جد والله مليت .. الحراره موضوع يحتاج خبرتكم

السلام عليكم ..

الزبده ومافيهااا .. بنتي عمرها 6 سنوات .. ماعندها مناعه ابدد .. مرره جسمها ضعيف وبسرعه تتصخن ..

وكل ماتجيها حراره اتبهذل ماعرف انزلها .. وكل ناس يعطوني معلومه شكل وكل معلومه غير عن الثانيه !

اللي يقول فولتارين زينه (اتكلم ن درجه حراره عاليه ماتنزل) واقرا بالنت انها مضره للي اعمارهم اقل من 12 سنه !


اقرى كل 4 ساعات تعطين خافض للحراره كحد اقصى وناس تقول اعطي خافض واذا مانفع الحقيه بتحميله !

والله بنتي صارت فار تجاارب والله اني راااحمتهاا صايره كنها عووود ..

من قبل امس في الليل .. بدت معها حراره .. وعطيتها تحاميل وللاسف مانزلت الحراره للعلم انها مره عاليه .. 39 وفوق ومو راضيه تنزل ..

عاده بعد التحميله تنزل الحراره وعلى مايجي موعد الثانيه ولاها باديه ترتفع ..هالمره ابد ولا فكتر تنزل سبحتهاا وكمادات وخافضات وهي مكانك سر ..

حتى اني وديتها الدكتور(الدكاتره هنا صعبين << الاخت مغتربه.. وماعمرهم عطوني مضاد لبنتي لكن هالمره وصف لي وكلن صدرها ملتهب .. واستمرا على الخافض )

ومن امنس وانا اعطيها خافض والمضاد هذي المره الثالثه تاخذ جرعته وللاسف الحراره مثل ماهي وتوصل 40.5
وصارت بنتي تهلوس وتهذي باشياء غير مفهومه والله خفت عليها تنهبل !

اسبحها لافي اليوم 4 مرات وفي مغطس وكمادات واستخدمت الخل ولا فيه فايده ..

مدري شسوي فيها ..

المشكله يقولون الخافض كل 4 ساعات .. انا من حرارتها صرت اعطيها اياه كل 3 ساعات او 3 ساعات ونص !

وكلم زوجي واحد وقاله عطها شراب خافض كل 6 ساعات واذا ارتفعت بهالوقت الحقها بتحميله ..

وهكذا !

عندكم حل ؟

22 تعليق 127,561 مشاهدة

شاركي في النقاش

سجلي الدخول لإضافة تعليق.

التعليقات

22
  1. @rymagd

    شوفي بدلك على دكتور ممتاز اذا كنتي بالرياض الدكتور محمود القمحاوي في مستوصف شعاع ماشاء الله ممتازروحي له وبتستفيد بنتك باذن الله
  2. @ayam_alaamr

    صاحبة الموضوع
    مشكورة اختي .. للاسف انا مغتربه !


    بنات تكفون حراره بنتي عيت تنزل هذا اليوم الخامس !

    كل اربع ساعات لازم خافض !!!

    وش اسوي ..

    المشكله ماتشكي من اي اعراااض !!

    اللي فيها حراره عاليه وتعب في الجسم ماتقوى تقوم وتمشي الا بتعب كنها مكسره !

    واحيانا تشكلي من بطنها (بس اتوقع من الجوع لانها ماتاكل الا بالحسره .. وقال الدكتور من المضاد !)

    المشكله ان الدكتور صرف لها مضاد لمده اسبوع وربيت (وصفه مره ثانيه اذا خلص ولا طابت .. شي جديد صراحه مضاد 14 يوم !!!!)

    وقال فيه الاهاب بصدرها (رغم انه مامعها كحه ولا شي .. وماقال حلقها قال صدرها !!!!)

    رحنا بعد يومين لنفس العياده بس دكتور ثاني هو اللي كان موجود (اطباء عاميين .. لان المواعيد هنا ززززفت وانا اروح لهم طوارئ)

    كشف قال مادري وش مصدر الحراره !!! حلقها واذنهاا .. مافيهم ذاك الالتهاب !!!

    وماقال الا اني مااقدر اسوي شي بس استمر على الخافض والمضاد !!!

    ياناس انا خابرتهم اذا ماعرفوا يحولونك على دكتور او يقولون لك روح دكتور اطفال سو تحاليل ! هذا ماقال شي ..

    اصلا ماعلق ليش الدكتور الاول عطاها مضاد اذا ع كلامه مافيها شي!!!!!

    مدري وش اسوي والله !
  3. @new_nurse

    الله يشفيها
    والله ياختي بالنسبه لي مع بنتي ما استخدم لها مضاد على طول الا بعد ثلاث ايام من بداية الحراره اذا ما خفت على اليوم الرابع اجيب لها
    وبالنسبه لخافض الحراره انا ما استعمل الا تحاميل الشراااااااااااااااب ابد ما ينفع تقولين مويه
    وبالنسبه للفولتارين هو صحيح قوي عشان كذا يكره استعماله للاطفال ويعطى في حال مانفعت المخفضات الثانيه مثل الادول وغيره
    وكنت استخدمه لبنتي وماترجع الحراره الا بعد 12 ساعه بس في دكتور نصحني اني ما استخدمه لانه اقوا شي من خافضات الحراره
    بعدين صرت اجيب لها تحاميل مثل التمبراااا كل اربع ساعات اذا دعت الحاجه
    وعلى فكره ماينصح تعطين لها التحميله الا بعد ما تسوين لها كمادات لان النزول المفاجئ لحرارة الجسم تأثر على مركز الحراره في المخ
    يعني كمديها اذا وصلت 38 عطيها التحميله
    وكثري من السوائل خلي الاكل عشان ما يجيها جفاف
    خصوصا البرتقااااال

تابعي تجارب أخرى من هذا القسم.