شاركي في النقاش

سجلي الدخول لإضافة تعليق.

التعليقات

3,117
  1. الصبر يارب
    وانتي كمان وحشاني يا جميله اهي الصور فوق بتاعت كور الشيكولاته اللي عملتها ام كريم (( ربنا يسامحها علي العذاب اللي بتعمله فيها )) زوزا اكتبي طريقة البصاره بتاعتك لو سمحتي وبليز اللي يعرف طريقة الخبيزة يكتبها فراشة الربيع --- جزاكي ال…
    طريقه البصاره تحفه ومجربه ومعتمده علي طريقتي

    المقادير:

    1 كوب فول مدشوش
    نص حزمه كزبره خضرا
    بصله
    توم فصوص
    نعناع ناشف
    كزبره ناشفه

    الطريقه:

    باغسل الفول واحط عليه ميه واسيبه علي النارواقطع عليه بصله متوسطه و الكزبره الخضرا وحوالي 5 فصوص توم بحالهم واسيبهم لغايه لما يستووا تماما واشيله من علي النار واسيبه يبرد وبعدين اضربه في الخلاط (انا بانعمها قوي بتبقي أحلي) وارجع احط الخليط علي نار هاديه واحط التوابل شويه كزبره ناشفه علي شطه لزوم الشطشطه يميم بتبقي جميله وطبعا شويه نعناع ناشف افركه واحطه وملح واكون مجهزه بصله مقطعه صغير واحمرها في زيت (مش سمنه) ولما تحمر اخد نصها بالزيت بتاعها واحطهم علي البصاره وغلوتين واشيلها من علي النار واوزعها في اطباق واسيبها لغايه لما تبرد خاااااااااالص وبعدين ارش البصل المحمر علي الوش وبالهنا والشفا انا باحب اعصر عليها ليمون واكل تجنن بجد ....:o
  2. مبروك على الملف الجديد ارجو منكم طريقة تدميس الفول علشان انا بعمله بس المشكلة انه لما يبرد لونه بيتغير و يبقى اسود و شكرا لكم

تابعي تجارب أخرى من هذا القسم.