اترك زوجي والا ايش الحل مااقدر اتحمل

والله ماعندي الا الدعاء لك الله يسخره لك ويسر اموره للي فيه خير لك

الله يرضى عليكم

انا لو اثق انهم ماراح يطالبوني بالنزول لا انا ولا عيالي

اتنازل عن شرط السكن المستقل

لاني كمان بفقد وجود زوجي معنا خاصه الوجبات

بيصير 24 ساعه تحت الا وقت النوم

وهذا الشي مايرضيني بس بسكت عشان مثل ماقلتوا

هذا اللى ماابيه

اولا انا ماانام الا الفجر احينا من صياح اطفالي الله يهديهم

شلون الزم نفسي اقوم الصبح اسوي قهوه واقهويهم

ترا انا انسانه متى ارتاح ؟؟

طول النهار بكون مع اطفالي لازم ارتاح وقت نومتهم

وبالنسبه للمطبخ كان بشقه اخوه زي البوفيه مو مطبخ كامل



الله يادنيا عقب ماكان لي مطبخ كامل وبيت لحالي اصير كذا

ماابي هالعيشه ياناس انا ماانام الليل عقب كلامه مررره متضايقه من الوضع الجديد

تعوذي من ابليس
طبيعي البعد يولد الجفا وانتو لكم فتره بعيد عن بعض تقولي من وقت ما كنت بالشهر السادس لين صار عمر ولدك 4 شهور
باسألك هل عاددي ينام معك عند اهلك او طلعتوا سوا لان مو معقولة طول ذا الفتره مافكر فيك
اذا ايه عاد شغلي عقلك وقولي بنتك مشتاقة لك وتسأل عنك وتحججي عيالك سخنوا تعبوا فيه مغص ما اددددري وش فيه استحي من اهلي طوال الوقت ازعاج وبكا وبصراحه ما ارضاها في حقك ومن هالحكي المهم تحطي في بالك الحين انك ترجعي لبيتك يستأجر وتجلسوا سوا هذا هو الطبيعي
وهذا المفروض يكون هدفك الحين اما موضوع الشقة اذا السالفة فيها توفير وتحسين لوضعكم المادي ويبدأ زوجك بجدية يقسط أرض فوافقي ولا تشبهي حياتك بزوجة اخوه مو شرط تروحي لهم يوميا ولاهو شرط تسمحي لبنتك تنزل دددددددددايم وتحججي بالخوف عليها من العيال حتى لو عمانها قولي اخاف عليها تتأذى ما تسمع الدنيا كلها مشاكل عن التحرش بالاطفال ومن ذا الحكي يعني شغلي عقلك واكسبي بيتك وزوجك ووالله ما الومك وش تبغى الوحدده منا غير بيت وزوج يحن عليها ويحسسها بقيمتها اسال الله يسخر لي ولك ازواجنا ويقر اعيننا بصلاحهم
فكره الانفصال لاتحطيها ببالك ابد انتي احرصي يجمعكم بيت في البداية لو حتى تسافروا لرحلة لو اسبوع ولا تقلبيها نكد انبسطي وابسطي زوجك وبشطارتك اقنعيه باللي تبين ...الله يسهل عليك ويوفقك

شوفي يالغالية الوضع صح صعب بالمررررررررررررررة بس اسمع من اخت لك تبي لك الخير ادعي ربك وكثري من الاستغفار جاتني ظروف تشابه ظروفك والحال الله اللي يعلم بها مع الدعاء اخر الليل وكثرة الاستغفار انحلت المشكلة هذا اهم شيء راح تسوينه يالغلا
ثانيا قولي زوجك ابشر ولا يهمك بس ياليت قبل ما نطلع يصير بينا شروط اللي اوله شرظ اخره نور بس باسلوب حتى ما يحس انك قاعدة تتامرين عليه انتي سوي كل شي من البداية خليك رسمية اذا لك شقة خلاص ما عليك منهم ابد خليه ينزل متى مايبي بس انتي وبتنك يدك بيدها من قبل قولي له بنتي اخاف عليها بس لا تقولين اخاف عليها من اخوك لا قولي الناس داخلة طالعة واخاف عليها وانزلي مرتين بالاسبوع او مغربية اللي يريحك اتمنى اكون افدتك بس اهم شيء ابدي البداية الطيبة ولا تتهورين وتتركين زوجك انتي عارفة ان السبب مو قوي وعندك اطفال