طريق الامل ( خبرات متبادلة حول مراكز العقم فى مصر ) الجزء الثامن

ام اياد انت هنا , بصى انا نفسى اتكلم فاسمعينى لو سمحتى , بصى انا دكتورى كان محددلى انى ابدا حبوب منع الحمل النهاردة و بعدين اروح , النهاردة قلت لزوجى ها نروح نجيب الحبوب قال برحتك قلتله ليه هوا انت شايف حاجة تانى قال انا مش شايف حاجة و مش عارف حاجة انا مش مقتنع بالدكتور دا و دا نصب و كلام غريب كده مش فهماه , و دا حتى مقلش نعالج السبب و السبب هنا انا مش فاهمة هوا يقصد بيه ايه هوا فيه تشوهات بنسبة عاليه و الدكتور قال على فيتامين مرضيش يخده بانتظام من شهر 2 الكلام دا و بعدين انا لما خدت المنشطات كانت جرعة قليلة و انا متاثرتش بيها غير بويضة واحدة بس اللى طلعت و اتلغت محولتى و قلنا نبدا الشهر دا , بصراحة انا تعبانة خالص جوزى مقفل و انا متوترة و اعصابى بتتحرق هل انا بعاند القدر هل دا اصرار غلط منى , موضوع الحقن بالنسبة لينا فيه اجهاد نفسى و عصبى و مادى و سفر و بهدلة
ماما بتقول احمدى ربنا و ارضى و بلاش توتر و حرقة دم , و كبرى دماغك من الكلام دا , بيقولولى انى عنيدة و مبسنعش كلام حد و فاكره نفسى انا اللى بفهم , و ان ربنا لو رايد حيسر امورى بدون تعب
انا محتاسة و تعبانة و مفيش حتة فى نفسى و لا جسمى لا تان من الالم

انا حاسة انى مخنوقة و الدنيا ضيقة مش عارفة اتكلم مع حد ,

لرفع