ياهلي الروح تعبانة..جيبولي دكتور نفسية !!

السلام عليكم جميع
قدر الله علي وبهاجر للشرقية وتحديدا للجبيل .... ان شاء الله
وانا من اهل الرياض ((قلبي متولع فيها :icon36: ))
المشكلة اني ما اعرف ذا الديرة ولا عمري طبيتها ومادري كيف بعيش فيها :icon36:
وبروح لها مع عريس الهنا اللي اول مرة اشوفه..يعني : بيت جديد وديرة جديدة مع شخص غريب :icon36: :icon36: :icon36:
فبسألكم ياعالم وش الدبرة وش السوات؟؟
الخوف متملكني وماغير احلم في الجبيل واهلها كيف صايرين :icon36:
وانني اناشد كل من شاف الجبيل يخبرني عنها ..؟حلوة؟ فيها اسواق وحركات؟ناسها؟
يا بنات والله فيني تكة ماغير اهوجس بالجبيل :frown:
والليلة خلصت علبة سكريم كاملة من الضيقة
:10_8_9:
وبغيت اسأل كم تبعد هالديرة عن الرياض؟ يعني اقدر كلما طق فيني عرق وزعلت ازرق للرياض؟
وعندي استفسار غريب............
اكيد فيه زواجات في الجبيل(تفكير!!)
هل الزواجات هناك شكشكة وتونس ؟كيف طقاقاتهم؟==> ناوية كل خميس في عرس
=====> محسوبتكم معها زيرااان طول السنة :icon20:
هههههههههه يالله لك الحمد
:frown:
وهـ بس !!

8 تعليق 2,901 مشاهدة

شاركي في النقاش

سجلي الدخول لإضافة تعليق.

التعليقات

8
  1. @kmyryh

    انا داخله واقول وين ذا الطق جاي منه :)

    ياهلا بك اختي في الشرقيه والله يوفقك ويسخر لك زوجك

    بالنسبه للجبيل فهي حلوه بأهلها :) .. ناس متواضعيين ويحبون جيرانهم .. بلده صغيره نوعاً ما ..

    وفيه الجبيل الصناعيه تبعد عن الجبيل البلد حدود الربع ساعه وفيها الكورنيش الحلو والرايق .. احلى مافيها انها ماهي مزعجه .. (( بتتروعين إذا رحتي للرياض )) << فرق في الهدوء

    وعندهم سوق حلو فيه اغلب المحلات اللي تحتاجينها وقت الزنقات :) ومطاعم وقهاوي

    مع ان اغلب سكان الجبيل مايتقضون إلا من الخبر .. لأنها ماتبعد إلا ساعه وهو مايعتبر مشوار

    وإذا نزلت الخبر سيري علينا :)
  2. @am_alghnogh

    ياعمري انت ياعيوني لايضيق خلقك ولا شيء ابقولك شييييي عن تجارب كثيره شفتها اذا الوحده ارتاحت مع زوجها وحبته وتوالفو وحبها والله لو هي في اخر الدنيا بتكون حياتها احلى على قلبها من العسل ويرحمها اكثرويحاول يبسطها- :27: واذا عشت في الرياض ولافيه مشاعر وحب كرهت الدنيا كلهاحتى لو الجدار بالجدار عند اهلك-الله يوفقك ويسعدك ويسخركم ربي لبعض ويهدي سركم ووووووووووووالف مبروك :icon28:
  3. @sabryna_2005

    ياهلا فيك في الشرقيه
    اناماالومك على هذا الشعور لازم الواحد يحن ويشتاق لدياره
    بس اذا توالفتي مع ابو الشباب مارح تحسين بالغربه وبعدين اهل الجبيل عسل مررررره
    امابالنسبه للبعد عن الرياض حوالي 4ساعات
  4. @ody_ashark

    نفس سالفة اختي بتتزوج بعد يومين :icon28: وش رايك تتخاوون :39:
    والله اننا راحمينها ماتعرف احد في الجبيل :crap:
  5. @quotarmquot

    حبيبتي انا ما عرف الجبيل ولا قد رحت لها بس داخله عشان اعلق على عنوانك وسعييييييييييييييييييييي صدرك ولا تشيلين هم وبلا دكتور نفسي وبلا هم ان شاء الله ربي يسهل لك غربتك عن اهلك ياما دموع نزلت مننا وليال سهرنا و رب العالمين سهلها..

    ولله يوفقك ويسعدك ويسخر لك:)

تابعي تجارب أخرى من هذا القسم.