شاركي في النقاش

سجلي الدخول لإضافة تعليق.

التعليقات

3,327

  1. @ashtkt_alyk

    سارة...
    ألف سلامة عليكى يا قمر....الحمد لله إن الربط عدي على خير....
    و إن شاء الله يا قلبى متدخليش أوضة العمليات تانى إلا علشان تولدي بالسلامة بأمر الله....
    خلى بالك من نفسك أوي و من النونو......ربنا يكملك على خير يا قمر

  3. @ashtkt_alyk

    أنا هنا يا هدهد.....بس كنت باكتبلك رد
    أنا أؤيدك فى اللى قلتيه....
    بس لو فكرتى معايا...هتلاقى إنه ميضرش إننا نمشى على الاحتمال الأحوط....و ده لعدة أسباب.....
    أولا..ان كده كده فيه ضعف تبويض...و ده اصلا هيكون علاجه بالتنشيط....اللى هو أصلا بيكون فى حالات كتير علاج للتكيس بس بعد تظبيط الهرمونات...

    يبقى كده مش فاضل من علاج التكيس غير فقد الوزن....وده ممكن أي حد يعمله سواء عنده مشاكل أو لا....و كمان الميتفورمين....وده برده إن مأفادش مش هيضر......لانه لو السكر عالى بينزله و لو طبيعى بيحافظ عليه...وكمان بيحسن من استخدام الجسم للأنسولين و خصوصا فى خلايا المبيض و بالتالى بيحسن من كفاءة التبويض....وكمان بيقلل من حدوث التنشيط الزائد....و ده بالإضافة ان فيه ناس كتير بياخدوه للتخسيس بس و هو اصلا لا بيكونوا مرضى سكر و لا حتى تكيس....

    يبقى لو فكرتى معايا...هتلاقى اننا لو حطينا لاحتمال ده مش هيضرنا فى حاجة.....و خصوصا إنه بالنسبة ديه ممكن فقد 2 و ل 3 كيلو....والاستمرار على الميتفورمين شهر واحد و لا اتنين يظبطوا الأمور و يخلوها فل الفل....

  4. @ashtkt_alyk

    نوفىىىىىىىىىىىىىى.....
    وحشتيى يا قمر ووحشنى كلامك اللى زي السكر...
    إيه يا عم الجمال و الحلاوة ديه...
    بجد يا بنتى كل ما أقرا كلامك اللى زي السكر ده تصيبنى حالة من البهجة ....
    ربنا مايحرمنى منك يا قلبى و يبارك فيكى و يزيح عنك و يطمنا عليكى...علشان نفضى للمشوار المهم بقى

  5. @ashtkt_alyk

    ريمو....
    وحشتينى كتييييييير يا حبيبة قلبى...
    ربنا ميحرمنيش من ذوقك و لا من سؤالك عنى يا قلبى....
    أنا قريت مشاركاتك الجميلة ليا....و باشكرك عليها أوي أوي...
    أنا أقل بكتير اوي من الكلام اللى بتقوليه فى حقى دايما يا حبيبتى....
    ربن يبارك فيكى و يباركلك فى أنوسى و ميحرمناش من لمتنا سوا أبدا....
    بس تعالى قوليلى...هو أنا اظهر من هنا تختفى انتى من هنا.....يلا اظهر و بان عليك الأمان

تابعي تجارب أخرى من هذا القسم.