شاركي في النقاش

سجلي الدخول لإضافة تعليق.

التعليقات

1,944
  1. صاحبة الموضوع
    Awatef
    دون الجميلة شكرا على البط
    كوردن بلو
    المقادير

    نص كيلو صدور فراخ مخلية ( او حسب العدد المطلوب)
    كوب و نص دقيق _ 2 معلقة كبيرة نشا (كورن فلاور )
    كوب و نص بقسماط _2 بيضة مضروبة بالشوكة
    ملح _ فلفل _شرائح جبنة شيدر او جبنة موزاريلا
    زيت للتحمير _ زيتون اسود او اخضر
    الطريقة

    تفتح صدور الدجاج بالطول بالسكينة بس ما تفصليهاش عن بعض يعنى تبقى ممسوكة من جنب واحد
    تفرد و توضع بين قطعتين من ورق البلاستك و تدق بالمدق بتاع البوفتيك حتى تصبح رفيعة.
    تتبل بالملح و الفلفل. تفرد كل شريحة دجاج على طبق مسطح. نضع شريحة جبن على نصف شريحة الدجاج ثم زيتون اسود ثم شريحة جبن أخرى.
    يقفل نصف شريحة الدجاج الآخر فوقهم يعنى كانك حشينى سندويتش و يضغط عليه عشان نتاكد انه اتقفل كويس
    . تكررنفس العملية مع باقي شرائح الدجاج.
    يوضع البيض المخفوق فى طبق. و نخلط الدقيق و النشا فى طبق لوحدهم و يوضع البقسماط فى طبق أخر. تمزج كل شريحة دجاج بالدقيق مع الضغط باليد لتلصق جيدا. ثم نضعه فى البيض المخفوق ثم فى البقسماط مع الضغط جيدا باليد. رصى بقى الدجاج بعد ما خلص و حطية حوالى نص ساعة فى الثلاجة .
    يسخن الزيت فى مقلاية كبيرة ثم يحمر الدجاج (الكوردون بلو) على الجانبين حتى يصبح ذهبى اللون. و بالهنا و الشفا

    ملحوظة ليكى حرية الاختيار فى الحشو يعنى ممكن شريحة سلامى مع الجبنة و الزيتون وممكن بصل و فلفل رومى مع الجبنة و ممكن شرائح سوسبس
  2. @awatef

    هبه عبد العظيم
    يالا يا دينا نكمل والدعوه لكل الحبايب الى جاى والى غايب بس شرط اساسى سيب البطاقه الشخصيه على الباب :icon28:
    ربنا يديكى الصحة يا دوندن
    والله بدعيلك ، والنهارده الصبح زوجى قالى انا عايز بسبوسة النهارده
    شوفتى بقى بسبوستك جميلة ازاى
    مجهود كبير ، بس انتى قدها ان شاء الله
  3. صاحبة الموضوع
    Awatef
    دون الجميلة شكرا على البط
    شيرين بالعكس انا حسة انى اتاخرت عليكى بس و الله عشان الكمبيوتر فقط المهم اعملى صينية العجة وان شا الله حتعجبك و من غير بيكنج بودر . جربى
    بالنسبه لكفتة الارز انا لم اعلق لانى بعملها بنفس طريقة نانى مفيش غير انى بزود الثوم شوية لكن المقدار ميه ميه وعلى فكرة يا شيرين مقدار الارز اللى انتى كتباة انا شايفة انه كتير كدة الكفتة تنفش قوى و تفتح منك فى التحمير عموما بدام انتى مجرباها خلاص بالهنا و الشفا
    عواطف الف هنا و شفا حاولى جربى لهم حاجة تانية يمكن يمكن تعجبهم
  4. صاحبة الموضوع

    المشاركة المقتبسة غير متاحة.

    و بعدين يا شيرين مين جاب سيرة الريجيم دلوقتى ؟ ؟ لية النكد دة؟؟ :16:

تابعي تجارب أخرى من هذا القسم.