ومن غير مضرب بس بالخلاااااط
ده صينة مقاس 22 شوفوا ماشاء الله عالية فيها أد إيه
الكيكة دهنت وشها مربى مشمش وعملت نقط بمربى الفراولة
الصورة ده بتاعتى مش منقولة عشان محدش يفتكر حاجة كده ولا كده
المقادير
2 كوب دقيق
نص كوب زيت
كوب زبادي أولبن بالزبادي أحلى
3 بيضات
كوب سكر
شوية فانيليا
2 معلقة صغيرة بودر
تحطي البيض في الخلاط مع الفانليا وإضربي دققتين
ضيفي السكر وإضربي 3 دقايق بيعلى ويبيض معاكي
ضيفي الزبادي وإضربي كام ثانية والزيت وإضربي كام ثانية
حطيها في طبق غويط
قلبي الدقيق مع البودر كويس حطيهم على السوايل اللي عندك وقلبي بمضرب يدوي أو حتى شوكة حتى يختفي الدقيق تماما
حطيها في صينية مدهونة سمن ومرشوشة دقيق
دخليها فرن سااخن مسبقا على درجة 180 بالرف الأوسط
ملحوظة
شغلي الفرن قبل ماتبتدي
كوب الزبادي بتعايرية بنفس كوب الدقيق
يعنى مش أقصد كوب زبادي من الجاهز
لأ كوب مليان زبادي
والكوب اللي عندي 220 مللي
