شاركي في النقاش

سجلي الدخول لإضافة تعليق.

التعليقات

3,327
  1. @am_ans_2006

    يا ام اياد مفيش سر في غيابي ولا حاجة

    انا بس عندي شغل كتير عالكمبيوتر اليومين دول ولو عطل مش هعرف اعمل حاجة

    وجوزي طول الشهر الي فات كان عنده جرد سنوي في الشغل كان بييجي كل يوم 11 بالليل
    مكنش فاضي طبعا يصلحه
    وبعد الجرد ما خلص بدأ بقى في شغل جديد ويادوب خد امبارح ساعتين
    عشان يخرجني بمناسبة عيد ميلادي

    والحمد لله روحنا السوبر ماركت هههههههههههههههه

    مش عايزة اقول لكم من اد ايه مخرجتش

    وطبعا مالقيناش وقت نصلح الكمبيوتر

    ربنا يستر

    والله العظيم انا امبارح دخلت الموقع هنا شوية وعملت كم رسالة خاصة كده قسما بالله الكمبيوتر قفل مني

    مش عارفة ايه السر في الموقع هنا

    مع اني لما بقعد فترة ما افتحوش الكمبيوتر بيبقى كويس

    وده الي مخليني مش بدخله حفاظا على الجهاز عشان اعرف اعمل شغلي

    وطبعا مش عارفة اشتري لاب توب جديد

    كل ما اكلم جوزي ببقى مكسوفة الصراحة لأننا مش عارفين هنعمل ايه بعد الحقنة

    انابيب ولا تلقيح ومش عارفين ايه المصاريف الي مستنيانا

    ربنا يكرم يارب
  2. @boba_boba

    ام انس 2006
    يا ام اياد مفيش سر في غيابي ولا حاجة انا بس عندي شغل كتير عالكمبيوتر اليومين دول ولو عطل مش هعرف اعمل حاجة وجوزي طول الشهر الي فات كان عنده جرد سنوي في الشغل كان بييجي كل يوم 11 بالليل مكنش فاضي طبعا يصلحه وبعد الجرد ما خلص بدأ بقى…
    ام انس كل سنة وانتى طيبة انتى مواليد يناير؟
    على فكرة انا كمان عيد ميلادى كان الاسبوع ده
  3. @boba_boba

    kokar_2001
    مساء الخير يا بنات يا رب تكونو كلكم بخير معلش انا كنت متظبطة مع كريم فى موضوع البرد دا و بعدين دخلت فى موال تسلخات من المضاد الحيوى و الحمد لله الموضوع بيتحسن شوية بشوية المهم ام مريم انا عارفة الفترة اللى انتى فيها دى فترة ن…
    احنا كمان بنحبك فى الله ياكوكر

    وعلى فكرة لما بتغيبى بتوحشينا خالص


    والف سلامة على كيمو ولا باس طهور ان شاء الله
  4. @boba_boba

    زينب ابراهيم
    احلى اصحاب فى الدنيا وحشتونى جدا جدا معلش انا فعلا اسفه جدا على الغياب ده كله بس مش عارفه اقولكو ايه برجع من الشغل الساعه 6 وبكون ميته تعب وكمان جوزى بقى حساس اوى من ساعة ما اشتغلت وبيتخانق على اتفه سبب فمعلش مش عارفه ادخل زى الاول سامحو…
    زوزو نور المنتدى ياقلبى برجوعك

    ومبروك على الشغل الجديد وكل شئ فى اوله بيبقى صعب وهتتعودى عليه واحدة واحدة

    بصى بقى اولا بالنسبة للبروجيسترون فزى ا لبانات ماقالو ده اكيد بسبب حبوب منع الحمل اللى كنتى بتاخديها واتاكدى من دكتورتك والبروجيسترون من شهر لشهر بيختلف

    الحاجة التانية بقى بخصوص جوزك وعصبيته معاكى من ساعة ما اشتغلتى فده شئ عادى
    وكلنا مرينا بيه لان الرجالة دول زى الاطفال اللى متعلقين بمامتهم بيخافوا من اى حاجة تشغل الست عنهم

    انتى اهم شئ ماتوتريش الوضع اكتر يعنى حاولى تتعاملى مع الموقف بحكمة
    وحاولى كمان ترتبى وقتك جوة البيت وماتهمليش فى طلباته
    على فكرة هم طلباتهم بتزيد قوى اول ما الست بتشتغل عشان بيبقوا عاوزين يطمنوا هى لسة مهتمة بيهم ولا لا

    فانتى هدى الوضع كده والامور ان شاء الله من حسن لاحسن
  5. @boba_boba

    اشتقت اليك
    بصى يا بوبتى... اولا باشكرك على كلامك الجميل...و ربنا يخليكى يا حبيبتى و ميحرمنيش من ذوقك.... نيجى للمفيد....فيه حاجة مش واضحة يا قمر...و هى إن نسبة ال FSH بتتناسب عكسيا مع المخزون....يعنى كل ما المخزون يقل الهرمون يعلى....و طبعا المخزون…



    لا شكر على واجب ياشوشو انتى ونعم الاخت ومهما قولت اكيد مش هوفيكى حقك



    كلتمك صح 100% وانا عن نفسى مقتنعة بيه جدا بالنسبة لهرمون الFSH وانه بيتناسب مع مخزون البويضات
    بس موضوع انه يزيد ويقل من فترة لفترة دى انا فعلا كنت مستغرباها بس انتى عارفانى طبعا مش بهمد لغاية ما ادور واقلب الدنيا عشان الاقى المعلومة ووانا بدور هنا فى المنتدى لقيت تجمع لهرمون الFSh ولقيت ان فى حالات كتير جدا جدا الهرمون كان ساعات يزيد وساعات تانية يقل وان الهرمون ده بيتناسب اكتر مع نمو البويضات ونشاط المبيض
    يعنى مثلا لو المبيض كان فى شهر من الشهور خامل وماطلعش بويضات بيبقى الهرمون ده نسبته مختلفة عن الشهر اللى المبيض اشتغل وطلعت بويضات والهرمون ده بيتاثر بالمنشطات لان الكلوميد مثلا بيحث الهرمونات على تنشيط المبيض

    بالنسبة بقى للتحاليل فكلها فى مكان واحد وده موثوق فيه لان كل مستشفيات الولادة وعيادات متابعة تاخر الحمل بيعملوا تحاليلهم فيه عشان كده انا مستبعدة ان النتايج ممكن تكون غلط وبرضه كل شئ وارد وجل من لايسهو



    عندك حق ياشوشو اكيد الشهر الاولانى مش مأثر فى النتيجة بس انا كنت بقول كده لانى بدات تانى يوم البريود الجديدة اللى عملت فيها لاتحاليل دى اخد الكلوميد
    يعنى اليوم اللى بدات فيه الكلوميد واخدت 3 حبات رحت تانى يوم على طول عملت التحاليل دى



    ايوة ياشوشو بس انا مش اخدت كلوميد بس انا اخدت كمان ابر منشطة مع الكلوميد

    واللى خلانى اقول ان يمكن الكلوميد زود الLH هو انى قريت المعلومة دى
    الكلوميد وهو منشط فعال يساعد على نمو البويضة في الحجم لانه عبارة عن مركب يشابه الاستروجين في هيئة الESTRADIAL E2يعمل على الاتحاد مع مستقبلات الاستروجين oestrogen receptorفي الدماغ والرحم والمبايض مما يوحي الدماغ ان مستوى الاستروجين هابط في الدم فيعمل الدماغ على إرسال إشارة إلى الغدة النخامية لافراز هرمونات الFSH و LHلتحفيز نمو البويضات في المبيض والاباضة وانطلاق البويضة ..
    وهو يستخدم لحالات عدم الاباضة وحالات الدورة الغير منتظمة لوجود ضعف في الاباضة كما في حالات تكيس المبايض المتعدد... وعادة يؤخذ اذا كانت الدورة منتظمة في اليوم 2او3او 5للدورة على حسب طول الدورة لدى المراة.لمدة خمس ايام ..

    بنسبه عن الابر المنشطه فهى عادة تؤخذ مع العلاج بالكلوميد أو وحدها والابر المنشطه تحتوى على هرمونى الLH , FSH يساعدان على كبر حجم البويضة من خلال تنشيط عمل المبايض وبالتالى فالابر المنشطه تقوم بإعطاء الهرمونان لتنشيط المبايض كالطبيعى تماما واحيانا يزيد اذا كانت المشكله ضعف ف التبويض ..لذا غاليتي فالابر تستعمل لتنشيط عملية التبويض

    وموضوع ان البروجيسترون بيتناسب عكسيا مع الLH ده صحيح

    على فكرة ياشوشو احنا بنتناقش مش عشان لاقدر الله فينا حد صح وحد غلط
    لا احنا بنتناقش عشان نوصل لمعلومة تفيدنا
    يعنى من الاخر كده اوعى تزهقى من مناقشتى معاكى عشان انا بحبك ومش هبقى مبسوطة لو حسيت انك مليتى من المناقشة

تابعي تجارب أخرى من هذا القسم.