شاركي في النقاش

سجلي الدخول لإضافة تعليق.

التعليقات

12
  1. المقادير للبطاطا المشوية
    نصف كيلو بطاطا
    ثلث كوب زيت زيتون
    3فص ثوم
    بشر ليمونة+عصيرها
    ملح وفلفل وروزمارى (او كمون او زعتر)



    التحضير: تقشر البطاطس وتقطع مثلثات
    الاطفال يفضلونها مع الكاتشاب
    والكبار مع الصوص الحار
    منقول
    لكني بعملها نفس الشي وبستغني عن البطاطا المقلية
  2. صاحبة الموضوع
    حبوبة زوجها وابنها
    معليش رد أنا أنا من سوريا يعني من بلاد الشام وعندي أقارب بلبنان وهاي الاكلات كمان مشهورة عنا كونو ما حد رد من لبنان رح رد أنا متبل الباذنجان ولا أسهل باذنجانة على الغاز حتى تنشوى بالاصح حتى تحترق من كافة الاتجاهات ما في داعي تكون النار قو…
    يابعد قلبيييييييي من طيبج والله ياهلا بأهل الشااااام والله تسلم ايدج وماتقصرين عسا ربي يوفقج يارب خزنتها عندي
  3. صاحبة الموضوع
    حبوبة زوجها وابنها
    حبيبتي كتبتلك طريقتنا السورية وجبتلك الطريقة اللبنانية يارب تستفيدي وتدعيلي وأي سؤال ثاني أنا حاضرة على فكرة كمان أنا بعمل الحمص بالطحينة بالبيت عندي وكمان اليبرق اللي هو ورق العنب وبيطلع حامض وطيب كتير اذا حبيت قلك ياهم خبريني
    تسلمين حياتي خزنتهم ثنتينهم بجربهم بأذن الله والله يعطيج الصحه والعافيه
    واذا ماعندج مانع ابي طريقة الورق عنب الحامض ولا عليج امر يا الغاليه
  4. حبيبتي اسفة كتيييييييييييييييير لان تاخرت بالرد كونو صار عندي ظرف خاص
    حبيبتي أنا ما بكره شي قد الرز لكني لما تزوجت حبيت برهن لزوجي اني بحبو
    من خلال تغير طبيعة الغذاء اللي كنت متعودة عليه وانا بنت
    ووعدتو اني رح صير ست بيت يعني ربة منزل ماهرة
    فصرت شوف الناس المحيطة في كيف بتطبخ المحاشي
    ولما اطبخها انا اخذ من كل وحدي منهم شغلي اللي بتعجبني وعنجد صار يطلع معي شي طيب
    خلصت قصة حياتي










    لذا اذا حدا سوري قلك مو هيك بيطبخو السوريين لا تدعي علي لاني كتبتلك انها من اكثر من انسانة وانا محترفتها مثل ما بدي







    نأتي لورق العنب
    بكثر لحمة انا بالمحاشي انت شوفي الكمية اللي بتحبيها
    بينما تكون الماء الساخنة عم تسلق ورق العنب شوي صغيرة لحظات موكتييييييييييييير
    بتكوني بهالاثناء عم تنقعي رز بماء حتى ما يظل قاسي الحبة
    الحشوة
    لحمة ورز منقوع
    حبة ماجي
    لهيك ما منحط ملح
    ملعقة صلصة بندورة
    قرفة
    فلفل
    نعنع يابس
    زيت زيتون
    ملعقة سمن
    بأرض الطنجرة أو الحلة
    تضعين شرائح بطاطا فوقها شرائح بندورة وبتصيري تصفي الورق فوقهم بالترتيب
    بتحاولي تحطي بينهم حبات ثوم بين صفوف الورق
    ثم زيت زيتون عليهم شوي حتى تشوفيهم عبيلمعو كلهم
    بالنهاي بتجيبي اما مرقة دجاج او مرقة لحم
    او بتحلي مكعب ماجي بماء
    وبتصبيهم فوق الورقات لكن لاتغمريهن كتير
    لما تحسي الماء نشف ارجعي زيدي هيك لتحسيهم استوووووووووووووووووو
    بالنهاية قبل ما تطفي تحتهم الغاز
    حطي معهن عصير حامض كمية منيحة
    ودبس الرمان
    وتلذذي
    تلذذ و انطلق
    يمكن تلاقي نا س بتحط فيها اجزاء من اللحم الدسم بأرض الطنجرة لكني هيك بفضله اكتر بكتير

تابعي تجارب أخرى من هذا القسم.