طريق الامل ( خبرات متبادلة حول مراكز العقم فى مصر ) الجزء الثامن

بوبا قدر الله وما شاء فعل ان شاء الله ربنا يكرمك قريب
سارة انا هرد عليكى النهاردة ان شاء الله بس بعد شوية جوزى زاقف على دماغى عايز الجهاز

مسلمه ... و انا كمان يا حبيبتى حبيتك فى الله و ربنا يكون فى عونك والله لو ينفع كنت جيت ساعدتك ربنا يقويكى وترتاحى من الموال ده بسرعه

هدهد .. ربنا يشفيكى ويعافيكى من الآم الضهر دى وتذهب بلا رجعه

نيفووو .. ياريت تدخلى تطمنينا عليكى و تقوليلنا روحتى لدكتور كويس ولا لسه

إيه يا عم الجمال ده إنتى خريجة طب ولا إيه ريمو ماشاء الله ولا حول ولا قوة الا بالله
و الله يا ريمو أنا فعلا بضرب أخماس فى أسداس وسألت الدكتور عادل وقالى إن ليس لها علاقة
بس أنا برده مستغربه تخيلى بقالها 4 سنين بتيجى كل 28 يوم بالساعة .... وفجأه فى نفس شهر الأشعة
بالصبغة تنزل فى اليوم ال19 و الشهر اللى وراه تنزل فى ال16 ... صدفه لافته للنظر

وبالنسبه لأخبارى دكتور عادل لقى فى نسبه تكيس وبناء عليه إدانى سيدوفاج وهبدأ تنشيط بعد شهرين إن شاء الله
ولو لم يحدث حمل هعمل المنظار

ربنا يكرمك يا وداع وتعمليها على خير وأوصيكى بالمسكنات و الأستغفار و قراءة الأذكار وإنتى متحسيش بحاجة
إن شاء الله

ياه يا حبيبتى .. قدر الله ماشاء فعل .. ربنا ليه حكمة يا بوبا فى ده .. مش هقوللك متزعليش بس لازم تعرفى انه ربنا لسه ما كتبش عليكى الحمل انه يحصل دلوقتى حاولى ترضى نفسك علشان ربنا يراضيكى .. مش عارفه اقوللك ايه يا بوبا .. بس خدى لك يومين كده روقى بالك فيهم شويه وبعدهم عايزين نراجع اوراقنا سوا يا حبيبتى مش هنقف عند المحطة دى ونقعد نندب حظنا لا هنكمل برده مشوارنا الدنيا مش هتقف يا قلبى .. المهم انك تصبرى وتحتسبى كل ده علشان تؤجرى عليه فى الآخرة يا حبيبتى يعنى هيبقى تعب فى الدنيا وكمان ما يتحسبلناش فى الآخرة ولا ايه .. واحلى حاجة فعلا قولتيها ..
الحمد لله على كل حال اللهم لا اعتراض على امرك

اللهم اجرنى فى مصيبتى واخلف عليا خير منها
اثبتى عليها يا بوبا يا حبيبتى وان شاء الله خطوة وهتعدى وهتنسيها