شاركي في النقاش

سجلي الدخول لإضافة تعليق.

التعليقات

3,327
  1. الهدى والنور
    يعنى ضعف التبويض مش بالضرورة يكون مرتبط بالتكيس .. طمتينى يا قمر ربنا يخليكى طيب هو ال FSH - LH هم اللى بيتعموا باليوم الثالث صح ؟ يبقى البروجسترون ده كان فى اليوم 21 بس معملتهوش فى بيرود واحدة عملت الFSH - LH بعدها بحوالى شهرين عملت الب…
    بصى يا هدى بالنسبه لتحاليل تانى يوم البيريود لو عملتيها الشهر الجاى او الشهر ده هتلاقيها هى نفسها مش هيتغير فيها شئ يعنى التغيير فى التحاليل دى مش بيكون بالسرعه دى بالعكس بيكون بطئ جدا .. و بالنسبه للبروجستيرون ده اللى ممكن بيتغير من شهر للتانى
    انا رأيى انك تعملى البروجستيرون الشهر ده مفيش مشكله طالما المسألة للأطمئنان وكده كده ممكن تعيدية تانى فى العمليه ..
    وبالنسبه لتحاليل تانى يوم البيريود اعمليها الشهر الجاى لما ييجى معادها واهه تكونى عرفتى هتعملى العملية ولا ايه النظام ..
    بس عايزة اعرفك معلومة بردة ان البروجستيرون اللى هتعملية دلوقتى هيقول لك حالة تبويضك الشهر اللى عدى مش الشهر اللى جاى .. فاهمانى .. يعنى هيقول لك التبويض بتاع اليومين اللى فاتوا دول كان كويس او لا .. وده يعتبر شهر فات والشهر الجاى هيبقى حاجه تانيه
    وتانى نقطة ان لو تحاليل تانى يوم الدورة بتاعتك كده من سنتين .. يبقى فى تكيس يا هدى وزى ما قولت لك التحاليل دى مش بتتغير بين يوم وليله يعنى لما تعمليها تانى لازم تتوقعى انها برده هتبقى فيها لخبطة تدل على وجود تكيس ممكن الارقام تختلف او تتغير تغير طفيف بس فى النهاية هتلاقيها بتدل على وجود التكيس
    ده فى حالة لو سلمنا ان معامل المستشفى اللى عملتى فيها التحاليل كويسه .. لكن لو طلعت المعامل دى اى كلام وانا اتمنى ده يبقى هتلاقى النتايج متغيرة كليا وجزئيا ..ماشى يا قمر ..
  2. @ashtkt_alyk

    oxygenatom
    شوشو اعمل ايه حكم القوى ... احنا يوم الجمعة عند حماتى طول اليوم وعلى بليل بروح لخال والدتى عشان فى نفس المنطقة تانى يوم بروح لأختى ووالدتى وبروح لاخواتى الاتنين ... اما خلاتى وخلانى كل مرة مابروحلهمش عشان الاجازة بتبقى قصيرة ... فهو بيلوم…
    أوكستى...
    و لا يهمك...ممكن يكون اليوم ده لو قضيتوه حلو و استمتعتم بيه كويس يبقى أبرك من 10...
    و برده ربنا يجازي جوزك كل خير إنه عايز يصل الرحم فى العيد...و مفيش أحلى من أيام الأعياد للموضوع ده.....
    بس أنا بقى حظى فى الموضوع ده تحفة....أخوالى كلهم فى عمارة واحدة....و كمان أعمامى فى عمارة واحدة برده و تبعد عن اخوالى 15 دقيقة بس....يعنى زيارة واحدة بتخلص الموضوع كله.....و كمان أهل جوزي معظمهم فى الصعيد و مفيش إلا أخواته اللى هنا....و دول بقى شعارهم خير الكلام ما قل و دل....يعنى فى ساعتين بنكون لفينا عليهم كلهم و زرناهم....:)

    بس المشكلة عندنا بقى إننا برده مش هنقضى إلا رحلة اليوم الواحد علشان أجازة جوزي الوقفة و أول يوم بس ....ادعيلى بقى اختار مكان حلو بسرعة علشان ده مش علشان العيد بس....لا دع علشان يوم الوقفة هيوافق عيد جوازنا و كمان هنحتفل فيه بعيد ميلاد جوزي لانه هييجى بعدها بكام يوم....
  3. @mikomiko

    صاحبة الموضوع
    اخت جوزي امبارح بتقولي انها ما استعملتوش و ان مطلعلهاش تشققات, هل ده ممكن؟
  4. oxygenatom
    آميييييييييييييييييييين ... ماتحرمش من دعواتك ياريمو ... وانت عاملة ايه جبتى لبس العيد ليكى ولأنوس
    اه يا حبيبتى جبت له هدوم العيد وجبت لى انا كمان .. ربنا يخليكى يا اوكسى وتجيبى السنه الجاية ليكى وللعيال
    اصلى نفسى انك تبقى حامل فى توأم وبدعى لك يارب تجيبيهم سوا علشان يبقى جم دفعه واحده وتخلصى
    بس ما ترجعيش فى الاخر تقولى لى الله يسامحك انتى السبب :p
  5. @ashtkt_alyk

    الهدى والنور
    ربنا يخليكى يا قمر و يبارك لكم كلكم يارب لمساعدتكم لى ان شاء الله هاعمله وهل بيتعمل باليوم 21 ثابت مهما كان طول البريود يعنى اللى البيرود 26 يوم زى اللى 27 يوم
    متقوليش كده يا حبيبتى...احنا كلنا اخوات...
    و لو مساعدناش بعض يبقى ملناش لازمة هنا....
    بصى يا قمر....اللى قريته انه بيتعمل قبل أسبوع من ميعاد الدورة القادمة.....و غاليا بيتعمل فى اليوم الواحد و عشرين على اعتبار ان الطبيعى ان طول الدورة يبقى 28 يوم....

    و مرة قريت ان لو طول الدورة اكتر من كده ممكن نؤخره يوم او يومين.....لكن لو أقصر....متهيالى مفيش اي مشكلة انك تعمليه فى اليوم ال 21

تابعي تجارب أخرى من هذا القسم.