شاركي في النقاش

سجلي الدخول لإضافة تعليق.

التعليقات

41
  1. الزمن تغير والرجال يبي عيال ويبي ويبي ويبي
    بس فجأه يجي يلومك يقول تغيرتي

    سمنتي

    ما تفضين لي

    او يحش فيك

    مهمله

    كله نايمه << وانتي سهرانه مع بزارينك

    ما تفضى لي

    ترهلت

    ويهف قلبه على وحده متسنعه ومتلمعه

    هذا غير ان الانسان يخطط حياته
    ربي الرزاق ما قلنا شي .. لكن الله طلب مننا نتفكر و نشغل عقولنا في حياتنا مو نمشي على السجيه .. ترانا في زمن اغبر والرجل ماله امان
  2. ( ولا تقتلوا أولادكم خشية إملاق نحن نرزقهم وإياكم )

    الاولآد يجي رزقهم معهم

    وترا كثره الاولآد بركه وخير

    ولآكبرتي يقومون فيك

    العائله الكبيره احلى بعدين تصير مترابط اكثر

    مايملون من بعض

    ..........
  3. @hb_msthyl

    r1ksa
    الزمن تغير والرجال يبي عيال ويبي ويبي ويبي بس فجأه يجي يلومك يقول تغيرتي سمنتي ما تفضين لي او يحش فيك مهمله كله نايمه << وانتي سهرانه مع بزارينك ما تفضى لي ترهلت ويهف قلبه على وحده متسنعه ومتلمعه هذا غير ان الانسان يخطط …
    صدقتي والله .. علينا التعب والكرف وهم ماهمم .
    انا هالحين عندي اطفال ولي 12 سنه متزوجه والله مافيه منها الا 3 سنوات اللى تمتعت فيها والباقي شقى حمل ولاده
    تربيه واكل وشرب وحفايظ وحليب ..
    تهملين نفسك ولا عاد تسشتمتعين بنوم ولا طلعه مثل الاوادم
  4. @hb_msthyl

    ولا تشوفون لامهاتنا قبل ..
    هم احسن منا وضع مو اقصد الماده
    كانت امي تقولي عيالي يومهم رضع هادين وماغير اشربهم حليب واحطهم ولا صياح وصرخ مثل بزارينا
    وحتى لاكبروا تلقين الواحد حافي وبشارع ومايرده الا اخر الليل ,,
    يعني الزبده ماكانت امهاتنا يتعبون مثلنا .. وماغير البزارين فوق راسك يلجون وملينا من الكوره من البلاستيشن ومن الكبيوتر
    واذا فضو تضاربو ا ملاكمه من يفقع عين الثاني
    تصدقون ان ولدي ابو 2 دفه اخوه الكبير وصكه عامود الرخام وانفلق مع راسه وانشق برطمه واني من الروعه طلعت اركض بجامتي
    للمستوصف مشي ...
    الله يعين بس ...

تابعي تجارب أخرى من هذا القسم.