طريق الامل ( خبرات متبادلة حول مراكز العقم فى مصر ) الجزء الثامن

السلام عليكم ورحمة الله وبركاته

صباح الخير علي احلي بنات في الدنيا
وحشتوني وحشتوني وحشتووووووووونييييييي

انا عارفة اني مأثرة معاكم جدا جدا بس معلش غصب عني انا بتابع اخبارك بس مش بلحق اكتب اي ردود

انا أخر اخباري اني بدأت من يوم الثلاثاء اللي فات في حقن لوكرين تحت الجلد وامبارح كانت أخر حباية منع حمل ومن النهاردة هبدأ حبوب تانية اسمها دوكساسون تقريبا يعني مش فاكرة اسمها اوي دلوقتي ( بس المرة اللي فاتت مكنتش باخدها مش عارفة بقة دي ايه لزمتها )

والحقن اللوكرين المرة دي د حسام كتبلي علي جرعة اكبر 25 مل ( المرة اللي فاتت كانت 15 مل )

يا رب يكون خير المرة دي ويارب ينجح كل واحدة ماشية في خطوات حقن او تلقيح او اي حاجة ونفسها في نونو يا رب العالمين

بس اللي انا خايفة منه بجد ان الاندو فعلا كانت بدأت ترجع وعلي المبيضين بس د حسام قالي ان شاء الله متأثر علي التنشيط ولا حاجة ربنا يستر

ادعولي يا جماعة ربنا يخليكم ليا

وسلامي للجميع وراجعة لكم تاني

بوبا: انا اتكسف اقولها كده بس انا ناوية كده و لا كده ما اوديش البنوتة لطنط غير للضرورة او علشان تشوفها. لكن لو حبيت انزل الشغل ساعتها حسيب البنت مع ماما لان ماما انا عارفة انا حتربيها مع عنايتها بيها لكن حماتي عندها حفيدة من بنتها اللي قاعدة معاها عندها 3 سنين و نصف مدلاعاها جدا. ده وفت العيد الكبير قالت لجوزي لو جبت بنت مش ححبها قد جوجو لكن لو جبت ولد مش حيكون علي الحجر غيره. فراح قلها يعني لو جبت بنت حتبقي بنت..... فقالتله لا بس مش حتكون عندي زي جوجو. انتي عارفة انها يوم الخميس ادتني وش لما عرفت ان البيبي بنوتة, يوم الجمعة اتقابلنا علشان بنتها التانية اللي جاية من السفر, حماتي اتصرفت عادي و لا :انها قبلها بيوم ادتني وش و قالتله انا سمعت اخبار حلوة مبروك. يعني انا اللي اخد الوش و لا حتي تباركلي و هوا ياخد الوش الحلو...
دودو: بالعكس انا مش شايلة هم حد من عندي بخصوص ان البيبي بنت. حماتي هيا الوحيدة اللي كنت حاسة انها حتزعل بس مش للدرجة ديه. مامتي و بابا و اختي و تيتا, كلنا بنحب البنات.
نادية: بصي, انا اعرف واحدة راحتله بس هيا ماكنتش قيلالي ان عندها مشاكل في الحمل, انا كنت اعرف الكلام ده من جوزي و لما رحت اباركلها فبسالها انتي ولدتي مع مين فقالتلي علي شريف باشا سيف بس هيا بتقولي هوا صحيح شاطر اوي بس اسلوبه وحش.
ام اياد: انتي عندك حق.
دانة: عقبال ما تجيبي احلي بنوتة.

حبيبتى نادانودو ....صباح الخير ...الاشعة الافضل تعمليها بالبنج علشان الاشعة من غير بنج ممكن تطلع مش مظبوطة بسبب الالم اللى بتحسى بيه ( رغم انه الم بسيط زى الدورة ) لكن ساعات بيحصل تقلص جوة من الالم يأثر على نتيجة الاشعة وممكن يدى انطباع خاطىء فالاحسن تعمليها ببنج علشان تكونى فى حالة استرخاء وكل شىء يبقى مظبوط اثناء التقاط صور الاشعة ... اما حكاية المضاد الحيوى فده من باب الاحتياط ... انا عن نفسى لما عملتها ما اخدتش مضاد حيوى ... بس طبعا خديه علشان كده افضل ... وربنا يوفقق يارب

اهلا بيكى عاشقة السفر ... اخبار المشتاقة لمكة ... هى دلوقت فى تونس بتعمل حقن مجهرى ... ادعيلها ربنا يارب يكرمها ويرجعهلنا مجبورة الخاطر يارب

توتا وحشااااانى موووووت ... الحمد لله انك طمنتينا عليكى ... ربنا يوفقك المرة دى وتنجح عمليتك يارب وتجبيلنا احلى نونو ( توءم يارب ) ولد وبنت يارب علشان مايبقاش نفسك فى حاجة