ملف استشارة مطبخية مصرية عربية 3

ازيك يا كهرمانه يا قمر تسلمي انتي اللي ماشاء الله شطوره

وعجبني جدااااا تشيز كيك الكابتشينو بس انا عارفه زهقتكم هههههههه

للاسف ما فيش كريمه لباني ولا جيلاتين اعمل ايه بس

بجد بتعجبني كتير وصفات بس للاسف مش عارفه اطبق علشان المكونات

مره تانيه تسلمي يا قمر

بنات هى اية اللبنة دى انا معرفهاش خالص اصل انا مليش فى منتجات الالبان خالص

حاضر يا حنون ان شا ءالله ربنا يذكرنى و ابلغها السلام اول ما اكلمها تانى

و انتى ياريت تحطيلى طريقة السويسرول نفسى اعمله عمرى ما عملته على فكرة بس بنتى و جوزى بيحبوه و ان شاء الله اجربه

ابله دينا ............ لأ احنا هعندعيلك من غير حاجة ده كله اللا ابله دينا حبيبتى و حمات بنتى و لا ايه :mad: و انا على فكرة ان شاء الله هادخل فى لسته التطبيق بس شوية كده عشان عايزة اجيب شوية ادوات للمطبخ نقصانى و الخلاط بتاعى بايظ و هاجيب واحد تانى بامر الرحمن

صحيح يا بنات لو هاجيب خلاط عادى يعنى بالمطحنة مش عايزة حاجة اختراع و يكون حلو يبقى نوعه ايه ؟؟


مها ........... مش ممكن الصور اللى عمالة تحطيها ديه الموضوع زاد اوى و انا بجوععععععععععععععع :44: ينفع كده

شيمو................ لولوىىىىىىىىىىىىىىىىىىىىىى اخيرا العجينة نفعت الف مبروك يا شيمو و الله فرحتلك ربنا يديكى الصحة يارب و تبقى اشطر ست بيت و ياريت بقى تفرحينا اكتر و تخحطلنا صور الحاجات اللى عملتيها

ازيك يامنمن....دي طريقة السويسرول بتاعة اماني انا عاملالها كوبي


اما السويسرول
5بيضات مفصولين
كوبايه الا ربع دقيق لو عايزاها بنى شيلى معلقتين كبار من الدقيق وحطى بدلها معلقه كاكاو دارك
معلقتين كبار نشا
رشة ملح وكيسين فانليا
كوب سكر هانحط منه ربع فى الاول مع البياض والباقى مع الاصفر بيض
الطريقه الاول تضربى البياض بمضرب البيض مع رشه بسيطه من الملح لحد ما تتكون رغاوى كده تقومى ضيفه ربع كوب سكر براحه خالص وانتى شغاله بالمضرب وتفضلى تضربى لحد ما يتكون المارينج الابيض الجميل وتسيبيه على جنب وتبدأى تضربى الصفار مع رشة فانليا واول ما يتخلط الصفار تبداى تضيفى السكر شويه شويه وتضربى لحد ما يعلى الخليط ولونه يفتح عن الاول كده بقى عندك خليط الصفار والمارينج تكونى مجهزه الدقيق والنشا ونخلهم كويس وتضيفيه على خليط الصفار بالتبادل مع بياض البيض يعنى الاول تضيفى معلقه من بياض البيض وتحركى بمعلقه خشبيه من تحت لفوق بالراحه وبعدين تضيفى معلقة دقيق وهكذا بياض وبعديه دقيق وفى الاخر تضيفى ما تبقى من بياض البيض يعنى تبدأى بالبياض وتنتهى بيه وتقلبى وتكونى مجهزه صينيه مستطيله حافتها قصيره متبطنه بورقة زبده وندخلها الفرن على درجة220لمدة 10_15 دقيقه بالكتير مش اكتر من كده مهم اوى درجة حرارة الفرن والوقت علشان تتظبط معاكى واول ما تتطلع من الفرن تقلبيها على ورقة زبده مرشوشه بسكر بودره وتلفيها رول وتحطيها فى التلاجه على بال ما تجهزى الكريمه بتاعتك طبعا الحشو زى ما تحبى ممكن تدهنيها مربى الاول وبعد كده باسترى كريم او كريم شانتيه او الاتنين مع بعض زى ما بيعمل الشيف حسن او ممكن كريمه بس مع قطع فاكهه او بشر شكولاته ويا سلام لو بتحبى النسكافيه تقومى مدوبه معلقه كبيره وضيفاها مع الكريمه وتلفيها تانى وتدهنيها من بره بكريم شانته وتزينيها بالمكسرات او الشكولاته
جربوها يا بنات هاتعجبكم خالص انا بعملها كتير وبتطلع جميله اوى وخفيييفه

ماشاء-الله-عليكم

الملف-بصراحة-تحفة

تسلم-الأيادي-جميعا

وحلوة-الاضافات-يامها:)


انا-النهاردة-حعمل-التشيز-كيك-وربنا-يستر-:(

أم-كريم

عقبال-مليون-سنة-لكوكي