طريق الامل ( خبرات متبادلة حول مراكز العقم فى مصر ) الجزء الثامن

بوبا ... ما تزعليش يا قلبى .... قولى دايما الحمد لله .... الحمد لله انك صغيرة ولسة قدامك وقت .... الحمد لله ان جوزك موجود معاكى .... وده احسن بكثير من واحدة ارملة عمرها 28 سنة جوزها مات فى مرض قصير تانى يوم العيد الكبير اللى فات وسابلها 3 اطفال اصغرهم رضيع لسة ... مابتشتغلش وجوزها كان يعمل اعمال حرة ودلوقت بدور على شغل علشان تصرف على اطفالها اليتامى ...
اللى يشوف بلاوى الناس تهون عليه بلاويه والله ماحدش عارف الخير فين ...

ندخل بقى فى المهم ... احنا نسيب التجربة اللى فاتت تروح لحالها ونظم اوراقنا علشان نشوف حنعمل ايه ....
انتى دلوقت عملت التلقيح الصناعى ده كم مرة ؟؟ ... لو وصلت 3 مرات يبقى التفكير دلوقت يبقى فى الحقن المجهرى وياريت ترتبيه على اجازتك الجاية فى مركز جنين فى القاهرة ... وده رأى وربنا يارب يرزقك قريبا بالذرية الصالحة النافعة للاسلام والمسلمين

زينب ... ربنا ان شاء الله يوفقك لمجلة او جريدة تكتبى فيها بإنتظام ... انا بدعيلك تشتغلى رغم انى مش من انصار شغل المرأة ... عارفة ليه ؟... علشان تناااااااااامى زى البنى آآآآآآآآآآدمين بالليل وتصحى بالنهاااااااااار

الف سلامة يا سارة .... الحمد لله على سلامة النونو وان شاء الله يجى بالسلامة وتاخديه فى حضنك .... ريحى على الآخر لحد عملية الربط ما تتعمل ... وربنا يكملك على خير يا قلبى

صباح الخير يا ام دانة ... ربنا يقربلك البعيد وتوصلك دانة بالسلامة وتاخديها فى حضنك ...