لايكون فى علمك بتحصل وفى ارقى المستشفيات كمان فليه يا بنتى نحط نفسنا فى المواقف ديه ما الطيب احسن وما دام ربنا اراد انى العلم يعرف نوع المولود قبل الولاده ليه احنا مش نستفيد من كده
    وعلى فكرة بتبقى حلوة اوى وانتى عارفة انتى مستنيه ايه واذا كان على الدكتور فهو اكيد واخد على كدة الستات ملهمش كلمة
  3. @mmyzat

    انا عمالة ارغى لوحدى
    سلام ياقمرات اشوفكم لما جوزى يجيب اللاب توب تانى
    شوشو اوعى تنسى الرجيم وكمان جدول اكل احمد اللى الدكتور كان كتبه لانوس ابعتي لى على الخاص انا واقعة فى عرضك
  4. @mikomiko

    ازيك يا مميزات. عاملة ايه؟ لربنا يخليكي علي ردك.
    عارفة انا اللي مضايقني ان اهلي لما يحاولوا يتدخلوا انا بوقفهم لكن هوا لا و يا ريت انهم بيتكلموا معاه لا معظم كلامهم معايا انا.
    يالا خير.
  5. @zynb_abrahym_1

    السلام عليكم يا بنات
    عاملين ايه ؟
    انا اسفه جدا على الغياب والله الهارد ضرب عندى ولسه جايبن واحد النهارده
    انا اسفه جدا على الاخبار السيئه اللى سمعتها
    وانا اسفه اكتر انى هازودها خبر تانى سيئ
    انا والحمد لله حملى ماكملش
    شويه يقولولى كيس حمل من غير جنين وشويه لأ فى جنين بس مافيهوش نبض
    وف كلا الحالتين اجهاض منسى برده
    يعنى زى المره اللى فاتت بالكربون وان شاء الله
    هادخل اعمل عملية تنضيف يوم الاتنين ان شاء الله
    دعواتكو معايا

تابعي تجارب أخرى من هذا القسم.