شاركي في النقاش

سجلي الدخول لإضافة تعليق.

التعليقات

2,084
  1. @boba_boba

    هيا ننشر الخير
    ههههههههههه هلكتنى من الضحك يا بوبا لأ بجد ههههه حاجه صعبه قوى ...لأ وكله كوم وموضوع الأونو اللى لسه هيجيبوه كوم تانى ... بس يا بنتى مش لازم تستحملوا كل ده ..أصل طالما الأم و الأب مش موجودين وهيزعلوا خلاص بيبقى الموضوع مختلف
    مين ده اللى يقتنع بكده يارورو
    انا جوزى بيحس انه طالما بيستحمل كده فده اولا عشان خاطر ربنا وصلة الرحم وثانيا عشان خاطر يرضى باباه ومامته فى تربتهم

    يعنى عشان هم يرضو انا افرقع وانا والله اللى بيخلينى استحمل انى ماينفعش ابوظ العلاقات بينهم بس ساعات لما العملية بتزيد قوى بتصرف بعبط كده واقول اهه يمكن يتغاظو زى مابيغظونى بس ولا حاجة بتأثر
    جربت كل انواع المساحيق والبقع زى ماهية
  2. @boba_boba

    totta_55
    بوبا الجميلة تعرفي اني بحس اننا زي بعض في حاجات كتييير اوي مش عارفة ليه حتي عيد ميلادنا طلع في شهر واحد كل سنة وانتي طيبة يا حبيبتي بصي اولا ربنا يوفقك في التلقيح المرة دي ومعلش متنزليش مصر الا علي الولادة بإذن الله ثانيا بخصوص مركز…
    والله انا كمان ياتوتا بحس انك تؤام ليا
    يعنى شهر ميلاد واحد وبرج واحد واندو زى بعض فاضل بس تقوليلى ساكنة فين فى مصر وممكن نطلع جيران

    شوفى ياتوتا انتى طبعا معاكى حق فى كل حرف كتبتيه ومعنى انك تشكرى فى المركز بالرغم من ان محاولاتك فيه مانجحتش فده لانك انسانة محترمة ومنطقية فى تفكيرك

    وطبعا سياسة التحاليل والتنشيط دى بتختلف من مركز للتانى ومن دكتور للتانى
    وانا ماينفعش اتجاهل كلامك ده لان اللى مش بيستفيد من تجارب الاخرين يبقى مش بيفهم كويس
    وبالرغم من انى عارفة ان مش كل الحالات زى بعضها واللى ممكن ينفع معاكى ماينفعش معايا واللى ينفع معايا ماينفعش مع غيرى بس برضه لازم احد النقط اللى اتكلمتى فيها دى فى دماغى وافكر فيها

    وانا بسي من توهتى مش عارفة اعمل ايه
    عموما زى ما انا قولتلكم كده انا نازلة مصر لمدة 19 يوم بس ومش عارفة اروح فين ولا اجى منين بالرغم من انى مش نازلة عشان الموضوع ده بس برضه مش عاوزة اضيع وقت واستفاد بنزلتى دى ومفيش حاجة هتخسر
    عشان كده عاوزاكى تنصحينى وتقوليلى هو ينفع اروح بس كده اتكلم مع دكتور حسام واعرض عليه حالتى ؟
    يعنى كده كده جوزى مش هيكون معايا ومش هينفع ابدا علاج وانا فى مصر بس عاوزة دكتور شاطر اتكلم معاه وافهمه حالتى ويحط معايا خطوات كده اقدر اعملها واستفاد بيها لغاية ما انزل مصر المرة اللى بعدها

    ويارب ياتوتا ينجح عمليتمك المرة دى وتحملى فى تؤام كمان
    بس انا كنت عاوزة اسالك على حاجة ياتوتا هو انتى لما عملتى الاربع محاولات اللى فاتت كنتى عارفة ان عندك اندومتريوزيس ولا لا؟ ولو كنتى عارفة كنتى بتتعالجى منه قبل العملية ولا لا وايه الهلاج منظار ولا حقن الدكيبابتيل

    وعلى فكرة دكتورى هنا كويس ولما سالته على فرص الحمل لمرضى الاندو قالى بصى طالما لاندو مش موجود كاكياس بتاثر على المبيض فنسبة النجاح بتزيد لانى بيبقى عندى بويضات طالعة بدون ضغط عليه او حاجة بتضايقها وتعرقل مسيرتها بس اللى ممكن يختلف بقى من واحدة للتانية نسبة الالتصاقات اللى موجوده فى الحوض لانها بتاثر على الرحم نفسه ومدى تهيأته لاستقبال جنين وقالى معلومة كمان ان فى بعض الحالات اللى بتحاول تحمل بالتلقيح ا و طبيعى وهم كان عندهم اندو بيكون فى مادة بتفرز عندهم بتهاجم الاجنة حتى قبل ماتتكون يعنى بتهاجم البويضات المخصبة وماتخليهاش تلحق تبقى اجنة بس دى نسبة مش كبيرة وقالى عشان كده مريضة الاندو مش لازم وضرورى تنجح من اول محاولة لا ممكن واحدة واتين و6 كمان
    بس قالى سبحان الله فى ناس بيبقى حالتهم متاخرة جدا لدرجة انه نفسه بيبقى فاقد الامل فى حالتهم بس هو بيعمل اللى عليه بناءا على اصرار المريضة وعلى اقتناعه ان مفيش حاجة بعيدة عن ربنا وفى الحالات اللى زى كده بيحاول يقلل التكاليف لاقل درجة ممكنة وبيقولى سبحان الله بتحمل على اهون سبب زى مابيقولو ومش بيبقى فيه تفسير طبى لسبب النجاح والحمل بس بيبقى ارادة ربنا اللى لازم الكل يسجد لله شكرا انه مسابش المواضيع دى فى ايد الطب بس
  3. @hya_nnshr_alkhyr

    boba boba
    مين ده اللى يقتنع بكده يارورو انا جوزى بيحس انه طالما بيستحمل كده فده اولا عشان خاطر ربنا وصلة الرحم وثانيا عشان خاطر يرضى باباه ومامته فى تربتهم يعنى عشان هم يرضو انا افرقع وانا والله اللى بيخلينى استحمل انى ماينفعش ابوظ العلاقات بينهم…
    معلش يا بوبا .. واضح إن زوجك مش بيحب يجرح حد .. وهو فعلا بر الأم و الأب بيبقى بعد موتهم عن طريق السؤال و التقرب الى أقاربهم و أحبائهم ... ربنا يجعله فى ميزان حسناتكم ... بس فى الحقيقة ده مش ود وتقرب بس , ده إنتم تعتبروا عايشين معاهم ! .. فحاولى تتكلمى مع جوزك عن مشاعرك وتفهمك لهدفه و إنك محترمه ده جدا , بس السؤال عنهم بالتليفون كل يومين والخروج معاهم مره واحدة مثلا فى الأسبوع و مساعدتهم إذا إحتاجوا حاجة هيكون كافى جدااا علشان يبقى بر أمه و أبوه بعد وفاتهم .

تابعي تجارب أخرى من هذا القسم.