السلام عليكم
هلا بخوات الحوائيات
ودي افضفض لكم
هالاسبوع منبطه كبدي من مدرسه بناتي
يبونهم غصب يحضرون للمدرسه وهم مخلصين مناهج
بنتي الصغيره اللي بأول كل هالاسبوع تكتب معلمتها بدفتر الواجبات حفظ سوره العاديات
وانا سألت خواتي بقسم التعليم قال لي سوره العاديات تبع الترم الثاني
ولقيتها اليوم كاتبه حفظ السوره الى نهايتها
وأسال بنتي المعلمه درستكم اليوم القرأن قالت لا من اليوم حاطين حفله بالحوش
وبنتي اللي بثالث عاد خوافه المديره قايله لهم لاأحد يغيب وماشالله عليها
تطبق الاوامر بحذافيرها
لا والمعلمه قايله لهم احفظ سوره الملك بثالث وتحفظ الملك!!!
وسألت العم غوغل قال منهج ثالث بالحفظ سوره المرسلات والنباء
انا عارفه ان المعلمه مااجبرتهم وتبي الاجر
بس بنتي حساسه وخوافه وأذتني تبي تحفظها بيومين
والمدرسه بالغصب يبونهم يجون علشان ساعتين وكلها لعب بالحوش
الحمدالله بناتي ممتازات ومتقنات بس وشلون اقنع بنتي اللي بثالث ان الدراسه انتهت!!!
لاتقولون انتم شعب كسل وتحبون النوم
الحمدالله المناهج خلصوها وماله داعي يلعبون بالحوش بهالبرد
شاركي في النقاش
سجلي الدخول لإضافة تعليق.
التعليقات
17- ماادري اذا المدرسات يبونه يجون اكيد محضرين لهم فعاليات وشغلات لها فايده للبنات بالعكس خليهم يروحون وينبسطون المدرسه مو بس دراسه
- مساكين هالمدرسات؟لو بيدهم كان قالو لاتداومون بس كل يد من فوقها يد والا المفروض المديره تقول اهم شي اذا انهيتم مناهجكم اللي يغيب يغيب والجو الأيام هاذي متقلب مره بارد ومره معتدل والصغار مع الركض واللعب بسرعه يتأثرون؟؟
ما شافو مدارس العيال ما شالله عليهم لهم اسبوع معطلين وأمس يقول المرشد الطلابي حق ولدي اللي بأول اي واحد يجي بكره راح نجلده؟؟لو المعلمه تقول لبناتها كان تلقين المديره هي اللي بتجلدها؟؟هههههههههه أمزح كني طولت عليكم بالرد؟؟ - انا ماهمني لو يبيدرسون صح
بس اطلعهم من الفجر علشان يلعبون بالحوش لا
وبعدين ليش مدارس كثيره مغيبنهم من الاسبوع اللي طاف
صديق زوجي بنته معطله قبل عشر ايام - اختي الامر بيد الوزاره وليس للمعلمات سلطه في هذه الامور
اما مسألة دوام الثلاث ساعات المقرر للاسبوع القادم هذا مشكله
الظاهر اني بغيب اولادي هذا الاسبوع - انا اقولك انا معلمه وبعد ادرس 3 ابتدائي ان كان علينا نبي نرتاح بس ارفضوا الاداره عندنا يقولون الاسبوع الجاي كله انشطه ويوم مفتوح
طبعا بنات المعلمات ياقلبي بيغيبوا بناتهم اما ياعيني على اللي امها مو معها بالمدرسه يجوا بهالبرد حتى المديره تقول خوفوهن لايغيبون
مواضيع مشابهة
تابعي تجارب أخرى من هذا القسم.