حياتنا حلوه رغم الروماتويد
متابعة النقاش، صفحة 19
شاركي في النقاش
سجلي الدخول لإضافة تعليق.
التعليقات
6,128الماسة لاكن حسااسة امي فيها نفس المرض دعواتكم لها بالشفاء
يارب ياكريم يشافيها ويشافينا وجميع المسلمين& ورده & مبــــــــــــــــروك على البيت الجديد ايوه كذا ارتب ويعطيك العافيه يابداية الحياه على المبادره اي نعم حياتنا حلوه رغم الروماتويد والله ان حنا احسن حال من غيرنا ناظروا الي اقل منا تهون مشكلتنا الحمدلله هذا باب مفتوح للاجر اشوفك…
السلام عليكم ورحمه الله وبركاته
شخباركن بنات ان شاء الله بخير الف مبروك البيت الجديد
اتمنى مانسيتوني لاني بالبيت القديم ارسلت بس رساله وحده
الموهم انا ماقلت لكن قصت مرضي مع الروماتويد لاني اشوفكن
دايم تسالن البنات الجدد هذا السؤال بقولكم القصه انا متزوجه
عمري 24 سنه حاليا بعد زواجي بـ 3 شهور حملت ع طول
وجبت بنت زي القمر وبعد ماطلعت الاربعين مباشره انمرضت
ماتهنيت عجزت لا اشيل بنتي عجزت لا اغير لها وعجزت عن
اشياء كثيره حتى عجزت العب معه والالم ينتقل من مكان لمكان
ورحت لدكاتره وكل دكتور يعطيني علاجات ويطلعني وهكذا
وجلست 8 شهور ع هالحاله كله مسكنات فقط الين جاء ذاك اليوم
ورحت لدكتور الله يجزاه الف خير في مستوصف الاسره الطبي
بالسويدي طبعا انا بالرياض عند زوجي واهله اما اهلي انا
بـ حايل يالبى حايل بس المهم يوم شاغ الانتفاخ بيدي ورجولي
وركبتي قالي لازم تسوين تحاليل الحين قلت اسوي ليش لا مع اني
انا اكره الابر وسحب الدم بس المره ماكرهته حبيته من الالم
سويت التحاليل قال تعالي بكره خوذي النتايج طبعا هو دكتور
عظام ومفاصل المهم رجعت له من بكره وقالي انتي عندك
روماتيزمولازم تروحين استشاري روماتيزم باسرع وقت ممكن
قلت اوكيه وقمت ابي اطلع قال وقفي يابنتي وقفت وناضرته قال
تعالي اجلسي وانا اجلس وهو يطل ورقه ويكتب فيها استشاري
روماتيزم وهو يعطيني اياه قال انتبهي لاتروحين لدكتور عظام
استشاري مثل ماكتبت بالورقه قلت ان شاء الله قال لاتهملين
نفسك ضروري جداا انك تتعالجين باسرع وقت المهم شكرته
وطلعت بعدين قعدنا نبحث انا وعلوش بالنت عن افضل استشاري
بعدين واحد من اصدقاء علوش قاله انه عنده روماتيزم ويتعالج
في مستشفى دله فيه دكتوره هناك مممتازه وقالي علوش قلت
خلاص ودقينا واخذنا موعد ورحنا للموعد وكشفت علي الدكتوره
الدكتوره اسمها نشوة عبد الرحمن مصريه وسوت لي تحاليل
وع طول اعطتني ابره مسكنه كان ذاك اليوم سبت وقالت
تعالي الاثنين وانا اخذ موعد وانا ارجع عشان النتايج يوم جيت
قالت انتي عندك روماتويد انا حتى عجزت انطقه حسيت الاسم
صعب روماتويد مفصلي وكتبت لي علاجات وخذيتهن من
الصيدليه حقتهم ورجعت للبيت وانا مبسوطه ومرتاحه انه
اخيرا تم تشخيصي ومن رحت للبيت ع طول دخلت النت
اشوف عن هالمرض وكل يوم ادخل واكتب ما امل للحين وانا
اقرا عنه المهم يابنات انا بعد الاربعين تغير علي زوجي مررره
كان يحبني بجنون ماتخيلون يحبني اكثر من ما انا احبه بعد
بعد عادي يحبني وجاء عندنابحايل اسبوع بعد اسبوع من ولادتي
وكل يوم يطلعني يمشيني ونسولف وكذا ونرجع لبيت اهلي طبعا
بنتي اخليها عند خواتي وامي وهو مره فرحان ومبسوط وبعد
الاربعين جاني بياخذني للرياض برضوه عادي ماتغير للحين
يحبني اكثر من اول بس ياسبحان الله من دخلت بيتهم بالرياض
بدت بيننا مشاكل من اول ليله تخيلو ويطلع ويدخل ولا يعطيني
وجه تغير 180 درجه ولا يجلس بالبيت اصلا ويرجع الفجر
المهم بعدها ع طول انمرضت لان نفسيتي كانت تعبانه مره لاننا
وصلنا للطلاق المهم بعده بشهر رجع علوش الطبيعي عادي
والحمد الله وللحين وانا واياه تمام التمام وان شء الله دوم الله
لا يغير عليناتقولون عين صابتنا انا الحين مريضه لي سنه
وشهر المهم الاربعاء هذا رحت لدكتورتي ووقفت لي الكورتيزون
والحين علاجي فقط المبثيرا 6 حبات مره بالاسبوع
والفوليك حبتين مره بالاسبوع
وسليبريكس حبه باليوم
وفيه حبوب والله ماعرف اسمه اللي يجي بعلبه حبه بعد العشاء
وبس
الله يشفينا يارببداية الحياة بنات ما اشوف ولا وحده علقت على كلام دنيا ماعدى عبير وقالت اني متقاوله معها:hahaha: أن مرض التهاب المفاصل مرتبط بعدم قدرة المعدة على هضم الطعام جيدا، وذلك إما لتوترات يعانيها الفرد، أو تناول أطعمة غير مفيدة. حسيت انه كلا م يدخل المخ وال…
ثلاث اسابيع بس واااي الله يجزاك الف خير انا اول وحده تسوي حمية دنيا
مشكوووووووووووووره ياحيي انتي هالوجه:39:الماسة لاكن حسااسة الله يشفي جميع مرضى المسلمين
يا حياتي عليك يا مرحبا كلنا نفس المعاناه
حياتي الله يكتب لنا ولك الشفاء قادر على كل شي
وفعلن الحاله النفسيه للمريض سبب في تطورالمرض و تدهور المريض
الله يشفينا يا شيخه ويكتب لنا اجر هذا التعب والمعاناه
- امين عبوووووووووووووووره
فديتك ياجدي
مواضيع مشابهة
تابعي تجارب أخرى من هذا القسم.