بسوم متعيطيش بصى انا بتبل الشاورمة بالحاجات الموجودة عندى فى البيت يعنى مية بصل وثوم وبهارات ومايونيز وزبادى ومسطردة ودبس رمان وبهارات وملح وخل لازم عشان بيسويها حسب المتاح بحط بس شاورما اللحمة بتحطيلها طحينة فى التتبيلة وشاورما الفراخ لأ متحطيلهاش طحينة وحطيلها لمون
سيبيها فى التتبيلة بعد ما تقطعيها ليلة فى الثلاجة او لو عايزة فى الفريزر عادى شيليها فى الفريزر بتتبيلتها بس لما تحبى تسويها طلعيها على النار على طول متسيبيهاش تفك واقعدى شوحى فيها ومتغطيهاش لغاية ما ميتها تنشف اما لو طازة من التلاجة بس يبقى لما تحطيها فى الحلة متحطيش ميتها معاها عشان تنشف اسرع وهى اصلا مش هتاخد وقت لانها هتكون مستوية كويس من التتبيلة المهم لما تستوى يعنى بتاخد بالكتير نص ساعة حطيلها طماطم وبصل وفلفل رومى وقلبيها تقلبيتين عشان الخضار يدبل بس وحطى رشة بقدونس وكسبرة مفرومين واطفى على طول وقلبى مرة كمان تكونى مجهزة صينية كبيرة افرديها فيها وحطيها فى الفرن على الشواية من فوق بس وكل دفيقة قلبيها عشان كل جوانبها تتحمر ومتتحرقش وخلاص على كده شيليها ووسعى مكان فى نص الصينية وتكونى مولعة فحمة حطيها فى النص فى ورقة سلفر وعليها نقطتين زيت وغطيها على طوووووووووووووول وحطى على الغطا كمان فوطة عشان تتكتم خالص
10 دقايق كده وشيلي الفحمة وقدميها مع ثومية وكول سلو ومخلل وعيش صاج
فى ناس يتحطلها حتة لية وقت ما بدخلها الشواية عشان الريحة والطعم
الثومية لو حابة تعمليها فى البيت يبقى اعملى ثلثين مايونيز على ثلث زبادى على فص او فصين ثوم مهروس ونقطتين خل وعصرة لمون وبس
ملف استشارة مطبخية مصرية عربية 3
متابعة النقاش، صفحة 428
