شاركي في النقاش

سجلي الدخول لإضافة تعليق.

التعليقات

1,570
  1. @am_ayad_2009

    مصرية رقيقة
    ازيك ياحبيبتى اخبارك ايه ؟ على فكره ممكن فعلا تحملي مع الحبوب في ناس بتحصل معاهم لانها مش بتمنع بنسبه 100 % وبعدين لما هو جوزك عايزك تحملي ليه بتاخدى منع الحمل ؟؟؟
    ههههههههه
    والله انتى المفروض يكون اسمك مصرية متفائلة وتيجي تقعدي جنب جوزي
    بصي يا ستي انا بقالي 5 سنين متجوزة وبحاول احمل ومافيش فايدة وعملت المنظار شهر 12 والدكتور شال كيس على المبيض
    واداني حبوب منع الحمل لمدة 3 شهور لمنع تكون الكيس مرة تانية
    فبالعقل كدة يعني اما باخد وسائل تساعد على الحمل مش بيحصل حمل واما اخد حبوب منع الحمل هي دي بقي اللي حتخليني احمل وبعدين انا باخدها بانتظام وفي مواعيدها بالدقيقة والثانية يعنى مستحيل اغلط يوم وانسي اخد حباية
    يبقي ازاي ممكن يحصل حمل
    مش بقالك منفائلة
    وعلى فكرة اسم ام اياد دة للتفاؤل فقط لاغير
  2. @ashtkt_alyk

    ربنا يخليكى يا أودي ويبارك فيكى...
    وبعدين سيبى جوزك يتفائل...
    و ان شاء الله ربنا مش هيكسفه...
    وبعدين ما يمكن يا قلبى الحكاية عندك فيها سوء تفاهم و صحتك تيجى على منع الحمل....
    يلا شدي حيلك و ابدأي التنشيط علشان أفرح بيكى و اقول أنس طنط أودي هتجيبلك واحد من فريق الكورة اللى انت عايزة....(مش تساعدي أختك برده...و لا احنا أصحاب على الورق)
  3. @ashtkt_alyk

    بسكوتة...
    ربنا يخليكى يا حبيبتى....و يسمع منك و يبارك فيكى و تكونى من فريق الحوامل عن قريب...
    و على فكرة..انا مريضة تكيس...و كنت أرقام هرموناتى ملخبطة أكتر من أي حد فيكم....
    علشان كده يا قلبى لما كتبتلك تجربتى كان نفسى تستفيدي منها و تعرفى ان علاجك مش فى العملية...
    علاجك فى الصبر و الخسسان و الاستمرار على الميتفورمين ثم التنشيط بدون زهق لمدة ست شهور و اكيد بأمر الله ربنا هيكرمك فى أي شهر منهم....
    يلا بقى شدي حيلك و صدقينى لو خسيتى شوية مع استمرارك على الدوا ممكن تحملى من غير تنشيط...
    و حتى لو احتجتيه مفيش مشكلة...بس بأمر الله هتكون استجابتك أعلى بكتيييييييييييييييييييرو فرص الحمل هتزيد كتير و فرص الإجهاض هتقل تماما...
    بس يلا بقى شدي حيلك و مش عايزين زهق و لا تعب...و بأمر الله مش هتيجى السنه الخامسة إلا و ابنك او بنتك فى حضنك يا قمر
  4. @hya_nnshr_alkhyr

    شوشو حبيبتى ..
    أنا سعيده بكل كلمة كتبتيها

    عارفه ليه

    لأنى تأكدت الحمد لله إن لسه فى ناس بتفكر بعمق وميثالية فى تربية أبنائهم
    كمان نقاش ريمو .... تفكير توتا فى نوعية مدرسه إبنها اللى هتنجبه إن شاء الله ....
    إهتمام نوفى بنوعية الدراسة و المناخ العام فى مدرسة ولادها

    حقيقى أنا سعيده بالنقاش اللى حصل بينا كلنا

    و عايزه أقولك إنى فعلا بطبق كل الكلام ده .. و عارفه إن سيف فى أهم مرحله لأن الخطوط العريضة
    فى التربية و اللى من ضمنهم جسر الثقة بتتأسس فى أول 7 سنين من عمر أى طفل

    ربنا يعينا جميعا على تربيتهم التربية الصالحة اللى تبيض وجوهنا يوم العرض على الرحمن
    ويرزقنى وكل إخواتى هنا بالذرية الحسنه خلقا وخلقة
  5. @hya_nnshr_alkhyr

    رمـــــال
    رورووووو ابعدى عن المدارس الفرنساوى بالذات ياحبيبتى اسألينى انا جيرانى اللى متربية معاهم التلاته خريجين سان فنسان دى بول اللى فى الحلمية .. وبرغم الانضباط اللى فيها الا ان فيها سلبيات وبلاوى كتير وده كان فى فترة التمانينات والتسعينات فما ب…
    حاضر يا ريمو يا قلبى .. ربنا يخليكى ليا وميحرمنيش منك
    أبداااااااااااااااااا

تابعي تجارب أخرى من هذا القسم.