السلام عليكم حبوباتي..... إليكم طريقتي في عمل طبق الستيك مع المشروم سوس........ يمكن ماتكون الطريقة مميزة، بس عيالي وابوهم يحبونها بهذي الطريق....
المقادير والطريقة:
* تاخذين الكمية الي تبينها من شرائح الستيك، وتضيفين لها عصير الليمون (أو شرائح ليمون حسب الرغبة) الملح والفلفل الأسود، بصل مقطع شرائح، مايونيز (ملعقة مثلا) وروب......وتتركينه يختمر في الثلاجة على الأقل ساعتين.
* بعدين على الفرن، تحتاج عندي الشرائح الضعيفة إلى 30 دقيقة... الشرائح الضعيفة افضل لأنها ماتيبس، وتكون طرية وسهلة المضغ.
*لعمل السوس: تحمرين ثوم مدقوق في زبدة (نصف الباكيت الي وزنه اظن 125 جم)، تضيفين المشروم الطازج والمقطع شرايح مع الملح والبزار الي تبينه وشوي ليمون.
*تضيفين عليه 2 ملعقة جبن كاسات، ملعقة قشطة وملعقة مايونيز وتقلبينه.
*بعدين تضيفين الطحين ( مثلا ثلاث ملاعق-كل ما كثرت صار السوس كثيف) وتخلطين كل شي مع بعض، إلى أن يمتزج الطحين ويسير عندج الخليط مثل العجينة.
*تضيفين 2 كوب حليب طازج (أو بودرة) وكل مازدتي الحليب قلت كثافة السوس (يعني انتي وذوقج حسب متاتحبينه كثيفه او مياهيه :) )
*تحركين المزيج باستمرار علشان ما يجمد لمدة تقريبا 5 دقائق وتشلينه من النار (الأفضل انج تسوين الشوس قبل التقديم مباشرة.)
* للتقديم حطي فوق الستيك شرائح بصل ابيض (غير مطبوخ) وصبي فوقها السوس... مع شوية بقدونس على الوجه...
وبالعافية :27:
شاركي في النقاش
سجلي الدخول لإضافة تعليق.
التعليقات
12مواضيع مشابهة
تابعي تجارب أخرى من هذا القسم.
