شاركي في النقاش

سجلي الدخول لإضافة تعليق.

التعليقات

3,327
  1. @am_ayad_2009

    د.وداع
    اوكسي ايه رايك؟ تاني يوم بعد الدورة ده حيكون مناسب ان شاء الله ولا ممكن يطلع نتايج مش مظبوطة انا كده حسيب معمل عبدالقادر الديب عشان مش شغال الخميس وحروح السراية سكان اللي قالت عليه نادية تسمعي عنه حد يطمني يابنات اصلي حيحصل حاجة وكمان سالت…
    وداع ان مقدرة ظروفك وحاسة بيكي يا حبيبتي
    بس نصيحة اخوية حاولي تعملي الاشعة ببنج كلي
    مينفعش تاخدي بسكوبان بس دا مسكن بسيط وهي مؤلمة وكمان عشان ميحصلكيش زي ما حصل مع شيمو وتطلع النتايج غلط
    وبعدين ازاي مستشفى السرايا مافيهاش بنج دي مستشفي كبيرة
    انتى ممكن تستهبلي وتتصلي تاني وتقوليلها على موضوع البنج ده وتقليلها انك مستعدة تدفعي فلوس ازيد عشان البنج
    ولو منفعش قوليلي وانا ممكن اتصلك بالمستشفى اللي انا عملت فيها الصبغة واشفهم شغالين يوم الخميس ولا لا
    واجيبلك كل الاخبار
    بس في مشكلة المستشفي دي في 6 اكتوبر فمش عارفة حتناسبك ولا لا
    وعلى فاكرة انا اعرف ان مستشفي الشاطبي بتعملها وبردة ممكن تطلبي بنج كلي وتدفعي فلوس ازيد
    وعلى ما اعتقد انهم بيكونو شغالين طول الاسبوع
    فحاولي تعمليها يا حبيبتي هنا في مصر قبل ما تسافري وربنا معاكي
  2. nadanodo
    صباح الخير على الموجودات حبيبتى رمال تسلمى على الكلام الجميل ده ربنا يكرمك يا رب ربنا يزيد و يبارك فى بنات اسكندرية و كل بنات مصر يا رب و نفيد بعض بالخير يا رب و الله انا فرحانة اوى انى معاكم هنا فى المنتدى لانى الفترة اللى فاتت ك…
    آآآآآمييييين يارب العالمين ربنا يرزق كل المسلمين يارب بالذرية الصالحة ..
    الحمدلله يا نادو انك ارتاحتى للدكتور اشرف .. ان شاء الله اشعه الصبغه هتكون سليمة يا حبيبتى ما تقلقيش دى خطوة زى ما قولت لك احتياطية فقط لا غير قبل العملية ... ربنا يوفقك ويكرمك اخر كرم يا نادو ياااارب
  3. totta_55
    السلام عليكم ورحمة الله وبركاته صباح الخير علي احلي بنات في الدنيا وحشتوني وحشتوني وحشتووووووووونييييييي انا عارفة اني مأثرة معاكم جدا جدا بس معلش غصب عني انا بتابع اخبارك بس مش بلحق اكتب اي ردود انا أخر اخباري اني بدأت من يوم الث…
    أخيرا يا توتا ظهرتى .. لسه امبارح كتبت مشاركة ليكى وملحقتش ابعتها لان النور قطع .. وكنت بكتب لك فيها انى زعلانه منك بشدة على غيابك الطويل ده .. لكن دلوقتى الزعل مرفوع خلاص وخبر انك ماشية فى خطوات العملية خلانى انسى زعلى منك وفرحت اوى وبدعى لك من كل قلبى ربنا يكرمك ويرزقك الذرية الصالحة قريبا ياتوت ..
    وان شاء الله فرصتك فى نجاح العملية المرة دى هتكون أعلى بعون الله ومتخافيش من الاندو مش هتلحق تتجمع بسرعه كده وتأثر على التنشيط وان شاء الله خير .. ربنا يوفقك يااااارب بس من فضلك بلاش غياب كتير كده عايزة اتابع معاكى كل حاجه بالتفصيل يا توت .. اتفقنا ولا ايه







  4. happy-yoyo
    تسلميلي يا نيفو يا قمر على الكلام الوافي و فعلا صعب اوي موضوع القاهره لان الولد هيتبهدل اخر بهدله و كمان صعب ابرر الغياب دا غير التكاليف بتاعت جنين اللي زادت عن 17000 و دا طبعا صعب تدبيره و باذن الله هتوكل على الله و اشوف دكتور اشرف الاول…
    ياااارب يا حبيبتى يخليلك يوسف وتفرحى بيه وتجيبى له اخت وتسميها احلى اسم فى الدنيا ..
    وشكرا يا حبيبتى على ذوقك وكلامك اللى زى العسل ربنا ما يحرمنى منك ابدا
    بالنسبة لاسئلتك يا حبيبتى ..
    أولا .. حكاية الوزن دى نسبيه فى رأيى لانى بشوف ناس كتير حوامل وهمه اساسا بيكونوا اوزان خيالية .. فا المهم فى القصه دى طبعا ان تحاليل هرموناتك تكون مظبوطة فعلا وتكونى واثقه من انها مظبوطة يعنى تكونى عملتيها من فتره قريبه ومتاكده ان الوزن ما أثرش عليها ..
    لكن لو بصينا بقه من ناحية تانية على صحتك انتى يا يويو هتلاقى ان زيادة الوزن دى مش فى مصلحتك صحيا خااااااالص .. لانك لو دخلتى فى الحمل وانتى وزنك زايد 20 كيلو مرة واحده هيبقى ده خطر عليكى انتى والبيبى جاااامد جداااا يا حبيبتى ... بالاضافه الى انك اساسا وزنك هيزيد بالقليل حوالى 15 كيلو فوق ال 20 دول فى الحمل
    فا تخيلى بقه الزيادة اللى هتوصلى لها وانتى حامل ...
    لا يا حبيبتى الكلام ده مش صح واى دكتور هيقول لك حاولى تخسى علشان ما يحصلش حمل وانتى وزنك كده ..
    فا الاحسن اكيييد انك تحاولى تخسى شويتين قبل اى عمليات وقبل اى حمل يا يويو ..
    ثانيا .. ادوية التخسيس شئ جميل خالص وخصوصا الاورليستات .. بس ما انصحكيش بيها حاليا الا بعد ما ترجعى للدكتور اشرف لان مينفعش تاخدى ادوية دلوقتى لانك لو هتدخلى فى العملية هتاخدى ادوية كتير وممكن يبقى فى ادوية تتعارض مع بعضها وبما اننا مش دكاترة يبقى الافضل نسأل الدكتور فى حاجة زى دى علشان مش نبوظ الدنيا ..
    ثالثا .. بخصوص المنظار يا يويو .. مش عارفه اقوللك فيه ايه ده هيفصل فيه كلام الدكتور انا مش عندى معلومات كتير فى النقطة دى ..
    رابع حاجه بقه .. انا طبعا مش هقوللك ليه مش هتعرفى حد بالموضوع ده .. بس طالما انتى عايزة ده يبقى شوفى واحده صاحبتك موثوق فيها يا بنتى علشان اكيد هتحتاجي لها لان بعد ترجيع الاجنه هيكون فى فترة راحه كبيرة شويه ومش هتعرفى تعملى حاجه فى البيت خاااااالص هتبقى كلها راقدة على ظهرك .. فا الافضل انك تشوفى حد يبقى جمبك ويشوف طلباتك فى الفتره دى ولو عرفتى تلاقى حد يبقى كده اتحلت وكلها عشر ايام هترقدى فيهم اتحججى بأى سبب انك ما تنزليش من البيت وحاولى قبلهم تزورى ماما وحماتك علشان يبقى عشر ايام بس غياب ياجميل
    احجزى انتى بس الاول عند دكتور اشرف وما تستعجليش الخطوات قبل ما تروحى له وتشوفى هيقوللك ايه .. ادى كل مرحله حقها لو سمحتى .. فكرى فى كل خطوة لما ييجى وقتها
    وربنا يكرمك يااارب ويرزقك ياحبيبتى بالذرية الصالحة

  5. MIKOMIKO
    هابي: معلش كنت اتمني اني افيدك بس ما اعرفش بس ان شاء الله البنات يردوا عليكي في اسرع فرصة. رورو: الله يبارك فيكي و عقبالك. زينب, ***** الله تلاقي الشغل اللي يناسبك و حاولي توصلي ل 58, انتي خلاص قطعطي نص المشوار. رمال او كوكر او مسلمة او اي…
    مييييكووووو مووووكااااا ....
    ازيك يا ميكو عاملة ايه يا حبيبتى واحشانى كتير كتبت لك المشاركه امبارح مع توتا بس النور قطع ومش عرفت ابعتها يا قلبى
    مبارك عليكى البنوتة يا قلبى ... البنات احلى واحسن يا عبيطة دى هتبقى سندك فى البيت وحبيبتك وصاحبتك
    وتربيتها احلى واسهل وكمان اللبس والدلع هيبقى للركب وانتى هتتدلعى معاها وعلى حسها
    الولاد لبسهم مش حلو وتربيتهم صعبه وتجيب العصبى ,, سيبك من حماتك انا عارفه ان طريقتها دايقتك وانا لو كنت مكانك كنت هتدايق بس مفيش فى ايدك حاجه غير انك تلتفتى لنفسك ولزوجك وبنتك اولا واخيرا وسيبك من الهيافات اللى بيعملوها دى .. دول فاضيين ياامى وكده كده مش هنعرف نرد عليهم بنفس كلامهم ده
    وبالنسبه للتجهيزات اللى بتسألى عليها اسمحيلى هكتبها لك على الخاص لانه كلام كتير شويتين يا حبيبتى
    وربنا يكرمك ياقلبى ويتمم حملك على خير ياااارب
    :04:

تابعي تجارب أخرى من هذا القسم.