الوصفات المجربة للشيف اسامة

zeireda شفتي حلقة اليوم اللي فيها الحلوى الدنماركية ? ممكن تعطيني الطريقة? لأن ساعة بث الحلقة تكون في 8h صباحا عندنا في المغرب و هذا وقت الذهاب إلى العمل و اليوم الخميس لا تعاد الحلقة.و ياريت يكون فيه صور
شكرا بزاف :27: :27:

أوكى Chocolat انا مسجلة الحلقة وأنا بنزلها على الجهاز هخدلك الصور وانهزلهالك حاضر

انهاردة ان شاء الله أعملهملك

الله يبارك فيكzeireda شكرا بزاف
و إذا ممكن تنزلي الحلقة كلها أكون شاكرة

مقادير الدنش :
2 1/2 كوب دقيق
1/2 كوب لبن دافى
1/4 كوب مية دافيه
2 1/2 م/ص خميرة
1 بيض
1/4 كوب سكر
1/2 كوب زبدة مثلجة قطع

الطريقة:
نحط البيض مع الدقيق والزبدة فى العجانة والبيض
ونحط الخميرة فى اللبن الدافىء والمية ونضيفهم على الخليط
ونضربهم كلهم فى العجانة لحد ما تتماسك وتصبح قطعة واحدة ونسيبها تتخمر شوية وبعدين نحطها فى الثلاجة علشان تجمد لانها بتكون عجينة طرية

وبعدين ناخدها ونفردها ونبتدى نشكلها كالتالى
1- نقطعها مربعات متساوية ونشق أطرافها هيكون عدنا حوالى 4 مثلثات ونقفل من كل مثلث عندنا حرف لجوه
2- نعمل مربع ونقفله زى السمبوسك الناحيتين قدام بعض لتكون شبه المثلث
3-نعمل مربع ونقطع فى نصفه علامتين على شكل ضلعين مثلث ونطبق الحرف من الخارج للداخل
4- نفردها مستطيلة كبيرة ونقطعها من الجنب بالقطاعة تحت بعض بين كل واحدة والتانية 1 سم تقريبا
5- نعمل مربع ونقفل كل ناحيتين قدام بعض لحد ما نحصل على شبة الظرف المقفول
6- ممكن نعمل مربع ونقفل ناحيتن قدام بعض بس ونسيب الناحيتين التانيين
(كل الاشكال سوف تظهر فى الصور واضحة ان شاء الله)
بحملها وهنزلهالك
نسيبهم يخمروا مرة تانية قبل ما نحطها فى الفرن
ندهنهم بالبيض قبل ما ندخلهم الفرن على درجة حرارة 200 ولمدة 15 دقيقة

لعمل الكاسترد :
نضرب صفار البيض مع فانيليا والسكر وبعدين نحط حتة زبدة وشوية لبن صغيرين ونضربهم كويس أوى وبعدين نضيف النشا ونقلب جامد وبسرعة وبعدين نضيفها على اللبن ونحطهم على النار ولما تتخن نحط الحلة فى حمام مائى ونسيبها تبرد ونحشى بيها الكاسترد مع الفاكهة

لتلميع الوجه بعد ما يستوى الدنش :
نجيب مربة مشمش ونحطها مه شوية ميه على النار علشان تكون سايلة وندهن بيها كل الدنش اللى بيطلع من الفرن

تسلم يدينك يا ام لوجينا يا شطورة فى انتظار مجهوداتك البارزة دائما