الظالم ظالم ماراح يتغير يعني الحرمة الشينة سواء صارت اولى او ثانية ماراح تتغير شخصيتها
ملاحظة اتمنى تكون خفيفة عليكم
مافي داعي الاستشهاد بخديجة وعائشة لان مااحد مثلهم وطبعا كمافي رجال مثل الرسول يعني المقارنة في غير محلها مع حبيبنا عليه الصلاة والسلام
الرسول ماتزوج على الحرمة اللي هو يشهد لها بانها اوته حين طرده الناس وواسته بمالها حين منعه الناس ولاتزوج بعدها مباشرة حزنا عليها وحتى يوم تزوج وجابت زوجته الجديدة طاريها وقالت ابدلك الله خيرا منها قال لا مابدلني خيرا منها
الرسول ماتزوج عشان رغبة جنسية ولاعشان عيال الرسول لو تاملنا في السيرة كل وحدة من زوجاته تزوجها عشانها هي مو عشان نفسه اللي ارملة واللي كبيرة واللي كانت راح تسبى وخلصها
الرسول غير ورجالكم غير
زوجات الرسول شي والحريم شي ثاني
ياليت نرفع حبيبنا عن هاذي المقارنات اللي مالها داعي
الاخت اللي فوق تقول منتو احسن من خديجة وعائشة صح ولكن وش دخل خديجة تراى الرسول ماتزوج عليها؟
وعائشة بغت تموت من الغيرة وقالت الا حية تلدغني فاموت يوم الرسول تزوج صفية
والحريم مافي وحدة حرمت الزواج الثاني بس مافي وحدة بعد ملزومة انها تحبه وتستانس عليه لانه مو احد الواجبات والاركان كالصلاة
الصلاة صح لو ماحبيتها لو كرهتها لو عييت اصلي والعياذ بالله صح علي ذنب
لكن انو زوجي يتزوج علي لاوالله ماني ملزومة
وحتى الثانية لو يفتحون موضوع عن الثالثة والرابعة وتتخيل نفسها بيجيها الضغط فماله داعي تكبرون المسالة
وارجع اقول الزين زين والشين شين يعني المؤدبة وبنت الاصول ماراح تنقلب لشيطان اذا صارت ثانية والظالمة الشرية ماراح تنقلب لملاك بمجرد الزواج او ترتيبها بالزواج
طبعا في استثناء من الثانيات
هي الحرمة اللي تلاحق المتزوج وحب وغرام لين يلين وياخذها-هاذي تستحق الكره
اللي بنت وترفض كل العزاب وماتبي الا المتزوج بس عشان الفلوس هاذي انانية
اللي تدخل على الاولى وواثقة انها راح تنسي الزوج مرته وعياله وشايفة نفسها ومغترة بصغر سنها مثلا او جمالها هاذي بعد مجرمة
الثانية اللي تستكثر على الاولى حتى ان زوجها ينام معها-لاتتفاجاون انا قاريتها هنا في المنتدى-وتقول خلاص هي تمتعت فيه 15 سنة المفروض تخليه لي
هاذي عينات بس عشان لاتقولون الثانية دايما مظلومة وليه يكرهونها
قاعدة في النفس البشرية0كل امرء يمدح السوق التي ربح فيها)
.. (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
متابعة النقاش، صفحة 3