اكيد في مليون وحده عايشه هالقصه.........

تحاول تعرف اسم ابوها واذا كانت البنت متزوجه تجيب اسم زوجها وتجيب ارقامهم وتعلمهم يعنى تفضحها


لاحول ولا قوة الا بالله

أضم صوتي للبنات يالي قالوا تعطي رقمها للهيئة
وأتوقع عمل الهيئة موحد في جميع الدول ولاليش مسمينها نفس الإسم
حسبنا الله ونعم الوكيل على هذه الأشكال

أضم صوتي للبنات يالي قالوا تعطي رقمها للهيئة
وأتوقع عمل الهيئة موحد في جميع الدول ولاليش مسمينها نفس الإسم
حسبنا الله ونعم الوكيل على هذه الأشكال



وما أنصحها تعطي أخوها الرقم لأن أخوها بيكون ضحية هذه البنت .وتكون مرارتها أقوى لاسمح الله.

الموضوع حقيقي يقهر ويحير جدا
ياأختي طالما واجهتيه وأنكر يعني لسه في زوجي بإذن الله خير وكمان يداري ويهتم لخاطرك
والله في رجال يقولون: أكلم بنت وإش يعني. إشلك صلاح. ماكلة شاربه. منقص عليك شي. هذي حياتي وأنا حر فيها. ولو سمحتي لا تدخلي في خصوصياتي. ولا أشوف جوالي بيدك أبد. عجبك عجبك ما عجبك الباب يفوت جمل.
ياعزيزتي إهتمي بقلبك ونفسيتك وصحتك وخلي حالك الأولى في إهتماماتك ومراعاتك وتفكيرك ومراعاتك.
ياأختي لا تظلمي نفسك وتقولي أنا أكيد مقصرة وإلا ما عجبته لا لا لا. زوجك الله يهديه يمر بحاله نفسية . مرض روحي ويحتاج شطارتك وصبرك وحبك وإيمانك بالله علشان يطيب. كيف يطيب.... وكيف تتشطري أقلك..... أهم شي لا لا لا تقولي لزوجك إنك عرفتي عن علاقته أي شي خلاص إتفقنا.....
أولا يجب عليك دعاء الله له بالهداية. قلوبنا ياعزيزتي بين أصابع الله يقلبها كيف يشاء. إدعي الله إن يثبته على دينه ويهدية ويصرف قلبه عن الحرام إستغفري دائما دائما وإدعي الله في السجود ( ربنا هب لنا من أزواجنا وذرياتنا قرة أعيون واجعلنا للمتقين إماما). إدعي الله في أوقات إجابة الدعاء: بن الأذان والإقامة , مساء الجمعة , السجود و إذا قمتي من النوم في الليل ورجعتي نمت وقت الإستيقاظ هذا الدعاء فيه مستجاااااب. أطلب الله كل لحظة. بلسانك وبقلبك. وربنا أكرم من أن يرجع عبده خالي اليدين من عند بابه.
ثانيا نصيحتي لك وهي شوي صعبة ونتائجها يبغالها صبر صبر صبر: كل شي في هالدنيا تجري وراه تلقاه يبعد عنك . خليه يحس إنك منتي مهتمة بتصرفاته الغريبة أو مكالماته مرررررة. يعني إذا رن الجوال وخرج من الغرفة أقنعي نفسك إنه مع واحد من أصحابه. شغلي التلفزيون على مسلسل على برنامج مسابقات على برنامج طبخ أو حتى برنامج أطفال. إلعبي مع أطفالك وخليه يسمع صوتك تضحكي معاهم. قوليلهم ها يالله نسوي كيكة اليوم بالكاكاو او نشتري أيس كريم. مين خلص مذكرته الأول يساعدني في المطبخ. أو روشيهم وإلعبي معاهم بالموية وإضحكي إضحكي إضحكي. خلية يحس إن حركاته مهي مزعلتك وإنك منتي مقهورة إبدا.بالعكس إذا رن الجوال ناديه وقوليله ياحبيبي جوالك يرن! أجيبه لك ؟؟؟؟ الرجل زي الطفل تمام إلعبي بأعصابه جننيه خلي التفكير والحيرة تأكل عقله. حيقول في نفسه ما أهمها؟؟؟ بطلت تحبني؟ ليش ماهي متضايقة. ليش تغيرت. وبدل ما يطنش يسير يسأل ويقرب ويرضي ويحب يقضي معاك وقت أطول. شوفي إنت أطفالك إذا زعلتي من واحد منهم وقلتيله أنا زعلانه منك لا تكلمني.وصرت تضحكي مع باقي أولادك عادي ومنتي متضايقة. تلقينه متضايق ومحتار يحاول يكلمك لتفه الأسباب وما يرتاح إلا إذا قلتيله خلاص سامحتك.
ثالثا يا أختي ألفي ألفي حكايات .... جارتي قالتلي .... أختي قالتلي ... أمي قالتلي.... العصفورة قالتلي.... أي أحد مو مهم . المهم الحكاية ....
كأنك تسولفي معاه وإنتو بتتعشو وإلا في السيارة رايحة لأهلك وإلا تتفرجو التلفزيون حتى وإنتي وهو مسدوحين في غرفتكم قبل النوم.... بس نصيحتي لا تحكيه وهو موديك السوق أبدا هههههه
المهم .... قولي له يالطيف أختي حكتلي عن أخت صاحبتها .... يالطيف زوجها مسكته الهيئة مع بنت في السوق ... ياربي وإش هالفضيحة لا وبعد متزوج. الله يعين زوجته وعياله لا والمشكله أهلها درو عنه الله لا يبتلينا ويستر علينا
تصدق عند أهلي في الحارة وحدة إكتشفو أهلها إنها متعرفتله على واحد. شافها أخوها معاه في السوق. وطاح فيه ضرب قدام خلق الله يستاهل ما راعى حرمات الله. هذا ميخاف الله يحاسبه في صحته وإلا في عياله أو أخواته. وأهل البنت الله يعينهم على بليتهم. مين حيجي يدق بابهم الحين. الله يستر على بناتي ويرزقهم رجال طيبين.
حكاية ( ولو زدت لزاد الشقى ) مشهوووورررة مرة
ألفي حكايات وخليه يفكر فيها بس لا تكثرينا عليه في وقت واحد علشان لا يحس.... كل بعد فترة نكدي عليه بحكاية.
رابعاً صوري أوراق من النت عن عاقبة أمراض القلوب . وخليها مبعثرة مكان ما يجلس. وإدعي الله يقرأها وإذا سألك عنها قولي أختي عاملة بحث للأستاذة، بنت جارتنا عندها تعبير أو حتى العصفورة عاملة مجلة للمدرسة. وإذا ما سأل عااااادي تعالي وقولي يالله أوراق بحث أختي نسيت أرفعها لها الحمد لله ما لعب الصغار فيه .و إرفعيها في مكان قدام عينه إمكن يرجع يقرأها وإنت نايمة.
خامسا شغلي في السيارة أو حتى في البيت أشرطة دينية وخطب مختلفة تقوي الإيمان وتقرب لله تعالى وخلي معاها أشرطة تتكلم عن عاقبة العلاقات المحرمة. وحتى لو ما وافق زوجك يسمعه في السيارة، شغليها في مسجل في المطبخ وإنت تشتغلي وخليه يسمع من بعيد. وإدعي ياااارب تهديه ياااارب تهديه
سادسا.. إمدحيه وقولي مافي زيك وإنت سيد البيت وعماد حياتنا وما نستغنى عنك ومحتاجينك ربي يخليك لنا ويطول في عمرك.خليه يحس إنه مهم لبيته وعياله ولك. بس إذا رن الجوال سوي حالك زي ماقلنا في ثانياً
ياعزيزتي.... كل واحد له كتاب واحد بس.... نجيبه معانا يوم القيامة بين يدي رب رحيم غفور ..... كتبناه بأفعالنا في الدنيا..... ويبدء التقيم..... لا يسألنا الله عن كتاب والدينا ولا أخواتنا ولا أخواننا ولا أزواجنا ولا حتى أبنائنا... كتابك أنت فقط. زيني كتابك يأختي بالطاعة والتوكل على الله والإيمان والدعاء له بالهداية
أتمنى إني أفدتك.... وأنا عارفة طولت مررررررة عليك
لكن حبيت يخاطب قلبي قلبك
ربي يفرج للجميع همومهم يصلح أنفسهم أزواجهم وذريتهم
طلبتك تدعيلي ربي يرزقني الذرية الصالحة عاجل غير أجل