أحبه .... بس وش الحل؟!

الفرق مو مهم وبالعكس يمكن احسن لك .. والله اني كنت ودي اتزوج واحد اكبر مني بكثير عشان يحسسني بحنانه ويصبر علي مو العكس زوجي اكبر مني بأكثر من سبع واحس انه عقلي اكبر من عقله بعشر سنين ..

خليه يخطبك واثقلي عليه يعني لا تكلمينه وقولي تعال مع الباب انا اخاف الله ترى هذا الكلام بينفعك بعد الزواج ..

وابوك حاولي تقنعينه .. وخلي امك تقنعه ..

ولو فيه خير ان شاء الله بتاخذينه وان فيه شر بيصرفه الله ..

بس استخيري الله ..

انا رأيي مختلف تقريبا عن البنات
صراحه ،، والصج
الصغير يعلل والشايب يدلل
وبعدين الرجاجيل مايتغير شكلهم بسرعه يعني لو تزوجتيه ووصل سن الستين يعني يمكن بيصير فيه تغيير بسيط ،، المهم مو على الشكل بس ،،، انتي كلميه وخليه يتقدم لج ع الاقل ترتاحين شوي من التفكير وبعدين واصلي القصه وخبرينا وش يصير ،،،

انا بالنسبه لي ماافكر بالعمر ،، والعلم صج يقول احلى فارق سن بين البنت والولد يكون عشر سنوات ،،، يعني البنت تتزوج واحد اكبر منها عشر سنوات يكون افضل او من سبع لي عشر سنوات ،، يكون رجال ناضج وفاهم مو مهزوز مايعرف راسه من ساسه ،، يعني الرجال اللي اكبر منج بعشرين سنه شكله ناضج وفاهم وحاكته الدنيا ومعاشر اجيال ،، ودامج مرتاحه له ومرتاح لج ،، توكلي على الله صراحه انا فرحانه لج ،،، وخليه يتقدم لج ،،، وصدقيني لاتقولين ابوي يوافق او مايوافق ،،، شوفي الله لو كتب انه يتزوجك راح ياخذك غصبن عن الكل هالمعلومه حطيها ببالج ،، يعني لو ربج كاتب هالشي يكون اكيد ابوكي راح يوافق ورب العالمين راح ينطقه الموافقه ،،، يمكن ابوكي يشوفه ويرتاح له زي ماراتحتي له انتي ويمكن ابوكي يقول ايه والله شكله احسن من هالشباب الصغاريه اللي مايعرفون يتصرفون ،،
ترى مافيها شي كثير متدينين يحبون يتزوجون عن طريق التعارف تجنبا للمشاكل ،،،

انا صديقتي تزوجت شخص اكبر منها يمكن ب 24 سنه الحين عندها ولد وعايشه فرحانه ولايفوتك بعد هي تكون له الزوجه الثانيه ،، والحمدلله فرحانه وفتح لها محل شوكولا كبير وهي تديره ،،، الحمدلله
ترى لاتعقدين الامور كثير حريم هم بالاربعين تزوجوا رجال في 60 و 65 ،،
بس اهم شي تسوون فحص قبل الزواج ،، وربج يكتب لج ان شالله

ترى البنت على راحتها في بنات يرتاحون للشاب الصغير وفي بنات يرتاحون للكبير ،،،
انا شخصيا ارتاح للشخص الكبير عشان كذا اشجعك ،،، والباقي عليج انتي ،،،
سلام

اختي
انت لسه صغيرة وتفكرين بعاطفة اكثر
انا من راي انه مايصلحلك
وحيكون بينكم دائما سوء تفاهم لفارق السن

ادعي الله لك بالخير
وربي يرشدك لما فيه الخير لك في دينك ودنياك

السلام عليكم00
أختي ريم00
أعتذر واتمنى مايزعلك كلامي لكن أنا قرأت موضوعك من الأول وردود البنات
وما كانت كلها نقد أو لووم بالعكس فيه بنات كانت ردودهم بعقل بس ردك الأخير وثنائك على رد (حلوة مربربة) يعطي الي يقرأ فكرة انك تبغي تسمعي ردود في اتجاه معين وترفضي غيرها حتى لو كانت أفضل وبأسلوب مهذب!! ((يعني الرجال اللي اكبر منج بعشرين سنه شكله ناضج وفاهم وحاكته الدنيا ومعاشر اجيال ،، ودامج مرتاحه له ومرتاح لج ،، توكلي على الله صراحه انا فرحانه لج ،،، وخليه يتقدم لج ،،، ))
فمثلا كان جميييل ورقيق ومقنع رد الأخت شام وغيرها لكن000000 !!!!!!
وكلامي هذا ما أقلل فيه والله من رد حلوة لكن بس بوضح انه له منحى مختلف عن باقي الردود زي ما هي ذكرت في بدايته 00
كوني حبيبتي منصفة مع نفسك وأسأليها ليه انا طرحت مشكلتي ؟؟ هل لأجل اسمع الكلام الي يريحني وابغاه ولا لأجل اصل لحل وتصرف حكيم أقدر أقبله نفسيا ؟؟ والجواب 0000 عندك
انت ياختي قلت انك تحت العشرين والبنت في هذا السن تكون( غالبا) مندفعة بعواطفها ولا وصلت للنضج العاطفي الي يخليها تقييم بشكل صحيح (هذا الكلام ليس على اطلاقه) وبالنسبة لك يدل على هذا الشي فيك تقبلك لبعض الردود دون بعض رغم تشابهها في الهدف 00 وتأكيدك على حبك لهذا الشخص حب صادق وتنبؤك ايضا بمستقبل هذا الحب وتوقعك انه ما يتغير !!!
عزيزتي الحائرة 00
آآسفة لكن 00 أكرر فكري كثير في قرارك قبل ما تتسرعي خاااااصة لأنك في ردك أعترفتي ان الحب أعمى وممكن جدا تكوني باندفاعك في حبك غفلتي عن سلبيات رغبتك في الارتباط فيه00
وانا مااقول عمره هو الحاكم لكن عمره والظروف المحيطة به وشخصيته واسباب تفكيره في الارتباط فيك كلها عوامل ممكن تكون للنجاح او لا سمح الله الفشل
مثلا ياريم شوفي عائشة زوجة الرسول كان زوجها عليه السلام أكبر منها بكثييييير وكانت من أسعد الزوجات00
لكن ارجعي حبيبتي وشوفي مييييين كان زوجها ؟؟!! وكيف نظرته للمرأه والزواج ؟
(ومن آياته ان خلق لكم من انفسكم أزواجا لتسكنوا إليها وجعل بينكم مودة ورحمة )
هذه كانت اسباب صح ياريم؟؟
وانت لأنك طلبت المشورة برغم انك ما ذكرتي كل شيء فالبنات وانا منهم بنرد عليك على حسب المعلومات الي ذكرتيها
فلو كان مثلا يكلمك ؟؟ لها دلاله وجواب
ولو كان مثلا جاركم ويعرف ابوكي واهلك لها جواب
ولو كان يقربلك هذا كمان حال مختلف
عموما حبيبتي 00
أحب أخيرا اوجه لك كلمة 00 اجلسي مع نفسك جلسة صرااااحة وفكري بالموضوع من جمييع النواحي واستخيري الله وتوكلي عليه وممكن تسألي وحدة قريبتك عاقلة وكتومه تكون أدرى بوضعك الاجتماعي ووضعه وعاداتكم لأن لها دور وتأثير وترى البنات ما قالوا انك فاقدة حنان الابوة يعني انك بعد كم سنة بتلاقيه وترجعي تتحسفي وينمسح حبه لاااااا البنات وانا متلهم اقول ممكن تكوني فاقدة حنان الابوة وحنانه عليك خلاك مندفعة بعاطفتك وما تقيمي هذا الارتباط بنظرة صحيحة 00 ولأن أغلب الأزواج بعد سنين من الزواج ووصولهم لمرحلة من النضج وهدوء العاطفة يقيموا بعضهم بشكل أصح من فترة فوران العواطف في الملكة او الخطوبة وهذا الي نسمعه كثيرمن ازواج وزوجات00
وفقك الله وسدد رأيك