الله يعينك اختي ويصبرك ويكفيك شرهم ..طيب وين خالتك ام زوجك راضية باللي يصير .
اكيد فيه شي بينكم وانتي مو حاسه فيه مخليهم يكرهونك ويحقدون عليك ..معليش اختي راجعي حساباتك وفكري وش اللي يخليهم يعاملونك هالمعاملة يمكن يغارون منكم لانكم تطلعون وتمشون وهم مايطلعون او يمكن ودهم يروحون معكم مشوار وانتم مافكرتم تقولون لهم يروحون معكم
او ممكن محتاجين فلوس ولا فكرتو تعطونهم
او لانهن ماتوظفن وطفشانات من جلسة البيت
او لانك تلبسين احسن منهن وهن مايقدرن يلبسن مثلك
وممكن زوجك يعاملهن معاملة جافه وانتي يعاملك معاملة طيبه ويمزح معك قدامهن وينقهرن .
او ممكن انك ماتعزمينهن ببيتك ويتمنون يجونك ..
او ممكن انك دايم تزورينهن وطفشن منك
معليش اختي انا ماقول انك كذا بالضبط بس يمكن احد هالاسباب مخليهن ينقهرن
عالعموم حاولي تكسبينهن وتتقين شرهن بانك تصدين عنهن وتقللين زياراتك لهم وممكن تعزمينهن باستراحة مرة كل شهر حتى تغيرون جو ويفرحن بهالعزيمة ..
وممكن ترسلين بين فترة وفترة اي طبخة او حلا او مؤؤنه من برا او انتي مسويتها بنفسك
وممكن تهدينهم بين فترة وفترة هدايا بسيطة باسم العيال او في الاعياد ونجاح العيال
وممكن ترسلين لهم فلوس صدقة منك وتكون هدية من العيال لعماتهم صدقيني الصدقة لها اثر طيب وتدفع عنك البلاء
معليش اختي طولت عليك بس ممكن تجربين هالطريقة واذا نفعت معهم الحمدلله اتقيتي شرهم وان مانفع معهم تجنبيهم ولاعاد تزورينهم الا بالاعياد فقط او زيارة مريض فقط لاداء الواجب
واخيرا لاتنسين تدعين بهالدعاء وترددينه باستمرار ..فله اثر بالغ جدا
(اللهم اغفر واعفوا عن من ظلمني وعاداني )
انا تقريبا مثلك عانيت من اهل زوجي وظلموني بس مو سحر والعياذ بالله
وجربت هالطريقة والحمدلله صدوا عني وتركوني بحالي وارتحت عقبها .وصرت الحين مازورهم الا بالمناسبات والاعياد وتادية واجب فقط .
الله يكفيك شرهم ويسخر لك زوجك .
خوات زوجي يهددوني بالسحر حسبي الله ونعم الوكيل وربي تعبت معاهم
متابعة النقاش، صفحة 6