:hahaha:مرحبا ياحلوات ياوحدانيات
بقول لكم حركه سويتها بزوجي خليته يشعلل غيره .. قلبه صار يغلي والشرار يطلع من عيونه نياهاها
طبعا انا ماكنت مخططه لها بس جت بالصدفه .. بس شفت نتايجها الغير متوقعه ابداااا...سووها وقولو لي النتايج..:
للاسف زوجي راعي سهرات بالإستراحه مايرتاح الا لما يشوف الوجيه السمحه الي هناك
واذا تاخر بالبيت يده تحكه.. وده يلعب بلوت ..
اليوم الي مايروح فيه يقعد يتأفف وينافخ علينا ويطنقر بالمجلس لوحده
وطبعا يرجع على الفجر وينام بالصاله .. ماينام معي لأنه يقول ان البنوته تزعجه :baby2: كل شوي تقوم تبكي تبي حليب >>شفتو الدلع السامج إلي عنده !!
المهم ماعلينا..
يوم الإثنين الصبح صحيت ولدي للمدرسة الساعه 6 وبعدها رحت تمددت على السرير وطبعا مسكره المكيف وفاتحه الشبابيك
والجو روعه والنسيم البارد يهف علي وانا استنشق الهواء العليل واسرح بأفكاري >>إخلصي
المهم وإلا واسمع اولاد صغار يسولفون تحت العمارة ويرمون بالحجر يلعبون
وبالغلط رموا حجرة على شباك غرفتي.. وراحوا يركضون ويضحكون بكل براءة الطفوله
طبعا كنت مخدره ابي انام . لما سمعت الصوت فزيت .. عقبها سحبت البطانيه ونمت اخخخ اشششش
الظهر لما قمت وحطيت الفطور لزوجي
قلت له" البارح فيه اولاد كل شوي يرمون حجر على شباك غرفتي بغو يكسرونه" >>طبعا لاني توي صاحية من النوم لخبطت وقلت البارح
اما كل شوي يرمون حجر >>هي كانت حجره وحده بس خبركم بهارات الحريم خخخخخخخخ
طبعا قلتها سالفه عاديه ماتوقعت رده فعله..
ناااظر فيني وقال منهم؟؟؟؟ وش يبووون؟؟؟:confused-
قلت :هاه .. مدري عنهم
قال طيب وش سويتي؟؟ هذولا سلق يبون يغازلون.. لابارك الله فيهم.. ولافي اهلهم الي مهيتينهم بالشااارع.. هذولا يبي لهم من يربيهم..
وقعد يسب ويشتم فيهم .. ويقول الكلاب يبونك تطلعين لهم .. اوريك فيهم..
استغربت انا شلون فسرها!! ..بعدين تذكرت اني قلت البارح ماقلت اليوم الصبح خخخخخخخ:biggrin:
لأنه البارح كان سهران بالإستراحه..
طبعا انا من كثر فرحتي بغيرته لي قلت له:
"ترى مو اول مره دايم اسمعهم يرمون حجر على شباك غرفتي لما تكون بالإستراحه وانا اكون سهرنه على النت
والا عيونه تبقق وشوي بتطلع من مكانها ويسألني ليييييييييييش ماقلتي لي من زمان؟؟:mad:
قلت له: مابي اضايقك .. ولاابيك تسوي مشاكل.. :bkh: اصلا انا ماعطيهم وجه>> قلتها بكل حياء وكل برآءة هع هع
طبعا انا انبسطت من ردة فعله.. احب اشوفه مقهوور ويغااااااااااار علي
اتلذذ بمنظره وهو معصب .. ووده يكفخ العالم كله عشاني :pinklove:>>شريره
المهم طول اليوم وهو معصب يسب ويلعن "الدشييير السلق عيال ال،،،، " :angry2: >>دعاوي مشفره
>>هو الله يهديه عصبي مره ولما يعصب يقول كلام زي كذا بس دعاوي .. ياما نصحته بس مافاد معه
قال: خلاص الليله بقعد عشان اشوفهم لما يجون.
طبعا كان يوم الإثنين هو يوم مميز بحياتي تدرون ليش:
لأنه ماراح الإستراحه كان سهران معي بالبيت
ولأنه نام معي بالغرفه >> ينتظرهم هههههههههههههه
وطول الوقت يقول: وينهم ما جو الليله؟؟
وانا اقول انتظر شوي الحين بيجون .. هذا وقتهم ..
آخر شي قلت له يمكن شافو سيارتك تحت عشان كذا ماجوا .. هههههههههههه
والبلا زملائه( الله يفكني من اذاهم.. حشا طباين مو زملاء) كل شوي يدقون عليه وينك عنا ؟؟ ليش تاخرت؟وراك ماجيت؟؟
يقول عندي شغل مهم مقدر اجي >>خخخخخ
ومر الليل بسلام والدشير ماجو يغازلون عبله لانهم شافو سيارة عنتر تحت ههههههههههه :icon30:
اليوم الثاني الي هو اليوم ..ماصدق على الله تجي الساعه تسعه على طوووول طااااااااااار للإستراحه
يبي يعوض اليوم الي قبله
بس كل شوي يدق يسأل : هاه جو ؟؟
وانا اقول له :لأ بااااااااااقي..
ونااااااااااااصه كل شوي يدق علي
حسسني بأهميتي عنده ... حسيت اني شي مهم بالنسبه له
احس اني مبسوطه لأني شغلت باله.. كل شوي يفكر في :laugh2:
اكيد الي زوجها راعي استراحات عندها نفس هالإحساس
بنات لاتجيني وحده مدرعمه وتقول
الكذب حرآآآآآآآآآآآآآآآآآآآآآم
صحيح اني كذبت عليه بس ماكنت متعمده الكذبه جت فجأة وبدون ماخطط لها بس بصرآحه فادتني كثير
لما شفت نتائجها ماتراجعت عنها..
بصرآحه ويني عن هالفكره من زمآآآآآآآآآآآآن..
اما بالنسبه للأولاد الصغار الي رمو الحجر ان شاء الله دعاوي زوجي ماتصيبهم لأنهم رموها بالصبح
وهو كان في باله لما يدعي الشباب الي رموها بالليل وإلي هم اصلا مالهم وجود بالوجوود نيهاهاهااااااااااا>> مسيكين رحمته
بالنهايه: ادعوا لزوجي بالهداية والصلاح وان الله يفكه من عصبيته الزايده ويفكه من شلة السوء شلة الإستراحه وياااااااااااكم يارب..
شاركي في النقاش
سجلي الدخول لإضافة تعليق.
التعليقات
121- ^
تصدقون ودي استمر بالكذبه
وش رايكم اقول له انهم رموا علي الليله؟؟
هو باقي ماجاء من الإستراحه الى الآن..
ادق عليه اقول له الحقنــــــــــــــي جووووووووووو؟؟ :p - ههههههههههههههههههههههههههههههههههههههههههههههههههههههههه
وربي رهيبه بسويها في زوجي الله يفكنا من هالاستراحات - هههههههههه الله يقطع بليسك والله فكرتك جوناااااااااااان
جاري التطبيق - ههههههههههههه
ماشاء الله عليك والله عرفتي له وبعدين عادي سوي له اكشن شويه .......
الله يخلي لك زوجك ويهديه ويخليكم لبعض ...... - هههههههههههههههههههههههههههههههههههههه
فكرة حلوة ابي اقول لمرة اخوي لان اخوي راعي استراحة <<<خخخخخخخخخخخخخخخخخخخ
مواضيع مشابهة
تابعي تجارب أخرى من هذا القسم.