طريق الامل ( خبرات متبادلة حول مراكز العقم فى مصر ) الجزء الثامن

ربنا يخليكى كده انا فهمت ده زى الجلوكوفاج صح؟

يعنى ما يوديش للاصابة بمرض السكر لو انا سليمة ؟

تظبيط الهرمونات قصدك بيكون بالميتفورمين

طيب ممكن اعمل الحقن المجهرى و اخذ منشطات من غير ما اخذ المتفورمين يعنى لو طلع فى تكيس و الا ده غلط؟

ايه اثاره الجانبيه زى الجلوكوفاج قى و صداع و دوخة برضه؟

بصراحة كلام بينور لى طريقى بشكل و الله لو تعرفى قاعدة ادعيلك ازاى دلوقتى ربنا يرزقك بالذرية الصالحة و يصب عليكى الخير صبا

بصى يا حبى...
الميتفورمين ده الاسم العلمى أو اسم المادة الفعالة فى الأدوية اللى بتنتهى بفاج....زي السيدوفاج و الجلوكوفاج....
و الموضوع ده أنا قتلته بحثا و مأخدتوش إلا لما اتأكدت إنه مش بيؤدي للإصابة بالسكر و لا الكلام ده...لأا بالعكس ده بيحمى منه.....وزي ما كتبتلك هو لو السكر عالى بينزله...اما لو طبيعى فبيحافظ على مستواه...يعنى مفيش منه أي ضرر...و هو زي ما قلتى بيساعد على تظبيط الهرمونات و تحسين آداء المبيض ...

و هأقولك على حاجة كمان....دلوقتى بينصح باستخدامه فى الحمل علشان يقلل نسب الإجهاض و يقلل من احتمالات الاصابة بسكر الحمل.....أما فى مرحلة التنشيط...فمريضة التكيس هى أكثر الناس عرضه لحدوث فرط التنشيط...و ده لان بيكون اصلا فى المبيض بويضات كتير ضغيرة و وارد انها تكبر مع التنشيط....و الميتفورمين بيحافظ ان ميحصلش التنشيط الزائد......

يبقى ليه خايفة منه يا قلبى....و خصوصا إنه حاجة بسيطة لكنها ممكن تقينا من مشاكل كتير .....و عموما انا كنت منزله من النت دراسة كاملة عن الميتفورمين لو قريتيها هترتاحى أوي....انا هأدور عليها و أنزلهالك

و أخيرا هأقولك على تجربتى الشخصية....وهى إنى لما مكنتش أعرف ان عندي تكيس و شلت مانع الحمل و قعدت 10 شهور من غير حمل....و كان البروجسترون 6.7....و لما أخدت الميتفورمين البروجسترون ارتفع لوحده ل 18.5.....و ربنا أكرمنى بالحمل تانى شهر مباشرة ...(الحمل ده ماستمرش...و اعتقد ان ده كان لان ماستمرتش على الدوا مدة كافية و كمان مكنتش خسيت و كان عندي 15 كيلو زيادة)...لكن انا حبيت أقولك الكلام ده علشان أثبتلك إنه ساعات بيكون كفيل بتظبيط الهرمونات و تحسين التبويض....وحتى لو محصلش حمل تلقائى فبيكون الحل فى التنشيط لكننا ساعتها بنكون مطمنين اننا ظبطن الهرمونات و قللنا المشاكل...

لا مش خايفه بس واحدى قالت لى ممكن يعمل كده خوفتنى ههههههههه
يعنى بيتاخذ قبل التنشيط ؟ و لمدة معينه ثم يوقفه الدكتور؟ وخلاص التكي يروح و انا مستسهله
عارفه انى صدعتك بس انتى معلوماتك اكثر منى فى الموضوع ده