شاركي في النقاش

سجلي الدخول لإضافة تعليق.

التعليقات

3,327
  1. دانة
    بصي يا سيتي اولا لا شكر علي واجب واحنا كلنا أخوات هنا

    انا من واقع تجربتي في المركزين بفضل مركز جنين لأنه صدقيني احسن في كل حاجة وبعدين انتي بالنسبة لحالتك الموضوع بسيط ود حسام في مركز جنين هيفهم حالتك من اول مقابلة يعني الموضوع مش هياخد وقت ولا حاجة

    وبعدين مش احسن من انك تعيدي التجربة في فارس ولا قدر الله مش تنجح

    يعني ساعتها هيبقي تضييع وقت اكتر

    بصي طبعا في الأول والأخر ده رزق من عند ربنا وكل المراكز اسباب
    انتي اعملي استخارة وان شاء الله تتوفقي في الأختيار يا حبيبتي يا رب
  2. توتا ربنا يخليكي ويرزقك من فضله
    مافيش داعي للقلق ياقمر وما تقوليش غبية الف بعد الشر عليك
    بس فعلا زي ما قلت الموضوع معقدوشرحه بالعربي يمكن يكون مربك حبتين
    انا حاحاول اشرح على قد معرفتي وربنا يوفقني واي سؤال اسالي براحتك بدون تردد
    التحليل اللي طلبه دكتور حسام هو نوع من تحاليل المناعة يعني زي تحاليل الاجسام المضادة
    الجهاز المناعي في جسم الانسان شقين واحد فيهم ابتدائي (اولي)والثاني مكتسب
    NKوCD56يتبعوا الشق الاول (هما زي ما تقولي اولاد عم او اخوات من الاب )اللي هو ببساطة عامل زي حرس الحدود عندها اوامر اي حد غريب داخل اضرب في المليان بغض النظر عن مين هو وكل مرة تلمح غريب حتضرب في المليان رغم ان الغريب ممكن يكون واحد منهم بس هي دماغها متركب كدة وعشان كدة زاكرتها قصيرة الامد
    اما الشق الثاني المكتسب دي دماغها متركبة انها تفرق الغريب من الحبيب وتهاجم وتضرب العدو فقط يعني زي المخابرات
    عشان كدة زاكرتها طويلة الامدلانها مش ممكن تهاجم صديق اوحبيب
    يعني باختصار يا توتا انت عندك حرس الحدود يمكن يكون مزود العيار حبتين ودة تحليل بيعملوه غالبا للستات اللي بتعاني من اجهاض متكرر لان ممكن ارتفاعه يكون عرضي ويرجع ينزل تاني
    واعتقد ان دكتور حسام زود جرعة الفوليك اسيد لانه شك ان يكون فيه تشوه في الاجنة لان دة اول واهم سبب بيخلي الجسم يطرد الجنين في الشهور الاولى ودة من رحمة ربنا بينا بيخلي جسم الام يعتبره غريب ويطرده عشان يحمي جسمها
    عشان كدة ما تخافيش تحاليل المناعة بصورة عامة ما تخوفش وحتى لو النسبة عالية ممكن التغلب عليها بالعلاج
    بس ياريت لوتقدري تناقشي دكتور حسام من تاني في جرعة الفوليك اسيد اعتقد انها عالية شوية خصوصا ان معظم الغزاء دلوقتي فيه نسبة من الحمض دة
    بس اخيرا هو دكتور متخصص يعرف اكيد اكتر مني بكتيييييييييييييييييير
    يارب اكون قدرت اوصل لك حاجة لان مواضيع المناعة دي مربكة وملخبطة حتى للاطباء
  3. اشتقت اليك
    ربنا ميحرمنيش منك يا أوكستى.... بس أنا واثق إن نوفى حبيبة قلبى متنسانيش أبدا...لانى مستربع فى قلبنها.... وعلشان حاجة كمان....إننا بقينا كل شهر لازم نمضى حضور عند الدكتور عادل فى العيادة.... متهيألى المفروض يعملنا أبونيه......يا بنتى ده أنس…
    اسكتى يا موزة دى نوفا بهدلتنى على الرسالة دى وقالتلى انك مستربعة فى قلبها زى ماقلتى تمام وقالتلى انها زكرتك بس انا اللى نسيت واتهمتنى ان الالزهيمر نتح عليا انا كمان ... بس برده انا مصمصمة ان زاكرتى استلس ستيل

    ربنا يدليك يارب غير انس ولد وبنتين ( اخ ليه واخت للبنوته جودى )
    انا قلبى حاسس ان ربنا مش حيكسر قلب روقان ابدا ...
  4. @boba_boba

    رمـــــال
    أوكســــى .. منورانا بالليل يا اوكسى وبجد مش هزار وجودك بالليل فااااااارق جداااا وماشاء الله شوشو هى كمان اهيه اتشجعت وبقت تدخل بالليل منورة يا شوشو .. المهم انتى بتقولى يا اوكستى متعرفيش البنات القدام ليه مبقوش يدخلوا !!!! بصى ياحبيبتى …
    ياساتر يارب

    ده انا اتخنقت من النت ده خنقة

    يا اما مش راضى يتفتح اصلا
    يا اما يفتح والمنتدى يعلق

    الحمد لله انه اخيرا دخلت اصل انا استعرت جهاز صاحبتى فى المكتب اللى جنبى
    عشان ادخل اطمن عليكم واطمنكم عليا

    يارب يارب تكونو كلكم بخير

    توتا
    يارب باباكى يكون احسن دلوقتى

    ريمو
    يارب انس يكون بقى زى الفل وخف ان شاء الله

    كوكر
    طمنينى على كراميلا

    نيفووووو

    اخبار الدنيا معاكى ايه يارب تبقى فى اتم صحة

    ماما
    رجعتى تشاركى تانى ولا لسة


    اشتقت
    على فكرة وحشانى قوى

    زوزو
    شد حيلك يا جميل ويارب تنزلى فى الوزن بصحة وتحققى هدفك

    مها
    ياترى اخبار النفساوية ايه

    ام انس
    مش عارفة حاسة انك لسة مارجعتيش تشاركى لو رجعتى ياريت تطمنينى عليكى

    طمطم
    هو انتى اخر مرة كنتى قولتى هتغيبى شوية وترجعى تشاركى ولا انا جانى زهايمر؟

    اوكسى
    طمنينى عليكى بتعملى ايه الايام دى

    اوشى حبيبة قلبى
    طمنينى اخبار الكحة معاكى ايه؟


    سامحونى على الاختصارات دى اصل انا بكتب لكم وانا مستعجلة عشان مش جهازى

    يارب النت عندى يتظبط عشان ارجع واطمن عليكم كلكم

    ادعولى بالله عليكم ان شاء الله المفروض اعمل التحليل يوم السبت او الاحد الجاى
    بس مش عارفة ليه حاسة بكل اعراض المضروبة فى قلبها وكل شوية فى رعب
    بس ربنا كبير يمكن تكون بتهوش بس
    توكلت عليك يارب العالمين

    اسيبكم فى امان الله
  5. سارة
    ربنا يخليكي ليا يا رب
    انا فهمت الحمد شوية بس فعلا ناوية المرة الجاية اسأل د حسام علي الموضوع الجرعة الفوليك دي لأني اساسا مش عارفة اخلي العدد 4 في اليوم انا اصلا بخليهم ثلاثة بالعافية
    يالا ربنا يسهل ان شاء الله
    ومعلش تعبتك معايا يا قمر

تابعي تجارب أخرى من هذا القسم.