كنت جالسة في صالة إنتظار النساء انتظر موعدي....
وفي هذا الوقت الممل أحاول أسلي نفسي بالناس واتفرج عالرايح والجاي واستمتع بالأطفال أكثر شي....
المهم جت أم ومعاها ولدين وبنت وجلست في نفس الصاله....
وأسمع الولد يطلب منها شي وترفض ويلح عليها بقوة وهي مازالت رافضه وأنا ما أسمع ايش يقول الولد لأنهم بعيدين شوية....
وبعد مرارا وتكرارا خضعت الأم لطلب ولدها اللي الى الآن ماعرفته....
وسمعتها وهي تقوله خلاص روح وانتبه لأخوانك معاك ولا تلعبون بالفلوس...
وفتحت الشنطه وأعطته فلوس وأخذ الولد أخوانه وراحوا.....
وبعد شويه دخل الولد ومعاه كيس مليان حلويات وشوكلاتات وعصيرات وجلسوا جنب أمهم على الكراسي وبدأ الثلاثة يتقاسمون مابداخل الكيس....
إلى هنا مافي الموضوع أي مشكلة أبدا....
وما إن بدأوا الأطفال الثلاثه بالأكل إلا وكل عيون الأطفال اللي في الصاله عليهم وهنا تبدأ المشكلة......
وكل وحده معاها طفل في الصالة تحاول تلهي طفلها علشان يبعد عيونه عن الأكل....
كلهم كانوا مستحين من تصرف أطفالهم وعيونهم على الحلويات وكل وحده تنظر للموجودات في الصالة وتظن إنهم يقولون عن طفلها مسكين أكيد محروم وإلا ليش يطالع بهذا الشكل......
والنظرية خاطئة جدا مهما كان الطفل شبعان إلا إنه إذا شاف شي في يد غيره لابد يشتهيه لأنه وبكل بساطه طفل ومايفهم تفسير الناس لنظراته أبدا.....ولايفهم إن هذا الشي عيب ولا يفهم انه خلاص يعرف هذي الأشياء وممكن يحصل عليها في وقت آخر كل مايفهمه في هذي اللحظة انه يشتهي مابيد ذلك الطفل ويتمنى لو انه عنده مثله والآن......
الغلط الآن ماهو على الطفل اللي يطالع
الغلط على الطفل اللي اشترى وجلس ياكل أمام الأطفال الآخرين....
أو بالأصح الغلط على الأم اللي سمحت لطفلها ياكل أمام الأطفال بدون حتى مايشاركهم في الأكل.....
يمكن البعض يعتبر هذا الموقف جدا طبيعي ومافيه غلط لأننا بمكان عام ويحق لكل واحد أن يفعل مايشاء.....
لكن أنا أعتبره أكبر غلط لأنه حتى لو كان مكان عام مايصير يحصل فيه مثل هذا الموقف لأنه بالذات يخص الأطفال ولو كان علينا احنا الكبار لو اشوف المستشفى كله ياكل وانا لا ماعندي مشكلة كبيرة ومايأثر فيني هذا الموضوع بس الطفل غييييييييييييييييييير....
ويختلف هذا الشي من مكان لمكان فمثلا في المنتزهات والأسواق وغيرها عادي لو يحصل مثل هذا الشي لأنه المكان واسع والأطفال منتشرين في كل مكان والغالبية ياكلون لأنه مكان تنزه وأكل ولعب ومرح.....
لكن في المستشفى بالذات مايصير لأنه أصلا المكان مو مكان أكل أبدا......
وسلامتكم