كيف تقضين يومك بدون طفل ووظيفه

مسائكم سعيد ...الله ياجركم ان شاء الله و يجعل بنتي شفيعة و يعوضني و ياكم خير ...
بس احب اقول تذكروا دائما ان هذا شيئ مكتوب ..و ان الله له حكمة ..و ان رحمته غالبة لانتقامه ...
و تذكروا ان الله سبحانه ارحم منا بأنفسنا ..لم يقض ذلك القدر عبثا ...
وترى اهم شيء بالدنيا العاااااااااااااااااااااااااااااااااااافية ...يناس العافية لو تشرى شروها المرضى ...
حنا بنعمة والله العظيم ..تخيلي طيب ما تقدرين تمشين او ما عندك يد او قلبك فيه شيء ...
( و لئن شكرتم لأزيدنكم ) و الله ما ندري وش الخيرة ؟؟؟ ما ندري وش مكتوب لنا ..والصبر زين ...والاستغفار و ذكر الله و تعوذوا من ابليس ...
والبكاء طبيعي ..والله احيانا يكون ضايق خلقي من اي شيء ...واجلس ابكي لين اشبع ...وبعدين استغفر ربي و اتعوذ من ابليس واتذكر نعمته علي واطلب الخيرة ...( اللهم ما اخترت لي فأنا راضية به ) واحمد ربي على كل حال علشان يبنى لي بيت الحمد بالجنة ان شاء الله ...
البكاء نعمة و تخفيف و رحمة ...لو ما فيه بكاء ..كان وشلون نفرغ ؟؟؟
خاصة احنا النساء ضعيفات و حساسات ...انا وحدة عندي الدموع شيء اساسي ...
و من يوم توفت بنتي و انا ما استمتع الا بالبكاء ..احسه يشيل الهم اللي بصدري ...

و بعدين خلوا فيه احد تطلعون وياه من الجيران او الاقارب او صديقات ( طبعا مو حيا الله ...وحدة تصير صادقة بمشاعرها معك ..مو شرط تصير زي حالتك ..حتى لو ام عيال ..) الناس للناس يا اختي ...

ممكن تاخذين دورات عن فن التعامل مع الناس او تطوير الذات او كسب قلوب الناس ..
والله اعرف وحدة كبيرة و ما تزوجت بس تعاملها مع الناس و مع اللي حولها راااااااقي ..كلن يحبها و يموت عليها الاطفال و كبار السن
و البنات و المراهقات ...ما شاء الله عليها الله ما عطاها زوج و لا ذرية بس عطاها محبة الناس لها ...شوفوا كيف ربي ما ياخذ لا يعطي سبحانه ...هو اكرم الاكرمين ...

والناس اللي تنتقد او تسأل تراها ناس فاضية من الداخل شكل بلا روح ...ناس ما عندها تجارب في الحياة و ناس تعيش لنفسها و بس ..ربي معطيهم على قد عقولهم ...انا اخلي تعاملي معهم ارقى لان عقلي اكبر من اني اتخفى عنهم عشان ما عندي ذرية ..
( الله هو اللي عطاهم و قادر ياخذه منهم ) والله مو ناسينا ابد ..

عيشوا يومكم يا حلوات ..و تفئلوا بالغد .. ما ندري و ش الله كاتب لنا ...وسعوا صدوركم ,,,الدنيا و الله ما تسوى لحظة زعل ...

اختي انا لي 10 سنوات بدون اطفال ولا وظيفة في السنوات الاولي كان كل تفكيري في العلاج والمواعيد واتابع بدقة واصرار وربي ماكتب طبعا النفسية زفت لان الموضوع شاغل تفكيري مع الوقت مريت بظروف خاصة ومواقف غيرت تفكيري واقولك عن تجربة وبكل ثقة الحل ليس الوظيفة وليس الطلعات والمشاوير ولا انك تدوري شي تشغلي نفسك وتضيعي وقت الحل هو الرضا اكيد راح تقولي كلنا راضيين المعنى اللي ابغا اوصله انك تكوني ومن داخل قلبك راضية ومرتاحة بقسمة ربك وان وضعك كذا تمام ومانقصك شي اذا قدرتي توصلي لهذه المرحلة صدقيني راح ترتاحي شي ثاني انتي تقولي زوجي مش حاس فيني يعني ايش تبينه يسوي ويحس بايش يعني مافيه الا العافية اطلعي من جو الكآبه والملل ومدام عندك طاقة احفظي القران بنية الحفظ وليس مجرد تضييع وقت سبحان الله الانسان دايما يشوف الشي الناقص اختي المؤمن مبتلى فمن رضي فله الرضا ومن سخط فله السخط الله يرزقك بالذرية الصالحة عاجلا غير اجل

الله يرزقنا جميعا بالذريه الصالحه....

الله يرقني ويرزقك ويرق كل محرومه

لولو كأنك تحكين عني لاأنيس ولاونيس بس الحمد الله على كل حال الله يرزقنا الذريه الصالحه المعافاه