شاركي في النقاش

سجلي الدخول لإضافة تعليق.

التعليقات

3,327
  1. @am_ayad_2009

    ليه بس يا دودو الخنقة والاكتئاب ده امر طبيعي بالنسبة لحالتك
    طبيعي اما الانسان بيقدم على حاجة جديدة عليها وبيكون مش عارف النهاية حتكون ايه اكيد بيكون متوتر وقلقان ومش قادر حتى يبفكر
    بصي اول حاجة المفروض انتي متزعليش من جوزك ومتضايقيش نفسك بكلامة
    لان الرجالة عموما بيكون مالهمش اي علاقة بموضوع الحمل دة ولا بيفكرو اصلا الحمل دة بيحصل ازاي
    لكن احنا اللي دايما نقعد ندور ونعرف الاسباب ونشوف عندنا ايه وخطة العلاج حتكون ازاي
    فهو اكيد اعصابة مشدودة هو كامان عشان كدة قالك الكلام الغريب دة
    فبلاش تزعلي منه لان الامور مش مستحمله زعل اصلا
    ثانيا بالنسبة بقي للي حصلك المرة اللي فات دا مش معناه انك استجابتك ضعيفة للمنشطات لانه بيحصل مع ناس كتير جدا
    فبلاش نحط اللي حصل في دماغنا ونقول انه ممكن يحصل تاني
    وبالنسبة لزوجك المفروض ياخد العلاج اللي الدكتور قاله عليه عشان يحسن نسبة الحيوانات المنوية عندة ويمكن ساعتها متحتاجيش للعمليه دي اصلا
    بس انتى حاولي معاة بالسياسة لان الرجالة بيكون حساسين قوي بسب الموضوع ده
    انا حاسة بيكي وعارفه انتى قد ايه نفسك تجيب اخوات لجوجو بس ممكن يكون لسة ربنا مش رايد في الوقت الحالي
    ولو عايزة رايي الشخصي ياريت يارت قبل ما تبأي في المحاولة تاني تستخيري ربنا
    وخصوصا انك جوزك شكلة كدة مش مقتنع لان لو لقدر الله محصلش حمل اكيد حيجيب اللوم كله عليكي وحتبقي انتي السبب في كل حاجة
    وزي مانتى قلتي ان موضوع الحقن بالنسبة لينا فيه اجهاد نفسى و عصبى و مادى و سفر و بهدلة
    يبقى نصلي استخارة ولو رابنا رايد اكيد حتلاقي الامور ماشية تمام وربنا حيهديلك جوزك
    ولو لسة ربنا مش رايد يبقي نتبدي نفكرحنعمل ايه ونحاول نشوف المشاكل اللي عندنا
    صحيح قوليلي انتى مقلتيش لدكتور عادل على مشكلتك ؟
    ما تحاولي تاخدي رأيه انا حاسة انه دايما بيحب يدور على السبب اللي مانع الحمل
    ونادرا اما بيقول لواحدة حقن مجهري
    بعكس الدكاترة التانية حاولي تبعتيلة ميل
    وبردة حاولي مع جوزك ووان شاء الله يقتنع بكلامك ويوافق ياخد العلاج بانتظام
  2. @ashtkt_alyk

    ازيكم يا بنات.....
    دودو و أم إياد....مساء الفل عليكم....

    دودو.....كويس إنك فتحتى قلبك و بتفضفضى....اتكلمى يا قلبى احنا هنسمعك و نفكر سوا...بس بلاش تتخنقى كده
  3. @am_ayad_2009

    شوشو مساء الفل
    ازيك وازي انوس
    والواد اللي جوة عامل ايه معاكي
    احكيلي انوس قالك ايه اما عرف انك حتجيبيله بيبي
  4. @ashtkt_alyk

    ازيك يا أم إياد يا حبيبتى....
    احنا بخير وروقان أفندي كويس....
    أنا لسه مش قلتله .....أنا عارفة انه مش هيتضايق...بس هيقعد يسأل هييجى امتى لحد ما يزهقنى...
    ده غير انى لسه مش قلت لحد...ولو قلت لروقان هابقى باعلن الخبر على السي ان ان.....
    فقررت أستنى شوية قبل ما أقوله ...منها نطمن و منها نقصر عليه المدة......
  5. @ashtkt_alyk

    صحيح بخصوص السي ان ان....
    مرة لقيت أنس جاي بيسألنى.....أنتى حامل؟....
    قلتله نعم؟.....قالى انتى حامل؟.....قلتله لا...
    قالى أصل نديم صاحبى مامته حامل.....
    فتخيلت نفسى بعد فترة لو ربنا كرمنى ....هاتفضح فى كل الأوساط بالشكل ده....

تابعي تجارب أخرى من هذا القسم.