دنيا غريبــــه صراااحه... اول مره اشوف ناس مايستضيفونك في بيتهم لما تخطبين بنتهم!!!!!

متابعة النقاش، صفحة 7

شاركي في النقاش

سجلي الدخول لإضافة تعليق.

التعليقات

127
  1. كلامها طبيعي لوعجبتكم شكلا تفضلو البيت وتكلمو معها وفي بنات بجد ياثر عليها ماهيب سهله يااختي انت شفيك مكبره الموضوع والناس متواضعين وقالوا نخاف ترفضونها اا اشوف قمة التواضع بالعكس ظلمتيها بنظرتك
  2. @msrkaa_hanm


    ما تدرين النفسيات تختلف منك لاختك لبنت عمك وهي اعرف الناس باختها
    وممكن فيه نااس جوهم وطلعو والبنت تاثرت وهم ما يبغون تحصل السالفه مره ثاانيه
    انتم شوفوها بالملاهي واذا اعجبتكم روحو لبيتهم يكون تعارف كبير يومها
    يمكن قصدهم اذا اعجبكم شكلها وباقي الامور تجون للبيت تكملونها
    لان اغلب اللي يدخلون البيوت اول شي يدورونه الشكل
    لاتعقدينها روحو شوفو البنت اذا اعجبتكم تروحون لبيتهم واذا لااا خلاص تمشو بالملاهي ووسعو الصدر
  3. @alaanod_alaanyd

    بالعكس كلامها يدل على إنها انسانة فاهمة وذوق حفظت حقكم وحق أختها فلو أعجبتكم يتم الموضوع ولو ما اعجبتكم ما يضركم ولا يضرها.ولا استهانت بقدركم ولا شيء

    وترى فيه ناس اذا ما اعجبتهم البنت يروحون يشهرون فيها شفناها وما اعجبتنا .. ما اقول انكم كذا .. لكن يا ما سمعنا مثل هالنوعية ويجوز هي سمعت فحبت تحمي اختها من الموقف ولو حطيت نفسك مكانها راح تقدري موقفها.

    أنت روحي المكان اللي حددوه واشترطي إنك تكلمينها مو تطالعينها من بعيد.


    الله يوفق اخوك ويوفقها
  4. لاياحبيبتي البيوت اسرار ....يمكن بيت اهلها فيه مشاكل او مايواجه ومايبغون يتفشلون

    انا شخصيا خواتي الثنتين الكبار ايام زماااااااااان كان بيتنا قديم ومرة يفشل فرفضوا ان اهل رجالهم يجون يشوفونهم في البيت وشافوهم في ملاهي الخيمة ( ايام ملاهي الخيمة :) ) ولاضرهم وهذاهم متزوجات عيالهم اعمارهم في ال20 وال21


    انا شخصيا كان أي عريس يجيني تصير بعده مشكلة من واحد محدد من أخواني شخصيته مرة مرعبة ، طب وش ذنبي أنا لما يجوني ناس يشوفوني واهلي مايبون يستقبلوهم؟؟

    واجد زميلاتي اللي اعرفهم بيوتهم مليانة مشاكل ياأما يصير فيه واحد من الاخوان متسلط او عندهم واحد او وحدة مريضة نفسيا وممكن يفشلهم ...

    زوجة اخوي يوم رحنا نخطبها ماطلعت لأخوي الا بالحسر والخفاء لأن كان أبوها رافض الشوفة الشرعية فخدعوه ودخلوها على اخوي دقيقة بدون علم ابوها..

    وحنا تفهمنا هالشي لأني احنا انفسنا بيتنا مليان مشاكل ومايصير ننقد على الناس شي موجود فينا وموجود في كل بيت الا من رحم ربي..

تابعي تجارب أخرى من هذا القسم.